Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Чолпон Жакупова, Жогорку Кеңештин депутаты: "ДЕПУТАТТЫКТЫ ТАШТАП КЕТИП КАЛГЫМ КЕЛЕТ"

№706 13-май-19-май, 2016-ж


Сезимдери ачык-айкын көрүнүп турган адамдар болот эмеспи, эл өкүлү Чолпон Жакупова ошондой адамдардан экен. Күлсө да чын дилден күлүп, кейисе да чын дилден кейип турду. Ал балалык күндөрү, жакшы көргөн жумушу, депутаттык кызматы жана ага өзгөчө тарбия берген ата-энеси тууралуу эргүү менен айтып берди.


ЖАКУПОВА ЧОЛПОН ИДИНОВНА

  • 1959-жылы 25-мартта Чүй облусунун Аламүдүн районундагы Стрельникова айылында туулган.
  • 1982-жылы – Москва мамлекеттик университетинин тарых факультетин бүтүргөн.
  • 1983-1995-жылдары – Кыргыз мамлекеттик университетинде окутуучу;
  • 1995-1999-жылдары – Кыргыз Республикасынын Социалдык эмгек министрлигинин миграция башкармалыгынын директору;
  • 1999-2002-жылдары – "Миграция жана качкындардын маселелери боюнча регионалдык борбору" коомдук фондунун директорунун орун басары;
  • 2002-2015-жылдары – «Адилет» укуктук клиникасы коомдук фондунун директору;
  • 2015-жылдан тарта – «Бир бол» саясий партиясынан Жогорку Кеңештин депутаты.

"ДАРБАЗАЧЫ БОЛЧУМУН"
– Мен абдан эрке өскөм. Ананчы, үйдүн жалгыз кызы элем да. Атам алдыңкы делген миллионер совхоздун башчысы болчу. Ал кезде азыркы Арашан Стрельникова совхозу деп аталчу. Апам мени катуу кармаганга аракет кылса, атам оюма коюп коёт. Эң кооз көйнөк, эң таттуу момпосуйду алып берчү. Биздин үй совхоздун башкы имаратынын бет маңдайында эле. Кээде апам мени какыс-кукус кылып койгондо короодон унчукпай чыгып, контораны көздөй биринчи кадам аттаганда эле атама арызданып кыйкырган бойдон жөнөчү экенмин.
Менден эки жаш улуу агам жана менден эки жаш кичүү иним бар. Кыздар менен ойногон күндөрүмдү деле эстей албайм. Байкем менен иниме кошулуп алып жалаң эркек балдар менен топ кубалап футбол ойногонум көз алдыма тартылат. Мен дайыма дарбаза коргоочусу болчумун.
Кээ күндөрү болсо атамды ээрчип алам. Ал өзүнүн кызматтык УАЗын айдап алып жайыттарды, Чуңкурчак жайлоосун кыдырчу. Жанында быйтыйып мен отурам. Ошол машинада эле чарчаганда шылкылдап уйкуга кетем.

"Үй-бүлөмдө баары жакшы, неберемди эсепке албаганда баарыбыз юристпиз".

АТА-ЭНЕМ ЧОҢ ЧЫР МЕНЕН БАШ КОШУШКАН"
– Апам 47 жыл мугалим болуп иштеген адам. Апамдын жүзүн жер каратпайын деп мектепти абдан жакшы окуп бүткөм. Азыр кээде аны Арашанга ээрчитип барам. Өткөндөрүн эстеп бир жыргап алат. Ал "атаң ошончо жыл кызматта жүрүп бир байлык топтобоптур" деп кейип калат. Ооба, атам өзгөчө киши болчу. Киши менен да ачылып сүйлөшчү эмес. Кыргызчылыктан алыс адам экен ойлоп көрсөм. Катыш, шеринеге көңүл деле бурчу эмес. А апам тескерисинче уюштургуч, адамдардын тилин таба билген киши. Эсимде, атамдын колхозунда Зорька аттуу сүттү көп берген уй бар эле. Ошол Зорьканын эмчеги ооруп калганда атам күн-түн дебей совхоздо жүрүп калган. Апам ошондо "мен бирдеме болсом деле башыңды оорутпайсың го, а бул Зорькаң ооруп калса үйгө да келбей калат экенсиң" деп кейиген. Атам абдан эле жоопкерчиликтүү болуптур. Балким, ошол сапаты менен 27 жашында Каракол совхозунун жетекчиси болгондур. Азыркы муун, биз деле абдан кеч чоңойгон экенбиз деп калам. Менин чоң атам репрессияга кабылып каза тапкан экен. Атам далай кыйынчылыкты башынан өткөргөн үчүн ошентип эрте жетилсе керек.
Апам болсо бардар жашоодо чоңойгон. Таятам тээ 1930-жылдарга чейин аткезчилик менен алектениптир. Эсимде, ал Советтер Союзуна кызмат кылбаганына өзгөчө сыймыктанчу. "Каапырлардын өкмөтүнө бир да күн кызмат кылган жокмун" дей берчү. Баса, ал таенемди 14 жаш курагында Кытайдан көрүп калып ашык болуп, Кыргызстанга алып кетип калган экен. Таенем өзгөчө сулуу жан эле. Үркүндө Кытайга качып барып калып калыптыр. Буту абдан кичине эле. Көрсө, ошол кезде Кытайда буттарды атайын кысып кичирейтип, өстүрбөй алып жүргөн сулуулук катары сыпатталчу тура. Ошону менен суйкайган 14 жаштагы кызды кыргызстандык аткезчи аялдыкка алып, мекенине алып келген экен.
Апамды болсо атам ала качып алган. Абдан чоң чыр чыгыптыр. Арыз жаз, соттотуп жиберебиз дегенде апамдын атама боору ооруп отуруп калыптыр.

"МУГАЛИМДИН АЙЛЫГЫ КҮЛКҮ КЕЛЕРЛИК"
– Эң алдыңкы деген шаардык мектепти окуп бүткөн соң жогорку окуу жайга өтүү кыйынчылык деле жараткан жок. Тарых факультетинде окуп жүрүп, аз өтпөй Ломоносов атындагы Москва мамлекеттик университетине которулуп кеттим. Окуумду бүткөн соң кайрадан мекениме келдим да, азыркы Кыргыз улуттук университетте саясий тарыхты окутуп баштадым. Менин эң жакшы көргөн жумушум мугалимдик. Мугалим болушум керек эле. Себеби жаңыдан келген студент жарым жылдан соң сен берген билимдин аркасында бөлөкчө ой жүгүртө баштаганын көрүү бул өзүнчө ырахат. Оюма койсо мугалим болуп эле жүрө бермекмин. Бирок, билесиңер го, мугалимдердин айлыгы биздин өлкөдө күлкү келерлик. Жашоо тиричилик деген бар. 15 жыл иштеген соң эки жолдун ортосунда калдым: же мен үй-бүлөмдү багып, татыктуу жашап кетүү үчүн мугалимдикти ташташым керек, же студенттерден акча алып башташым керек. Жок, мен акча ала албайт болчумун. Анда эң сүйгөн кесибиме чыккынчылык кылган болмокмун. Ошону менен Мамлекеттик миграция башкармалыгына башкы адис болуп иштеп кеттим.
Кичүү иним да айлыктын айынан азыр Америкада невропатолог болуп иштеп жүрөт. Кыргызстандагы врачтардын айлыгынан чарчаганда АКШга кетип калган.

"АКАЕВ БИЛИМДҮҮ АДАМДАРДЫ КӨРӨ БИЛЧҮ"
– Миграция башкармалыгында жарым жыл иштеген соң ошол башкармалыктын жетекчиси болуп калдым. Эсимде, аналитикалык отчёт жасап, Коргоо кеңешине жибергем. Ал кезде Коргоо кеңешин президент болуп турган Аскар Акаев өзү жетектечү. Ал жактан көп өтпөй эле "аналитикалык отчётторду ким жазып жатат?" деп сурап башташты. Ким кандай ойлойт билбейм, бирок Акаев билимдүү адамдарды көрө билчү. Ал убакта билимиң менен "крышасы" жок эле жогорку кызматка барууга мүмкүнчүлүк бар болчу. Мамлекеттик кызматтагы көп адамдар өз ишинин мыкты адистери эле. Кийин гана ал системге үй-бүлөлүк башкаруу аралашып, бырын-чырыны чыгып талкаланды.
Мамлекетке жакшы кызмат кыла алдым деп айта алам. Мен жетектеген мекеме алгачкы качкындар тууралуу мыйзамдын демилгечиси болду, ошо кезде жарандык согуш жүрүп жаткан Тажикстандан 18 миң адамды кабыл алдык, чет элдиктердин жардамы менен мектептерди салдык. Бул биз жасаган жумуштардын чекеси гана. 8 эле адам иштечүбүз. Кийин башкармалык реформалоого кабылып, Миграция боюнча агенттикке айланды, башкача айтканда, ал министрликтин деңгээлинде болуп калды. Менин мамлекеттик жумуштагы карьерамдын туу чокусу ошол болду. Андан аркы деңгээлге чыгыш үчүн "крыша" керек болчу. Мен чет элдик долбоорлор менен иштеш үчүн жумуш которуп кеттим. Аз өтпөй миграция боюнча аймактык борбордун жетекчиси болуп калдым. Мына дал ошол жерден чет элдиктер менин англисче сүйлөөрүмдү, уюштургуч жөндөмүмдү байкашкан соң "Адилет" укуктук клиникасын жетектөөнү сунушташты.

"ЖОГОРКУ КЕҢЕШ ӨЗҮ БИРИНЧИ ОҢОЛУШУ КЕРЕК"
– Адам бир орунда отура бербеш керек деп ойлойм. Антпесе, сөөктөрүң деле катып калат. Орун которуп, жаңы тажрыйба алуу кажет. Жогорку Кеңешке жогорку деңгээлде мыйзамсыздык менен күрөшүү үчүн келгем.
Мен силерге бардыгын ачык айтып берем деп убада кылдым. Ачыгын айтайын, бир канча жолу депутаттыкты таштап кетип калгым келди. Анткени пайдасыздыкты сезип жаттым. Маселен, "Адилетти" жетектеп турганда мага укугу бузулган адам келчү. Мен анын укугун коргоп күрөшүп баштачумун. Жок дегенде бир адамга пайдам тийчү.
Коомду, мамлекетти оңдош үчүн биринчи Жогорку Кеңеш өзү оңолушу керек. Мисалы, мен сотторду тандоо боюнча мыйзамга өзгөртүүлөрдү сунуштадым. Эми ошону депутаттардын талкуусуна коюуга 5 айдан бери каттабай жатышат. Себеби кимдир бирөөгө ал пайдасыз. Депутат катары менин укугум бузулуп жатат. Ал эми жөнөкөй, карапайым адамдар кантип жатты экен?
Кетип калгым келет. Бирок шайлоочулар эмне дейт? Бул олуттуу эмес эже турбайбы дешет го. Азыр 12 мыйзамдын демилгечисимин. Аларды ишке ашырыш үчүн иштөөм керек.

"БЕЙӨКМӨТ УЮМДАР ТУУРАЛУУ МЫЙЗАМ ЖӨНҮНДӨ"
– Бейөкмөт уюмдардын ишин жөнгө салуу боюнча мыйзам долбоорун Алмамбет Шыкмаматов экөөбүздөн башкасы колдоп беришти. Бул негизи чет элдик агенттер тууралуу мыйзам болгон. Орусиядан эле көчүрүлүп алынган болчу. Бирок акыр аягында Орусиянын кызыкчылыгын да, чет элдик уюмдардын кызыкчылыгын да эске алган, ортодогу бир мыйзам болуп калды. Биз качанкыга чейин ар кайсы мамлекеттен коркуп жүрө беришибиз керек? Өзүбүздүн башыбыз жокпу?
Мисалы, Июнь окуясында чек арасыз дарыгерлер уюму Ошто жардам берип жүрүштү. Эми ошол сыяктуу уюмдарды кысымга ала берүү канчалык туура болот? Коомдо журналисттер, анан бейөкмөт уюмдар гана чиновниктерди ооздуктап турушат. Бейөкмөт уюмдар тууралуу мыйзам эң ириде чиновниктердин кызыкчылыгын коргойт. Бул айдан ачык.

"ҮЙ-БҮЛӨМДӨ ЭКӨӨ ГАНА ЮРИСТ ЭМЕС
– Үй-бүлөм тууралуу эч нерсе айтпаганга аракет кылам. Баары жакшы. Эки мыкты уулум бар. Экөө тең юрист. Сулуу, акылдуу келиним бар. Ал да юрист. Эки сонун неберем бар. Алар юрист эмес. Биздин үйдө экөө эле юрист эмес.
Атам, улуу агам каза болуп калышкан. Апам экөөбүздүн эң чоң күйүтүбүз ушул.

Мирлан Өмүралиев
Адилет Бектуров
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  10 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23087;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: