Архив
897   898   899  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«РИО-2016»: ГРЕК-РИМ БАЛБАНДАРЫ МЕДАЛГА ЖЕТКЕН ЖОК

№720 19-август-25-август, 2016-ж


«Рио-2016» Олимпиадасынын экинчи аптасында кыргыз спортчулардан медалдар үчүн күрөшкө жеңил атлетчилер менен балбандар киришти. Тилекке каршы, үмүт арткан грек-рим күрөшү боюнча балбандарыбыздын мыкты жыйынтыгы Арсен Эралиевдин 5-оруну болду.

КАЛЫСТЫГЫ ЖОК КАЛЫСТАР

Беттештер кезеги балбандарга жетип, 14-августта грек-рим күрөшү боюнча 59 килограмм салмакта Арсен Эралиев чыкты. Чү дегенде эле чүчүкулактын жыйынтыгында Арсенге атаандаш катары Дүйнө чемпиону Исмаэль Борреро Молина туш келди. Татыктуу күрөш өткөргөнү менен, балбаныбыз 6:3 эсебинде жеңишти алдырып, Борреро финалга дейре жеткендиктен коло үчүн беттешүүгө укук алды. Анда кытайлык Ванг Люминди 4:2 эсебинде утуп, өзбек спортчусу Эльмурат Тасмурадов менен 3-орун үчүн кармашты.
Бул беттеш күрөш эмес, кадимки салгылаш болду. Бири-биринен кем калышпаган спортчулардын тагдырын ортодогу калыс чечип салды. Биздин балбанды бир эмес, үч жолу партерге жаткырган калыс өзбек спортчусуна упай алсаң алып кал дегендей кылды. Биринчи бөлүктөн кийин 0:5 эсебинде күйүп жаткан Арсен экинчисинде чамданып, 6 упайлык ыкма колдонуп алдыга озду. Бирок калыстын партерге улам Арсенди коюп жатышы менен атаандаш эсепти 13:8 кылып, коло байгени илип кетти. Муну менен эмне үчүн күрөштү Олимпиададан четтетүү тууралуу суроо туулуп жатканы эске түштү. Олимпиададагы дээрлик ар бир күрөштөгү беттеш спортчулардын калыстарга болгон нааразычылыгысыз өткөн жок. Адилеттүүлүгү жок спортто беттешүүнүн кереги барбы деген ой туулат...

АЛГАЧКЫ БЕТТЕШ АКЫРКЫСЫ БОЛДУ

15-август күнү килем үстүнө 85 килограмм салмакта Жанарбек Кенжеев менен 130 килограмм салмак ченинде Мурат Рамонов чыгышты. Тилекке каршы, эки балбаныбыз тең алгачкы беттешинде утулуп, медалдар үчүн күрөштү уланта алышкан жок. Учурдагы Азия чемпиону Жанарбек Кенжеев германиялык Максимилиан Кудла менен кез келип, 2:0 эсебинде утулуп калса, Мурат Рамонов Орусиянын өкүлү Сергей Семёновго 8:4 эсебинде жеңишти тарттырып жиберди.
16-августта 66 килограмм салмакта балбаныбыз Руслан Царев алжирлик Тарек Азиз Бенайсса менен кармашып, 6:0 эсебинде жеңилди. Атаандашы финалга чейин жетпей, Руслан коло үчүн күрөшүү мүмкүнчүлүгүнөн ажырады. Үмүт арткан балбандарыбыздын алгачкы беттештеринде утулуп калуусу кыргыз күйөрмандардын шаабайын суутту.


800 МИҢ СОМДУК 7-ОРУН

12-август күнү 100 килограмм салмак ченинде дзюдочубуз Юрий Краковецкий беттештерин баштады. Ал алгачкы беттешинде Андре Бейтбартты иппонго салып утуп алса, жарым чейрек финалда украиналык Хаммо Яковдон мыкты болуп чыкты. Медалдар үчүн жол ачыла баштаганда чаалыга түшкөн Юра өзбек балбаны Абдулло Тангриевге жеңишти алдырып жиберди. Муну менен коло байге үчүн кармашка мүмкүнчүлүк түзүлгөнү менен, Юраны кубалык Гарсия Мендоза иппон менен утуп алды.
Мелдешти 7-орун менен жыйынтыктаган Юрий Краковецкий медалдар үчүн болгон күчүн сарптаганын билдирди. «Колдон келген бардык аракетимди көрдүм. Мени тааныгандар да, тааныбагандар да колдоп жатышты. Бардыгыңарга ыраазычылык. Эми кийинки оюндарга даярдык көрөбүз» деп айтты. Кыргыз өкмөтү тарабынан алдыңкы 8 орунга чейин сыйлык каралган, эми 7-орун үчүн дзюдочу 800 миң сом алат.

ДАРЬЯ МАСЛОВА 19-ОРУНДА

12-август күнү кыргыз спортчуларынын арасынан жеңил атлетчи Дарья Маслова 10 миң метр аралыкка чуркоодо күчүн сынады. Бул жарышка жалпы 37 өлкөнүн спортчулары катышып, Африка континентинин спортчулары башкы фаворит саналды. Кара континенттин жөө күлүктөрү эзелтеден бери алыскы аралыкка жарышууда алдына эч кимди чыгарбай келишет. Эркеги да, кыз-келиндери да.
Бул жарышта Кения менен Эфиопия өлкөсүнүн спортчу айымдары жарышты ортолоп калган маалда атаандаштарын дээрлик бир айлампага артка калтырып, жыйынтыгында эфиопиялык Аяна Алмаз 29 мүнөт 17,45 секунд рекорддук көрсөткүч менен 1-орунду багынтты. Экинчиде кениялык Вивиан Черуйот келсе, коло байгени дагы бир эфиопиялык спортчу Тирунеш Дибаба алды. Биздин Дарья Маслова 31 мүнөт 36,9 секунд менен 19-орунга илинди.

МАРАФОНЧУЛАРДАН МАЙНАП ЧЫКПАЙ...

14-августта кыз-келиндер арасында Олимпиаданын эң татаал мелдештеринин бири марафон старт алды. Катышуучу жалпы 156 спортчунун арасынан 3 спортчу Кыргыз өлкөсүнүн намысын коргоду. Юлия Андреева, Мария Карабицкая жана Виктория Полюдина 42 чакырым 195 аралыкты багынтууга белсеништи.
Чыдамкайлыкты талап кылган бул жарышта спортчуларыбыз алдыңкы 50 спортчунун катарынан орун ала алышкан жок. Юлия Андреева марага 2 саат 40 мүнөт 34 секундда жетип 59-орунду ээлесе, Виктория Полюдина 62-орун (2 саат 41 мүнөт 37 секунд), Мария Карабицкая 156 спортчунун ичинен 94-орунду ээледи (2 саат 47 мүнөт 53 секунд). Кениялык жөө күлүк Жемима Желагат Сумгонг 2 саат 24 мүнөт 4 секунд көрсөткүчү менен алтын медаль тагынса, 2-орунду Бахрейндин өкүлү Юнис Жепикуруи Кирва, үчүнчү орунду эфиопиялык Маре Дибаба алды.


Адилет Керимбек уулу
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
27.08.2016. 19:48 
Тайпасы:
Кыймылы жок
Комментарийлердин саны:
34
Катталган:
16-11-2015
Соӊку аракети:
10-04-2018 20:00
Жынысы:
Белгисиз
Калаасы:
Кун чыгыштан 5 км бериде!
0
Эч теке эмес бирде болот, бирде болбойт дегендей, маанайды тушурбой алдыны коздой аракет кыла бергиле.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23503;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: