«Жылдын супер дуэти» (Добуш берүү токтотулган)


Талант 60`K & Айя Садырова, «Сүйүү балы»
31,4% (403)
Эрлан Андашев & Ирина Шот, «Жаным»
30,1% (386)
Кудайберди Айтбосунов & Толгонай Арзыкеева, «Садагам»
13,1% (168)
Баястан & Нурлан Насип, «Келинчегим»
11,5% (148)
Урмат & Неля «Жанымда бол»
8,3% (106)
Кенже Дүйшеева & Кубаныч Сатаев, «Жан досум»
3,3% (43)
Назми & Курал Чокоев, «Бул ким?»
2,3% (30)

Жалпы добуш (1284)


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ЖЕР-КӨЧКҮЛҮКТӨР "ЖЕРИЛГЕН КАЛКПЫЗ" ДЕШЕТ

№714 8-июль-14-июль, 2016-ж


"Ааламга жол айылдан башталат" деген жакшы кеп бар. Кайда жүрбөйлү баарыбызды тең айылыбыз көрүнбөс жип менен байлап, көк майсаңы көксөтүп турат эмеспи. Гезит бетине өлкөдөгү түрдүү айылдардын баянын жарыялап турабыз. Андыктан сиздин айылыңызга да барып калышыбыз алыс эмес. Ал эми бул сапар Нарын облусуна караштуу Нарын районунун Кара-Кужур айыл өкмөтүнө караштуу Жер-Көчкү айылында болуп кайттык.

АЛТЫН КЕНДЕРГЕ ЖАКЫН АЙЫЛДАРДЫН БИРИ

Жергиликтүү калк "Кара-Кужур айыл өкмөтүн Нарын районуна туура эмес бөлгөн. Бизди Кочкор районуна эле кошуп коюшса жакшы болмок" дешет. Анткени Нарын районуна караштуу айылдардын дээрлик бардыгына Долон ашуусун ашып өтүп анан барабыз. Ал эми Кара-Кужур айыл аймагына Бишкектен бара жаткан адам Долонду ашпай эле барат. Аталган айыл өкмөткө Лахол, Жер-Көчкүайылдары кирет. Негизги тиричилиги – мал чарбачылык. Жер-Көчкү айылы деңиз деңгээлинен 3400 метр бийиктикте жайгашкан. Бир тарабында "Акташ" жана "Солтон-Сары" алтын кендери болсо, 10 чакырым аралыкта "Кумтөр" алтын кени жайгашкан. Айыл эли атам замандан бери эле мөңгүдөн агып түшкөн тоо суусунан ичип жашап келишет. Айылда 130дай түтүн бар.

"БООРУ ООРУЛУУЛАР КӨП"

Мен барган үйдө айылдын аксакалдары, орозо кармаган келин-кесек чогулуп ооз ачууга даярдык көрүп жатышкан экен. Алар үй ээси Асанкадыр Жартиевдин айткандарын бир ооздон колдоп-коштоп отурушту.

– Мындан 2-3 жыл мурун айылыбыздын бир жашоочусу ооруп, ооруканага барса боорунун жарымынан көбүн курт жеп коюптур. Доктурлар анын дартын альвеококкоз (боордун мите курт оорусу) деп аныктап беришти. Бул дарт адамга малдан, карышкыр, түлкү сыяктуу жандыктардан жугат экен. Ошол дарттан 3 адам көз жумду. 15тен ашык адам боор куртун алып жүрүүчүлөр жана 4-5 адам боорунун жартысын алдырып операция болушту. Тоонун башынан агып түшкөн сууга кишиси деле, ити деле, айтор, айылдагы мен жандык дегендин баары башын салып иче берет. Оорулардын башкы себеби ушул. Айыл өкмөт "200 миң сом чогултсаңар айылдан суу чыгарабыз" дешти. Баягы "чегирткени алына карап канын сор" деген кеп бар эмеспи. Колубуздан келишинче жыйнап жатып 170 миңдин айланасындагы акча чогулду. Эми 30 миң жетпей жатат деп тил эмизип келгени келген. Ушинтип жатып чогулткан акчабызды орто жолдо "сол чөнтөккө" солой салышпаса эле болду деп жатабыз. 2015-жылдагы парламенттик шайлоо алдында депутаттыкка талапкерлер келишип, "шайлоо бүтөрү менен келип суу чыгарабыз" дешкен. Сууну укканда туз сураган койдой болуп добушубузду аябай бергенбиз. Убада кылгандар азыр эл өкүлү болуп парламентте отурушат. Дегеле дайындары жок.
Былтыр арабдар жардам көрсөтөбүз деп айылдын бир жеринен 30 метр тереңдиктен казып суу чыгарып беришкен. Насос электр энергиясы менен иштечү. Анан айыл өкмөтүбүз келип "насоско эсептегичи жок эле электр энергиясы кетип жатат. Экономикага чыгым келтирип жатасыңар" деп туруп кырктырып салган.

"СЫНАЛГЫ КӨРБӨЙБҮЗ"

– Айыл эли дүйнөдө, анын ичинде Кыргызстанда эмне жаңылык болуп жатат кабардар эмеспиз. Себеби сыналгы тартпайт. Баарыңар санариптик көрсөтүүгө өтөсүңөр деп антеннабызды жулуп кетишкен. Санариптик көрсөтүүгө өтүүгө баарында эле шарт жок.

Айылда мектеп менен мечиттен башка эч нерсе жок. ФАП салынган деп айтсам туура болбойт го? Айтор, ФАП болот деп контейнер орнотуп беришкен. Анын ичине көлөмдүү 2 аял кирсе, үчүнчүсү батпай сыртта калып калат. Адистер жетишсиз. Жөнөкөй процедураларды билген 2 келин иштейт. Адамдын ден соолугуна ушунча кайдигер мамиле жасалып жаткандан кийин малдыкын айтпай эле коёюн. Ветеринарлар жок болгондуктан малдарыбыз мутант жандыктарды туушат. Буту тайтак, укмуштуу дене мүчөлүү кулундар, бир көздүү улактар туулат. Жан үрөп баккан малың бала салып, анысы аз келгенсип тууттан өлүп калат.

"ЖОЛ АЗАБЫ КЫЙНАП БҮТТҮ"

Дагы бир айыл тургуну Бакас Шүкүрканов Асанкадыр аксакалдын сөзүн улай өз көйгөйүн кошумчалай кетти:

– Өткөндө биздин айылдын контролёру менин электр эсептегичимден цифраларды туура эмес жазып кетиптир. Бир айдан кийин 5000 сом деп дүмүрчөк келди. 100 сомго жетпеген эле акча төлөчүмүн. Билесиңер, айыл жеринде от менен казан, самоор көп иштетилет. Төбө чачыбыз тик туруп эле териштирип калдык. Көрсө, тиги 2 деген санды 7 деп жазып алган экен. Мен эле үйдө бекер жаткансып эми арыз жазып, ал катаны оңдотуш үчүн райондук борборго барып убара тартышым керек экен. Мага ашыкча баш оору жаратып коюп жүрөт тиги. Райондук борборго барыш эле оңой дейсиңби? Кочкорго караштуу болсок бир жөн эле. Дегеле жол азабы деле бизди кыйнап бүткөн.
Айылдыктарга унаа түтпөйт. Райондун борборуна бир барып келгенден кийин өпкө-бооруң аралашып, унааң дагы чарчап калат. Анын үстүнө айылда эч нерсе бышпагандыктан картошкадан бери сатып жейбиз. Анын баарын жүктөп келиш керек. Малга тоют камдоодон башка айдап-себүү иштери жүргүзүлбөйт. Себеби эч нерсе бышпайт. Арпа айдайбыз. Ал баш алганда суук түшөт. Кар басып кала элегинде деп чаап, жыйып алабыз.

"ТЕРИ ООРУСУ МЕНЕН ООРУЙБУЗ"

Бакас аксакалдын "аллергия болуп, денем кычышат" деген сөзүн келиндер жаалап коштоп кетишти. "Мындан 5-10 жыл мурун 2-3 эле адамды кыйнап келген аллергия бар болчу. Азыр, байкасаңыз, ар бир үйдө бирден тери оорусу менен жабыркаган адам бар. Буту-колубуз кычышып, темгил жара, карт болуп кеткен. Айылыбыз суук болгондуктан этек-жеңи кыска кийим деле кийбейбиз. Шаарга барып элге аралашканда колу-буттагы жараларыбыздан уялып корунабыз. Ал тургай чоочун бирөөлөр менен бир дасторконго отуруп калсак тырмана бергенден уялып, барбай, элден чыгып чүнчүп кеткендер бар",- дешти бир ооздон.

"БИР КҮНДӨ 4 МЕЗГИЛДИ ТЕҢ КӨРСӨ БОЛОТ"

Эки сааттык маектешүүдөн кийин эшикке чыгып кеч киргенче айыл аралай бастым. Чындыгында кылайган бир бак жок. Анткен менен жери керемет, көк майсаң шибер, жылга менен таштан ташка урунуп аккан суу. Кырда жайлаган мал жайлоону элестет. Жер-Көчкүдеп аталганы менен бир да жолу жер көчүп, табият кырсыгына чулгабаптыр. Мага гид болгон тестиер балдардын бири менен жолдо катар маектештим.

– Атың ким?
– Эрназар.

– Эмнеге айылыңарда бак жок?
– Өспөйт да.

– Гезит окуйсуңарбы?
– Ооба.

– Почта барбы?
– Жок, гезитти, пенсия менен балдардын акчасын апаларыбыз айылдагы дүкөндөрдөн барып алып келишет. Почточу дүкөндөргө таратып кетет.

– Мектептен деле ушул сууну колдоносуңарбы?
– Ооба. Ушул суудан чай кайнатып беришет, компот ичебиз, тамак жасашат.

– Сууга түшүп ойнойсуңар да, ээ?
– Ооба, чоң суунун башына барып, кээде күн ысыганда көлмө жасап түшөбүз.

– Айылың жөнүндө айтып берчи.
– Тиги турган медпункт. Бул болсо мечит. Суунун бул өйүзүндөгү 2 корпус биздин мектеп. Айылда бир күндө эле 4 мезгилди көрүп койсо болот. 1-2 айдай эле жай болот, анда да бат-баттан жаан жаай берет.

Жогорудагы көйгөйдүн баарын угуп, айыл өкмөткө жолугууну туура көрдүм. Тургундар анын ооруканада экенин айтышты. Калк айтса калп айтпайт. Эптеп тиричилик өткөрүп жаткан айылдын көйгөйүн угуп, алардын арзыбаган акча кетчүсуу маселесин чечип берүүнүн ордуна кээ бир чиновниктер өкмөттүн эсебинен акча бөлдүрүп, бассейнге түшмөкчүбүз деген дымагына каңырыгым түтөп турду. Дагы жакшы, сыналгы көрүшпөйт экен. Антпесе Ак үй-Көк үйдөгү"жума намазга баралы-барбайлы, кызматтык унаа менен батир алалы, кресло, килем алалы" деген талкууларды угушса эмне болмок?

"Мал-жан, ит-куштун баары ушул суудан ичебиз".

"Айылдык ФАП. Ичине көлөмдүү 2 аял кирсе үчүнчүсү батпай калат".

Майып туулуп, жайлоого жетпей үйүрдөн калган кулун. Кожойкеси упчу менен сүт берип багат.

Бала салган бээнин мутант кулуну. Тилекке каршы, энеси да өлүп калыптыр.

Гүлжан Асанкожоева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(5)
11.07.2016. 11:59 
Тайпасы:
Кыймылы жок
Комментарийлердин саны:
19
Катталган:
01-10-2012
Соӊку аракети:
24-11-2017 23:55
Жынысы:
Белгисиз
Калаасы:
bishkek
+5
Солтон Сары алтын комбинаты тууралуу курч чагылдыруу абзел. Ушу кен иштегени карысынан жашына чейин аллергия болгону ырас. ошондой эле мурун Ак Таш комбинатын иштеткенде ошол комбинаттын камаздары Кара Кужурга барчу жолдун тамтыгын чыгарышкан. Ал жолго шагыл төгүп оңдош керек эле. Тилекке каршы басырылган жолду ого бетер басырылтып грейдер келип сүрүп аңгыл дөңгүл кылып баса берет.
11.07.2016. 12:03 
Тайпасы:
Кыймылы жок
Комментарийлердин саны:
19
Катталган:
01-10-2012
Соӊку аракети:
24-11-2017 23:55
Жынысы:
Белгисиз
Калаасы:
bishkek
+2
Гүлжан Асанкожоева Ашуу Төр, Тармал Төр деген жайлоолорунда болдуңарбы. Тармал Төрдүн чөбү кадимкидей тармал өсөт. Наркы Солтон Сары жайлоосунда болуп алтын комбинаттын суусу берки чоң сууга кошулбаын иликтениши керек. Анткени ал чоң суу ушул Чүй суусунун бир башаты болуп саналат.
11.07.2016. 12:07 
Тайпасы:
Кыймылы жок
Комментарийлердин саны:
19
Катталган:
01-10-2012
Соӊку аракети:
24-11-2017 23:55
Жынысы:
Белгисиз
Калаасы:
bishkek
+1
Берки Лахол айылында болдуңарбы. негизи бул аймакта СССР кезинде малдын саны ыксыз өскөн. Кийин чарба тараганы жеке менчикке малды толук таратып жибрбей сакталып кийин 2005-жылы революциядан кийин эл чоңдор жегенден калган малды бөлүп алышкан. Ушунун айланасындагы чыр эмдигиче чекит коюлбай келет.Чарбаны жеди деген адамдар жооп бербей айыл активистери ак үйгө чейин келишкен болчу. Тилекке каршы айыл аксакалдары бул тууралуу маселе көтөрүшпөптүр да.
11.07.2016. 14:18 
Тайпасы:
Жаран
Комментарийлердин саны:
331
Катталган:
21-07-2014
Соӊку аракети:
09-01-2019 16:19
Жынысы:
Белгисиз
Калаасы:
Деңиз жээгинде.
+5
Эки жуз мин деген биздин жепутаттарга Акча деле эмес болсо керек,окуп отуруп канырыгым тутоду,башкасы мейли эле жок дегенде таза суу менен камсыз кылып коюшпайбы. Алтын кендеринен болунгон уу заттар абасы суусу аркылуу таасир этпесе мал жандык мутант болуп туулбайт эле да,дагы адам ит жандуу деген чын да.
12.07.2016. 17:09 
Тайпасы:
Жаран
Комментарийлердин саны:
348
Катталган:
07-09-2010
Соӊку аракети:
12-12-2019 21:06
Жынысы:
Белгисиз
+5
Салымбековдун мрамор чыгарган ишканасы бар жалгыз озу эле жолдорун ондоп койгонго кудурети жетет бирок кылбайт. Кемиргени кемирген. Карапайым калк эле которгону которгон
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23318;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: