«Жылдын супер актрисасы»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КЫРГЫЗСТАН ЖАСАЛМА ДОКУМЕНТТЕРДИН МЕКЕНИБИ?

№735 02-декабрь-08-декабрь, 2016-ж


"Кыргыз мамлекети башка өлкөлөрдөн артта калды" дегендер жаңылышат. Себеби биздин өлкө – жумушсуздук, паракорчулук, жол кырсыктарынын көптүгү, жасалма документтерди жасоо сыяктуу "үлгү алчу" көрүнүштөр менен коңшу өлкөлөргө салыштырмалуу кыйла алдыда. Бул ирет жасалма документтер боюнча сөз кылмакчыбыз.

АКЧА ҮЧҮН "ӨЛГӨН" АДАМ ИЗДӨӨДӨ

"Ийнени каптын ичине катсаң тешип чыгат" демекчи, чындык бир күнү ачыкка чыгат эмеспи. Кээде Кыргызстан жасалма документтерди алуунун мекениби деген ой келет. Себеби бизде кайсы тармак болбосун документтерди жасоого "шыктуу", мисалдарды санай келсең колуңдун манжасы жетпейт, ал эми аларды көрүп-билип турса да бийликтегилердин мурдун балта кеспейт. Сөзүбүз куру болбошу үчүн өлкөбүздө болуп өткөн соңку окуяларды эсиңиздерге сала кетели.
Ушул жылдын 16-ноябрында ИИМдин басма сөз кызматы АКШнын жараны Ош облусунда өлдү деп өзүнө эстелик тургузуп, камсыздандыруу компаниясынан акча өндүрүүнү көздөгөнүн маалымдады. Маалыматка таянсак, 1985-жылы Өзбекстанда туулган Аслан Камал Ибрагим аттуу адам 2000-жылы АКШга барып, ал жактын жарандыгын алуу менен, камсыздандыруу компанияларынын биринен өз өмүрүн 1 миллион долларга камсыздандырган. Кийин 2014-жылы ал Кыргызстанга келип, Ош облусундагы ооруканалардын биринен өзүнө "өлдү" деген жасалма маалым кат алган. Андан соң Ош облусунун Кара-Суу районундагы мүрзөлөрдүн бириндеги бейиттин үстүнө өзүнө эстелик тургузган. Анын бул амалкөйлүгү ашкереленип, ал кыргыз күч түзүмдөрү жана эл аралык интерпол аркылуу издөөгө алынган. Тергөө иштеринин жүрүшүндө эстелик тургузулган көрдөгү сөөк экспертизадан өткөрүлүп, жыйынтыгында ал башка адамга таандык экендиги аныкталган.
Бул боюнча Кылмыш жана жаза кодексинин 350-беренеси (документтерди, мамлекеттик сыйлыктарды, штамптарды, мөөрлөрдү, бланктарды кол менен жасоо, даярдоо, сатып өткөрүү же пайдалануу) жана 315-беренеси (кызматтык жасалмачылык) боюнча кылмыш иштери козголгон.
"Өлдү" деп жасалма документ берген дарыгер болсо кылмыш жоопкерчилигине тартылып, ага сот тарабынан 400 миң сом айып пул салынуу менен бирге жумушунан бошотулган.

АРБАКТАР ЖОЛДОМО АЛГАНДА...

Көзү өткөн же таптакыр иштебеген адамдар айлык алышы мүмкүнбү? Биздин өлкөдө баары мүмкүн. Ушул жылдын 10-ноябрында Башкы прокуратура Жалал-Абад облусуна караштуу Сузак районундагы Кара-Дарыя айыл өкмөтүнүн кызмат адамдарына кылмыш иши козголгондугун билдирген. Маалыматка караганда, 1934-жылы туулган Ч.А. аттуу жаран 2015-жылдын 15-июлунда каза болгон. Бирок анын атынан Кара-Дарыя айыл өкмөтүнүн жана Социалдык өнүктүрүү башкармалыгынын кызмат адамдары арыз жазышып, Ош шаарында дарыланууга жолдомо алышкан. Кийин жолдомону Н.Т. аттуу жаранга сатып жиберишкен. Азыркы тапта бул боюнча "кызмат абалынан пайдалануу" жана "кызматтык жасалмачылык" беренелери боюнча кылмыш иши козголуп, тергөө амалдары жүрүп жатат.

Өлдү делген адамдын өзүнө тургузган эстелиги.


ИШТЕБЕГЕНДЕР ТИШТЕЙТ

Башкы прокуратуранын 29-сентябрда билдиргенине караганда, Кочкордогу №15-кесиптик лицейдин директоруна 2014-2016-жылдар аралыгында аталган лицейдин кызмат адамдары иштебеген адамга
90 949 сом жана 8 кызматкердин айлык акысына жалпы 78 286 сом негизсиз которушканы үчүн кылмыш иши козголгон. Мындан тышкары лицейдин директору ДТ-75 үлгүсүндөгү тракторду металлоломго сатып жиберген деп шектелүүдө. Мыйзамсыз иштердин кесепетинен мамлекетке
200 235 сом зыян келтирилген.
Кошумчалай кетсек, Нарын шаарындагы №87-кесиптик лицейдин директоруна да "кызматтык жасалмачылык", "кызмат абалынан пайдалануу" беренелери боюнча кылмыш иши козголгон. Аталган лицейдин Т.К. аттуу директору жана лицейдин Ш.А. аттуу эсепчиси жасалма документтер аркылуу "8 кызматкерди жумушка алдык" деп буйрук чыгарып, аларга бөлүнгөн акчаны жеп жүрүшкөн. Анын кесепетинен мамлекетке 287 миң сом зыян келтирилген.

"АРДАКТАП ТУРСА КЕҢ МЕКЕН, ДЕПУТАТ БОЛУУ КЕП БЕКЕН?.."

Кээде билим алуунун деле кажети жоктой сезилет. Себеби дипломду жасатып, аны менен жооптуу кызматтарга оңой эле орношууга, керек болсо депутат болууга да мүмкүн. 2015-жылы Бишкек ШИИББи Бишкек мэриясынын Муниципалдык менчик башкармалыгынын башчысы Р.Е.нин жасалма диплом менен иштеп келгени аныкталганын билдирген. Маалыматка караганда, жогорудагы кызматкер жумушка алынарда 1998-жылы Жусуп Баласагын атындагы Кыргыз мамлекеттик университетинде юрист адистиги боюнча билим алгандыгын аныктаган дипломду көрсөткөн. Шаардык ички иштер башкармалыгынын кызматкерлери аталган окуу жайдын архивин текшергенде бүтүрүүчүлөрдүн арасынан Р.Е.нин аты-жөнү табылган эмес. Ошол эле жылы Талас облусунун Ички иштер башкармалыгынын 5-бөлүмүнүн кызматкери, милициянын ага лейтенанты М.А. жогорку билими жөнүндө жасалма диплом колдонгону аныкталып, анын үстүнөн Кылмыш жана жаза кодексинин 350-беренеси боюнча кылмыш иши козголгон. Ал 2011-жылы ишке орношуу үчүн 2010-жылы Жусуп Баласагын атындагы Кыргыз улуттук университетинин экономика факультетин бүтүргөндүгү жөнүндө жасалма диплом колдонгон, бирок ал ЖОЖдо окуган эмес.
Былтыр Жалал-Абад облусунун Ноокен районунун Арал айылындагы №68-кесиптик лицейинде 5 жылдан бери жасалма диплом менен иштеп жүргөн жаран мыйзамсыз ишин жашыруу үчүн милиция кызматкерлерине пара берип жаткан жеринен кармалган. Анын 2010-жылы Ош мамлекеттик университетин тарых адистиги боюнча аяктаганы тууралуу диплому жасалма экени тастыкталган соң "былыгын" жашыргысы келген. Ал эми 2014-жылы Жалал-Абад мамлекеттик университетинин окутуучусу жасалма диплом сатып жаткан жеринен кармалган. Ал Ош медициналык колледжин бүтүргөндүгү тууралуу жасалма дипломду 30 миң сомго баалап сатып жаткан.
Жакында эле, тактап айтканда, 28-ноябрда Ош ШИИБинин басма сөз кызматы Ош шаардык экологиялык-техникалык инспекциянын мурдагы жетекчиси, маркум Алманбет Анапияевдин агасы Галмамат Анапияевдин Жусуп Баласагын атындагы Кыргыз улуттук университетинин финансы жана кредит адистигинде окубагандыгы, ал дипломду Ош шаардык филиалынын жалган тактамаларынын негизинде алгандыгы аныкталганын билдирди. Буга окшогон мисалдарды санап отурсак гезит бетине батпайт.

КЫРГЫЗ ПАСПОРТУ ОЮНЧУКПУ?

2016-жылдын 17-майында Түркиянын Стамбул шаарындагы аэропорттон Cауд Арабиясына учмакчы болушкан 98 кытай жараны жасалма кыргыз паспорту менен кармалган. Иликтөөдө алар ар бир паспортту 2 жарым миң еврого жасатканы белгилүү болгон. Мамлекеттик каттоо кызматы бул документтердин чыныгы ээлери Кыргызстанда жашаарын жана ал паспорттор жасалма экенин билдирген. Кийинчерээк бул кылмышка шектүү делинип 4 кыргыз жараны кармалып, алардын үстүнөн кылмыш иши козголгон. Ошондой эле алар бул окуяга чейин да башка адамдарга жасалма паспорт жасап жүрүшкөнү аныкталган. Тактап айтканда, алар жалпы жонунан 107 жасалма паспорт жасашкан. Бул окуя чети. Ишенбесеңиз маалымат булактарына "чет өлкөгө жасалма паспорт менен өтүүгө аракет кылган" деген жаңылыктар ат тезегин кургатпай чыгып турат.
Балким, документтерге байланышкан алдамчылыктын тыйылбай жатышына жазанын жеңилдиги себеп болуп жүрбөсүн? Анткени документтерди жасаган же колдонгон адамга мыйзам чегинде эң жогорку жаза – 2 жыл эркинен ажыратуу каралган. Болбосо айып пул төлөп кутулушат.

Асхат Субанбеков
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
07.12.2016. 12:19 
Тайпасы:
Жаран
Комментарийлердин саны:
183
Катталган:
05-11-2016
Соӊку аракети:
09-11-2019 13:11
Жынысы:
Белгисиз
+3
Супер инфо ушул кабарды окуганда тобо чачым тик турду. Шумдугун кургур акча учун озуно мурзого эстелик тургузган озбекистандын мурунку жаранына... Ажобуздун боштугуна чек жок. Тергоо иштери деле таза журбойт жасалма документерге. Иштин баары тергоочулордо жатат.алар кандай тергесе иш ошондой жабылат.
07.12.2016. 16:11 
Тайпасы:
Жаран
Комментарийлердин саны:
62
Катталган:
26-03-2016
Соӊку аракети:
20-04-2019 01:43
Жынысы:
Белгисиз
+1
дээрге соз жок
08.12.2016. 09:35 
Тайпасы:
Жаран
Комментарийлердин саны:
1855
Катталган:
06-02-2012
Соӊку аракети:
22-10-2019 22:07
Жынысы:
Белгисиз
+1
Тупураа,,,москвадан депорт болуп,издоодо жургондор келип аты жонун которуп алып барышып журду го 100долл берсен баарын жасайт биздикилер
09.12.2016. 17:17 
Тайпасы:
Жаран
Комментарийлердин саны:
27
Катталган:
31-08-2015
Соӊку аракети:
19-08-2019 15:10
Жынысы:
Белгисиз
+1
Кытайда мыйзам кучтуу, мамлекетке кыянаттык кылгандарга олум жазасы
11.12.2016. 13:54 
Тайпасы:
Жаран
Комментарийлердин саны:
4
Катталган:
16-07-2013
Соӊку аракети:
02-09-2017 20:56
Жынысы:
Белгисиз
+1
Э тугандар буга окошгон паспортон тажиктерлин жарымы алып койдуго
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: