Архив
897   898   899  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Жолболду Алыбаев, ырчы, обончу, дастанчы: "ЧОЛПОНУМДУ" БИРИНЧИ КЕЛИНЧЕГИМЕ АРНАП ЧЫГАРГАМ"

№725 23-сентябрь-29-сентябрь, 2016-ж


Жолболду Алыбаевди эл өзүнүн "Чолпонум", ошондой эле Барпынын "Өзгөчөм", "Мырзайым", Жеңижоктун "Көксулуу", "Балам жок" сыяктуу чыгармалары менен жакшы тааныйт. Кийинки жылы 70 жылдык юбилейин белгилегени турган ырчы, дастанчы эмдигиче колунан комузун түшүрбөй ырдап келет. Бул ирет агай бизге чыгармачылыгынын башаты, жеке жашоосу тууралуу сыр төктү.

КААРМАН ТУУРАЛУУ


Туулган жылы – 1947-жыл
Туулган жери – Өзгөн районунун 1-Май кыштагында туулган
Наамдары – Кыргыз Республикасынын Эмгек сиңирген артисти (1993), Эл артисти (2005)
Чыгармаларынын 3 жыйнагы жарык көргөн.
5 уул, 2 кызы, 14 небере, 1 чөбөрөсү бар.

"6 ЖАШЫМДА КОМУЗ ЧЕРТЧҮМҮН"

- Үйдө 3 бир тууган элек. Карындаштарымдын бири кайтыш болуп, азыр экөөбүз калдык. Апам Райла менен атам Парпи тоого мал багып кеткенде бизди таенем карап калчу. Ал киши кошок, жомокторду укмуш айткан, сөзгө чебер жан эле. Биздин айылдыктар четинен комузчу, ырчы болгондуктан алардын, таенемдин таасири тийип 5-6 жашымдан тарта комуз чертип, ырдай баштагам. Ырым кылып оозума түкүрүп, комузду үйрөткөн адам айылдагы Касым комузчу болду.
7-класстан баштап ыр чиймелей коюп жүрдүм. "Кыргызстан пионери" гезитине ырларым жарык көрүп, мен ошого шыктанып, акын болом деген максат койгом. Адабий китептер колумдан түшчү эмес. 9-классымда "Ичкилик жөнүндө терме" деген ырды жазып, аны менен райондук, облустук, республикалык кароо-сынакка чейин катышып, башкы орунду жеңип алдым.
10-класста окуп жүргөн кезимде Рыспай Абдыкадыровдун "Түгөйүм" деген ыры популярдуу болуп чыга келди. Мен баянды ойноону үйрөнүп, ошол ырды ырдап чыктым. Ошондон кийин акын болом деген максатымдан кайтып, обончу болом дегенге өттүм.
Кийин Оштогу педагогикалык институтунун музыка факультетине окууга кирсем Рыспай Абдыкадыров 2-курста окуйт экен. Анын таасиринен аккордеондо ойноп, Рыспайдын ырларын көбүрөөк ырдай баштадым. Эл мени "экинчи Рыспай" дешчү болду. Ошентип 25 жыл аккордеондо ойноп, обон чыгарып жүрдүм. Анан чыгармачылыгымды өзгөртөйүн деп кайра комузга өттүм. Анын үстүнө эл "өз жолуңду тап, Рыспайдын көлөкөсүндө калып калдың" дешти. Ойлонуп улуу акындардын ырларын, обондорун, ал эле эмес эл ичиндеги казал, терме ырларды, дастандарды алып чыктым. Өзүмдүн да көптөгөн чыгармаларым жаралды. Дастан, терме ырларымдын саны 50дөй. Элдик ырлардын 400дөйүн кайра иштеп жана ырдап чыгып, Кыргыз радиосунун Алтын казынасына жазып калтырдым. Аккордеон менен 100дөн ашык обон чыгаргам.

"ОРОЗАЙЫМДЫ 40 КҮН СҮЙЛӨШҮП АЛА КАЧКАМ"

- Мен 2-курс экенимде 1-курска Алайдан Орозайым деген сулуу кыз келип окуп калды. Таанышкандан соң байкасам оор басырыктуу, акылдуу, ыр-бийге да шыктуу экен. Жагып калды. Ал кезде үгүт бригада деген бар болчу. Таланттуу студенттерден топ түзүлүп, ал топ иштеп жаткан студенттерге барып концерт коёр эле. Мени ошол бригадага жетекчи кылып шайлашты. Топко Орозайымды кошуп алып, концерт коюп жүрдүк. 40 күн сүйлөшкөн соң ала качып кеттим. Үйдөгүлөр айылына ата-энесинин алдына барса аларды өздөрүнүн эмес, туугандарынын үйүнө киргизип, ошол жактан жөнөтүп жиберишет. Көрсө, аны үйүндөгүлөр апасынын туугандарына кудалап, жарым калыңын да алып коюшуптур. Ошого кызынын турмушка чыкканын элден жашырып жатышкан экен. Кудалап коюшканын Орозайым мага айткан эмес.
Ошентип жашап калдык, бирок апасы бизге катуу каршы болуп жүрдү. Бир уулдуу болдук эле, чарчап калды. Кийин кыздуу болдук, ал 5 ай жашаган соң чымчык болуп учуп кетти. Ошондон кийин апасы кызын алып кетип калды. Бир жыл өткөндө барып алып кетейин десем Орозайым өзү макул болгон жок.
"Чолпонумду" 1991-жылы жарыкка алып чыккам. Улам жазып, кайра оңдоп отуруп бир жыл дегенде бүтүп, анан обонун чыгаргам. "Чолпонум" деп атаганымдын себеби Орозайымдагы, дегеле кыргыз кыздарындагы мыкты сапаттарды топтоп, жуурулуштуруп Чолпон жылдызына салыштырып жана сүйүүнү даңктап берейин дегем.

"28 ЖЫЛ ЖАШАГАН СОҢ АЖЫРАШТЫК..."

- 1979-жылы Жалал-Абад педагогикалык окуу жайында иштеп жүрүп, 3-курста окуган Венера деген кызга баш коштум. Эптеп үй-жай курап, 4 уул, 1 кыздуу болдук. Ал экөөбүз 28 жыл чогуу жашап, анан эки башка жолго түштүк. Себебин сен сураба, мен айтпай эле коёюн. Ажырашып жатканда Өзгөндөгү үйдү сатып, 1 уулума Оштон үй алып берип, ага "апаңарды жакшылап карагыла" дедим. Азыр балдардын баары үй-бүлөлүү. 3 уулум Ошто, бири Санкт-Петербургда жашайт. Кызым да бүлө күткөн. Баарын өзүм үйлөнтүп-жайланткам.
Тагдыр өз буйругун кылат экен, кийин азыркы аялым Бүсайрага баш байладым.

"ЖУБАЙЫМ "ЖОЛБОЛДУ" ДЕГЕН ООРУ МЕНЕН КӨПКӨ ООРУПТУР"

- Бүсайра көп жылдан бери мен иштеген ОшМУнун искусство факультетинде китепканачы болуп эмгектенет. Мунун мага турмушка чыгып калуусунун тарыхы мындайча: Токмоктон окуусун бүтүрүп, айылы Кара-Сөгөттө (Кара-Суу району) китепканачы болуп иштеп жүрөт. Ал кезде "Чолпонум" ырым популярдуу болуп жаткан кези экен. Ушул ырымды ал радиодон угуп, керемет чыгарма тура, муну ким ырдайт деп абдан кызыгып калат. Ошондон кийин менин ырларымды үзбөй угуп, "Жолболду" деген оору менен ооруй баштайт. "Кийин күйөөгө чыксам уулумдун атын Жолболду коём" дечү экен. 1993-жылы турмушка чыгып, уулдуу болуп, атын Жолболду коюптур. Бирок тагдыр жолдошу экөөнү эки жээкке сүрүп, ажырашып кетишет. Бир жолу Ошко келип мени менен таанышып калат. Анда мен Оштогу филармонияда иштечүмүн. Экинчи жубайым менен ажырашып жүргөн кезим болчу. 7 айдай тааныш болуп жүрүп, анан бир очоктон түтүн булатып, бир кыздуу болдук. Чогуу жашагандан көп өтпөй эле Жолболду уулубузду колубузга алганбыз. Ошентип бир үйдө эки Жолболду жашап калдык. Азыр ал 22 жашта, Москвада иштейт. Кызыбыз болсо 13тө. Бүсайра "бир үйдө эки Жолболду болуп калды, баланын атын өзгөртөлү" деди эле, мен "жөн кой, кийин өзүнчө тарых болуп калат" деп макул болгон жокмун. Экөөбүз баш кошкондон 6 айдан кийин жинди сууну таштадым. Ошо менен 20 жылдай ичпей, акыры биротоло токтотком.

Чыгармачылыктагы жакшы санаалаштары Шахра Талипова жана Арзыбек Бедияров менен.


Жубайы Бүсайра жана уулу Жолболду.


Канымжан Усупбекова
Сүрөттөр Жолболду Алыбаевдин өздүк архивинен алынды.
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
26.09.2016. 16:53 
Тайпасы:
Кыймылы жок
Комментарийлердин саны:
7
Катталган:
24-10-2015
Соӊку аракети:
17-12-2017 16:45
Жынысы:
Белгисиз
+4
Бар болунуз
26.09.2016. 17:15 
Тайпасы:
Жаран
Комментарийлердин саны:
192
Катталган:
29-06-2016
Соӊку аракети:
05-09-2019 16:26
Жынысы:
Белгисиз
+3
Ырларыныз эн мыкты бар болунуз доолотуу карылыкта омур сурунуз дагы да жакшы ырларды жаратып аман журунуз.
26.09.2016. 17:24 
Тайпасы:
Жаран
Комментарийлердин саны:
18
Катталган:
10-09-2016
Соӊку аракети:
02-01-2020 20:21
Жынысы:
Белгисиз
Калаасы:
ЖАШАСЫН
+4
Жолболдулар десе,))
27.09.2016. 03:36 
Тайпасы:
Кыймылы жок
Комментарийлердин саны:
52
Катталган:
16-05-2016
Соӊку аракети:
25-02-2017 01:29
Жынысы:
Белгисиз
+3
Оа Алайдан алган экен анан ошо Чолпонумду ырдап чыгып калганда эле азыркы абышкасы твны көтөруп талкалап ар жаны тынып калчу экен Жолболду агай азыр көөп барат Алайда достору да көп.
28.09.2016. 12:22 
Тайпасы:
Жаран
Комментарийлердин саны:
2
Катталган:
25-03-2016
Соӊку аракети:
19-09-2019 19:05
Жынысы:
Белгисиз
+3
Бар болунуз Жолблду ага. Путин сизге окшош экен учоонуз тушкон суротто
30.09.2016. 11:36 
Тайпасы:
Кыймылы жок
Комментарийлердин саны:
65
Катталган:
24-04-2011
Соӊку аракети:
01-09-2018 11:30
Жынысы:
Белгисиз
Калаасы:
kg
0
bakyt_7,айтпа)))
01.10.2016. 07:44 
Тайпасы:
Жаран
Комментарийлердин саны:
76
Катталган:
14-12-2012
Соӊку аракети:
22-01-2020 11:47
Жынысы:
Белгисиз
0
Ырларын кайдан тапсак болот я супер сулуу
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 2 колдонуучу (Катталган: 0, коноктор: 2) бул макаланы окуду:

Макалалардын саны:
23533;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: