Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Кыргыз-казак чек арасы: САЯСИЙ ТААРЫНЫЧТАРДАН ЭЛ ЗЫЯН ТАРТТЫ

№781 20-26-октябрь, 2017-ж.


10-18-октябрь күндөр аралыгында кыргыз-казак чек арасында жайгашкан өткөрмө бекеттерде жөө жүргүнчүлөр менен жеңил жана жүк ташуучу унаалардын тыгыны пайда болду. Эки өлкөнүн саясий мамилелеринин зыяны карапайым калкка тийди.

ШАЙЛОО ШЫЛТОО БОЛГОН КӨЙГӨЙ

Бекеттердеги катаал текшерүү казак тараптын демилгеси менен ишке ашып, Астананын расмий билдирүүсү боюнча, көзөмөлдүн күчөшү Кыргыз өлкөсүндө 15-октябрда өткөн президенттик шайлоого карата болгон. Буга байланыштуу Казакстанда кыргызстандык эмгек мигранттарына да кысым күчөп, ар кандай текшерүүлөр жүргүзүлгөнү белгилүү болду. 7-октябрда Атамбаев Назарбаевдин президенттикке талапкер болгон Өмүрбек Бабанов менен шайлоо алдында жолукканын сындап, «өлкөнүн ички ишине кийлигишти» деп айыптаган. Андан сырткары Назарбаевдин чейрек кылымдан бери Казакстанды башкарып келе жатканын эскертип, «жаш президент бизге эмес, аларга керек» деп кесе айткан. Ушул сөздөрдөн кийин кыргыз-казак чек арасындагы текшерүү катаалдашып, жарандар сааттап кезек күтүп калышты.

ЧЕК АРА ЧУУСУ ЕАЭБге ЖЕТТИ

Кыргыз өкмөтү 17-октябрда чек арадагы кырдаалга байланыштуу Бүткүл дүйнөлүк соода уюмуна жана Евразия экономика биримдигине (ЕАЭБ) кайрылды. Анда казак тарап күтүүсүздөн чек ара текшерүүсүн татаалдаштырып, эркин соода жүргүзүү нормаларын бузгандыгы айтылган. 15-октябрда президент Алмазбек Атамбаев да ЕАЭБдин кезексиз жыйынын чакырууга даяр экенин айткан эле. Бул кадамга Казакстандын улуттук экономика министри Тимур Сулейменов нааразычылык билдирип, кырдаалды саясатташтырбоого чакырган. Азырынча эки уюм тең расмий жооп бере элек.

КАЙЫМ АЙТЫШКАН БИЙЛИК, КЫЙНАЛГАН ЭЛ...

Кыргыз-казак чек арасындагы көйгөйгө байланыштуу бекетте кезек күткөн жүздөгөн жарандар эки өлкө бийлигине тең нааразычылыгын билдирип, маселени тезинен чечүүнү талап кылышууда. Ал эми кыргыз бийлиги менен казак бийлигинин «расмий кайым айтышуусу» уланууда. Чек арадагы катаал шарттан улам 5 сааттай кезек күткөн бир казак жараны бекетте оорусу күчөп каза болду. Чек арадагы тоскоолдуктардан ишкерлер да зыян тартышууда. Учурда Кыргыз өлкөсүнөн казак элине сатылчу азык-түлүктөр чек арада токтоп турат. Ал эми Казакстандан сатып алынчу көмүр, цемент жана дан азыктарынын баасы кымбаттай баштаган. Мисалы, цемент Таласта 30 сомго жогорулаган.

ЗАРЫЛЧЫЛЫК 6 СААТТАП ТУРУУГА МАЖБУР КЫЛЫП...

Кыргызстан менен Казакстандын чек арасындагы «Ак-Жол» өткөрмө бекетинде 500дөй адам, 45-50нүн тегерегинде жеңил жана киши ташуучу автоунаа (16-октябрга карата) Казакстандын аймагына кирүү үчүн кезек күтүп жатышкан. Жөө жүргүнчүлөр өтүүчү тосмонун ичиндеги элдин алды кеминде 6 сааттан бери турганын айтышты. Арасында жаш балдар, кары-картаңдар жана кош бойлуу аялдар да бар. Төбөдөн тийген күнгө акактаган жүргүнчүлөрдөн коңшу мамлекетке бараткан максатын сураганыбызда, бири майда коммерция кыларын айтса, экинчилери тажыяга, дагы башкалары Алматынын аэропортуна шашып баратканын билдиришти.

Толгонай Саидова, жүргүнчү: «5 СААТ ТИКЕДЕН ТИК ТУРУУ ОҢОЙ ЭМЕС»

– Менин Кыргызстанда да, Казакстанда да жашаган балдарым бар. 10 жылдан бери чек ара аркылуу өтүп, алардын үйлөрүнө байма-бай каттап турам. Мындай кырдаалга биринчи жолу туш болушум. Жашым 50дө. 5 сааттап тикеден тик туруу оңой эмес экен. Жаан-чачындын жогуна шүгүр деп жатабыз. Кыргыз-казак эзелтен бир тууган болуп, эриш-аркак жүргөн элбиз. Саясий таарынычтар үчүн ортодо карапайым эл жапа тартып калганы кейиштүү болуп турат.

Константин Поздняков, жеңил унаанын айдоочусу: «ШАЙЛООНУ ШЫЛТОО КЫЛЫП ЖАТЫШАТ»

– Бул жерде түшкү саат 12ден бери турабыз. 6 сааттан бери тамак-аш жок, ачка да болуп кеттик. Чек арадан өткөрбөй жатканынын себебин сурасак, ар ким ар кандай жоопторду берүүдө. Көпчүлүгү "шайлоого карата күчөтүлгөн режимде иштеп жаткандыктан ушундай тыгын пайда болуп жатат" деген түшүндүрмө берип жатышат. Бирок шайлоо деле өттү, абал дагы деле өзгөрүүсүз.

УЧУ-КЫЙЫРСЫЗ ФУРАЛАР. КҮТҮҮСҮЗ ЧЫГЫМДАР

Ал эми оор жүк ташуучу унаалар «Ак-Тилек» өткөрмө бекети аркылуу эки өлкөнүн аймагына кирип-чыгат. Алар негизинен мөмө-жемиш, кийим-кече, курулуш каражаттарын ташышат. Өткөрмө бекетке барганыбызда (17-октябрь) жолду катар тизилген фуралардын узундугу 5-6 чакырымга чейин жетип калыптыр. Айдоочулардын айтымында, фуралардын ар биринде 20 тоннадан ашык жүк бар. Алардын арасында бат бузулуучу азыктарды муздаткычы жок ташыгандар күтүү менен өткөн 4-5 күндүн ичинде мөмө-жемиштеринин жарактан чыкканын, бир топ чыгымга учураганын айтып кейишти.

"20 ТОННА АЛМА БУЗУЛУП КЕТПЕСЕ ЭКЕН"

Тизилген унаалардын арасынан Казакстандын номери тагылган Шахин Хамедов аттуу айдоочу муздаткычсыз алма ташып баратканын айтат.
– Мен бул жерге 12-октябрда келгенде алдымда болжол менен 300дөй фура бар болчу. Бүгүнкү күнгө алардын саны эки эсеге көбөйдү. Мен Новосибирскке алма ташыйм, муздаткычым жоктугуна байланыштуу багаждагы 20 тонна алма бузулуп кетпесе экен деп турам. Балким, биз Казакстандын номери менен кыргыз тараптын фураларын ашып өтүп кезексиз кирип кетсек болмок. Бирок Кыргызстандын өкмөтү, токмоктук жай тургундар бизди бекер тамак-аш менен такай камсыз кылып, сыйын көрсөтүп жатышат. Мындай жакшылыкка кантип жамандык менен жооп бересиң? Айдоочулардын арасында улут жок. Биз баарыбыз бирдейбиз. Адамгерчиликти жоготкончо, кыйынчылыкты чогуу басып, бирге ач-ток калганыбыз жакшы.

«БИР СААТТА БИР ФУРА ӨТКӨРҮП ЖАТЫШАТ»

Фуралардын арасында өткөрмө бекетке жакындап калган Жылдызбек Асанбеков курулуш материалдарын ташып баратканын, буюртманын жеткирүү мөөнөтүнөн кечигип калганын айтып иши үчүн кабатыр.
– Бизге буюртма берген тарап мөөнөтүнөн кечиккен товар үчүн айып пул салышы мүмкүн. Аларга чек арада ушундай маселе болуп жатканын айтып, түшүндүргөнгө аракет кылабыз. Өткөрмө бекеттен бир саатта бирден фура өткөрүп жатышат. Кыбыраган кыр ашат болуп, саатына 20 метр жылып отуруп, 4 суткада ушул турган жериме жеттим. Жакындап калдым, буюрса, бүгүн түндө өтүп кетсем керек. Кырдаал күчөгөн күндөн тартып өкмөттүн кылган жардамы 3 маал ысык тамак бергенинде болду.

КӨЙГӨЙ ЖАКЫН АРАДА ЧЕЧИЛЕБИ?

Шайлоодон улам деп чек ара бекетиндеги текшерүүлөрдү күчөткөн казак бийлиги жаралган тоскоолдуктарды шайлоо бүткөндөн кийин деле ала элек. 18-октябрда премьер-министр Сапар Исаков Казакстандын өкмөт башчысы менен сүйлөшүү үчүн Астанага барды. Президенттик шайлоодо Сооронбай Жээнбеков утуп чыккандан кийин казак парламентинин сенатынын төрагасы Касым-Жомарт Токаев аны «эки өлкөнүн кызматташтыгын түшүнгөн адам, тажрыйбалуу саясатчы» деп атаган. Назарбаев да Жээнбековду жеңиши менен куттуктап, расмий телеграмма жиберген. Учурда эки тараптуу сүйлөшүүнүн негизинде чек арадан жөнөкөй жүргүнчүлөр, жеңил унаалар жана бош ири унаалар өткөрүлүүдө. Товар ташып бараткандардын маселеси азырынча чечилбеген боюнча турат.

«Тез жардам» унаасынын нөөмөтчү медайымы 17-октябрда 7 айдоочу кайрылганын айтты. Алар суук өтүп сасык тумоолоп калгандар, аллергия жана кан басымы көтөрүлүп кеткендер болгон.
16-октябрда "Ак-Жол" өткөрүү бекетиндеги кезек күткөндөрдүн саны 500гө чукулдаган.
Кезегин күтүп чыдамы кеткен тосмодогу жүргүнчүлөр.
"Ак-Тилек" чек ара бекетинде ӨКМ тарабынан айдоочуларга тамак-аш берүү үчүн 3 чатыр тигилген.


Алтынай Тынышова,
Бектур Токтоноев
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
24.10.2017. 10:06 
Тайпасы:
Жаран
Комментарийлердин саны:
20
Катталган:
29-03-2017
Соӊку аракети:
31-10-2017 15:30
Жынысы:
Белгисиз
+3
Оозу еыйшык болсода Атамбаев суйлосун деген ушул экенда)))Кеткенде дагы жон кетпей Карарайым элдин жашоосун оорлоштуруп кетти!Чондор элдин жашоосун женилдетпей еле кайра оорлоштуруп жатасынар!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: