Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

МОСКВАДА КЫРГЫЗ ЖИГИТТЕРИ АТ ТАПТАП, ЖАРЫШТАРДА ЧААП ЖҮРҮШӨТ

№761 2-8-июнь, 2017-ж.


Москвага болгон иш сапарда аталган шаардын борбордук ат майданында асыл тукум аргымактарды багып, жарыштарда чаап жүргөн мекендештерибизге да жолуктук. Бул ат майданда 6 кыргыз жигити иштейт экен. Алар иштеринин күнгөй-тескейин айтып беришти.

"АСЫЛ ТУКУМ ЖЫЛКЫЛАРГА ӨЗГӨЧӨ МАМИЛЕ КЕРЕК"

Бактыбек Маматкулов, ат багуучу:
– Мен 2014-жылы мектепти аяктаган соң Москва шаарына келип, ушул ат майданда иштеп калдым. Жумушум өзүмө жагат, жаккан ишимди кылганым үчүн акча алам. Мурун деле ат менен иштеп жүргөм, бирок асыл тукум жылкыларга өзгөчө мамиле керек. Аларга жем, чөптөн сырткары чет өлкөдөн алып келинген витаминдерди да беребиз. Күлүк багуу боюнча көп нерселерди бул жерден үйрөнүп жатам.
Мага 3 таза кандуу ат бөлүнүп берилген. Менин ишим – ошол аттардын астын тазалап, жал-куйругун тарап, бастырып туруу. Эртең менен 4тө туруп, 3 атты кезеги менен бастырып, суутуп турам. 30 миң рубль айлык алам, андан тышкары баккан атыбыз жарышта утса, байгенин 10 пайызы бизге берилет. Ошондой эле аттарды такалайм, ага өзүнчө төлөнөт.

"КЫРГЫЗ ЖИГИТТЕРИ МОСКВАДАГЫ БАРДЫК АТ МАЙДАНДАРДА ИШТЕП ЖҮРҮШӨТ"

Максим Севергин, чабандес:
– Мен Фрунзе, азыркы Бишкек шаарында төрөлүп-өскөм, атам ооганстандык, апам орус. 13-14 жашымдан баштап эле жылкыларга кызыгуум башталган. Балыкчы шаарында таякем ат багып иштечү. Мен каникул сайын таякемдикине барып, ат багуунун сырларын аз-аздан үйрөнүп баштагам. 2006-жылы үй-бүлөбүз менен Орусияга көчүп келип, бул өлкөнүн жарандыгын алганбыз. Алгач Волгоград шаарындагы жылкы заводдо иштеп, кийин бул жакка келип алдым. Мен билгенден Москвадагы бардык ат майданда кыргыз жигиттери иштеп жүрүшөт. Бул жерде деле асыл тукум жылкылар менен иштейм, жеке адамдар күлүктөрүн бизге бактырышат. Учурдан пайдаланып жердештериме салам айтам!

"КҮЛҮК ДЕЛЕ СПОРТЧУ СЫЯКТУУ"

Шеримбек Байкеев, саяпкер, чабандес:
– Талас районунун Конезавод деген айылынан болом. 1986-жылы төрөлгөм. Бала чагымдан эле жылкыга кызыгам. Москвага келгиче деле ат багып, таптап иштечүмүн. Биздин айылда Союз маалында атактуу жылкы заводу бар эле. Ошол жерде иштеген Кубан Батыркулов деген саяпкерден ат таптаганды үйрөнүп, тажрыйба топтодум.
2009-жылы Москвага иштегени келип, ошондон бери ушул ат майданда күлүк багып, саяпкер, чабандес болуп иштеп жүрөм. Аялым, балдарым өзүм менен чогуу. Мен иштеген Москва борбордук ат майданында жалпы 6 кыргыз жигит иштейбиз. Ошондой эле Кыргыз жеринде төрөлүп-өскөн улуту өзбек жана ооган жигити да эмгектенип жүрүшөт.
Күлүк таптоонун да өзүнүн сырлары бар, өзүнчө илим деп койсок болот. Ар бир аттын мүнөзү ар башка, ошого жараша кылдат мамиле талап кылынат. Күлүктү күлүк кылган саяпкер. Күнүгө тарап, тазалап турабыз, денесине бир нерсе чыкса дарылайсың. Аргымакты жарышка түшүүгө даярдоого жок дегенде 4-5 ай убакыт кетет. Бул убакыт ичинде күнүгө тарбиялап, чаап, машыктыруу керек. Жумасына 2 күн атты кыйнап, кара терин чыгарып туруу кажет. Күлүк деле спортчу сыяктуу эле да, күнүгө кыйнай берсең көтөрө албай калат. Көзүнө карап иш кыласың. Бир күнү жеңил чуркаса, экинчи күнү оор тартып калышы мүмкүн.

"ЧАБАНДЕСТЕР ОРТОСУНДА АТААНДАШТЫК КҮЧ"

– Мен Арбукрус, Корнилов, Рамен деген аттарды багып, мелдештерде чабам. Корнилов АКШдан сатып алып келинген. Келгенде үйрөтүлбөгөн, азоо болчу. Ошону үйрөтүп, тарбиялап чаап келе жатам. Азыр 6 жашта. Ал өтө оор басырыктуу, эркелеткенди жакшы көргөн ат. Берген тамакты ылгабай жейт. Марбол проспект деген ат бар, ал да АКШдан алып келинген. Марат Кожомжаров деген саяпкер алып келип бизге саткан. 3 жашында чуркабай коюп, 4 жашынан баштап жарыштарга катышып баштады. 5 ирет жарышка катышып, баарында байгелүү орундарды утту. Мен чапкан Вентмуар деген күлүк 2-орунду алса, Хидерживор деген араб күлүгү 1-орунду алды.
Ат чапкан чабандестер атка жеңил, тайга чак болушу керек. Чабандестер ортосунда атаандаштык күч. Бир жолу жарышка катышуу үчүн бокско барган кезде чабандесибиздин эки буту калтырап, тырышып калып, ат чаба албай калды. Эмне кыларыбызды билбей калдык, мелдеш башталганы калды, чабандес болсо ат чапканга жарабайт. Ошондо ат багып, кыктарын тазалап эле жүргөн Санжар Маратов деген баланы кийинте коюп, таразага түшүрдүк да, Алла Владимировна деген Өзбекстандан келген саяпкер бар, ошол киши менен сүйлөшүп, ал бала жарышка катышып биринчиликти утуп алган. Аны көргөн мурунку чабандес бизге таарындыбы же уялдыбы, айтор, жумуштан кетип калган. Ал балабыз чабандес болуп ат жарыштарга катышып жүрүп, жарым жылда спорт чеберине жеткен. Ал азыр Польшада чабандес болуп иштеп жүрөт.

"АТ СПОРТУ КЫРГЫЗСТАНДА ӨНҮГҮП ЖАТАТ"

– Кыргызстанда бай адамдар күлүк баккан сыяктуу эле, бул жакта да атактуулар өз күлүктөрүн бактырышат. Мисалга, мен иштеген ат майданда Орусиянын премьер-министри Медведевдин биринчи орун басары Игорь Шуваловдун да аттары бар.
Так билбейм, бирок бир атты багууга жем-чөбү болуп 50 миң сомдой каражат кетет болуш керек. Биз багып жаткан аттардын эң арзаны эле бир, бир жарым миллион рубль турат. Көбүнчө биз 1-2 сезон гана карайбыз. Ат чабыштарда кардарлар аларды байкап көрүп эле, сатып алып кете беришет.
Ат спорту азыр Кыргыз жеринде өнүгүп жатат. Ат чабышка 20 миңдей көрүүчү келген Кыргызстанда эле болсо керек, байгелер да жакшы сайылат. Орусияда ат чабыштарда өтө чоң байгелер деле сайылбайт. "Улуттун энчиси", "Президенттин кубогу" деген гана ири ат чабыштар бар. Бул чабыштарда 5 миллион рубль баш байге сайылат.

"Ат, аттан кийин жат" деген макал бизге тиешелүү".


Нурбек Абдыкадыров
koom@super.kg



Москвада асыл тукум ат таптаган кыргыз жигиттери

Автор: Максат Орозумбетов
Оператор: Аскат Тургунбаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  7 
Комментарийлер(6)
05.06.2017. 09:55 
Тайпасы:
Жаран
Комментарийлердин саны:
147
Катталган:
15-02-2013
Соӊку аракети:
19-10-2019 17:53
Жынысы:
Белгисиз
Калаасы:
Бишкек Новосибирск
+7
Азамат мекендештер экен. Бири бирин толуктап колдоп жургондоруно.
05.06.2017. 10:31 
Тайпасы:
Жаран
Комментарийлердин саны:
62
Катталган:
15-07-2011
Соӊку аракети:
17-10-2019 20:34
Жынысы:
Белгисиз
Калаасы:
Екатеринбург
+5
Молодец кыргызымдын жигиттери кайда болбо аман бол.
05.06.2017. 13:50 
Тайпасы:
Жаран
Комментарийлердин саны:
2
Катталган:
14-11-2016
Соӊку аракети:
10-06-2017 02:11
Жынысы:
Белгисиз
+2
Москванын кайсыл жеринде ? Дарегин жазып койунуздарчы?
05.06.2017. 14:43 
Тайпасы:
Жаран
Комментарийлердин саны:
20
Катталган:
06-05-2011
Соӊку аракети:
25-12-2018 16:39
Жынысы:
Белгисиз
+2
Rahmankulov.man,

Московский центральный ипподром. Москва шаары, Беговая кочосу 22. Беговая метросу
09.06.2017. 18:56 
Тайпасы:
Жаран
Комментарийлердин саны:
2
Катталган:
14-11-2016
Соӊку аракети:
10-06-2017 02:11
Жынысы:
Белгисиз
0
Nuke_A,Чоон рахмат.
05.06.2017. 23:09 
Тайпасы:
Жаран
Комментарийлердин саны:
3
Катталган:
05-06-2017
Соӊку аракети:
17-12-2017 23:49
Жынысы:
Белгисиз
+1
Азаматсынар жигиттер.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: