«Жылдын супер актрисасы»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

УЮЛДУК ТЕЛЕФОНДОГУ «АКЦИЯЛАРДЫ» ТОКТОТУУГА БОЛОБУ?

№704 29-апрель-5-май, 2016-ж


Уюлдук телефон абоненттерине оюндун, лотереянын же акциянын жеңүүчүсү болуп табылгандыгын, ага баш байге – баалуу буюм же накталай акча бериле тургандыгын айткан чалуулар же жөнөтүлгөн СМС-билдирүүлөрдүн саны азайбай эле көбөйүүдө. Мындай «утуштарды» уюштургандар кимдер жана алардын торуна кантип илинбөө керек?

«12 740 СОМГО АЛДАНЫП КАЛДЫК»
Акбараалы Самудинов (аты-жөнү өзгөртүлдү) аттуу студент жигит редакциябызга баш багып, окуусуна төлөнүүчү акчаны телефон алдамчыларына кантип алдырып жибергенин айтып башын мыкчып отурду:

-Бишкек шаарындагы ЖОЖдордун биринде 1-курста окуйм. Ушул жылдын 24-март күнү саат 9дарда уюлдук телефонума 0555 47 51 57 номеринен «Куттуктайбыз! Сиз «Газпром нефть Азия» компаниясынан 20 миң сом жана сыналгы утуп алдыңыз» деген СМС келди. Бир аздан кийин ошол эле номерден бир эркек киши чалып, менин аты-жөнүмдү айтып: «Биздин компаниянын туулган күнүнө карата акция өтүп жаткан. Сиздин номер 8 бактылуу номерлердин катарына кошулуп, байгеге ээ болдуңуз. Байгеңизди биздин кеңсеге келип алып кетсеңиз болот»,- деди. Алгач анчалык деле маани берген жокмун. Кийин ал дагы чалып: «Сиз биздин кеңсеге келбей эле коюңуз. Андан көрө бир номер беребиз, ошого 470 сом бирдик жүктөсөңүз сыналгыны үйүңүзгө жеткирип беребиз»,- деди. Жанымда окуумдун акысына төлөй турган акча бар эле. Барып ал айткан номерге бирдик жүктөдүм. Бир аздан кийин кайра чалып, «документтерди тууралоого керек» деп дагы 1000 сом салдырды. Ошентип жогорудагы номерге баш-аягы 3 миң сом салдым. Өзүмдө акча калбай калганынан досторума окуя тууралуу айтып, «карызга бере тургула, акчамды алсам кайтарып берем» дедим. Алар да окуусуна деген акчасын беришти. Тиги киши бир аздан соң дагы чалып, 6 телефон номерди айтты да, «баарына 200 сомдон бирдик жүктөгүлө» деди. Аны салдык. Башка номерлерге да бирдик жүктөдүк. Балким, алдаса кереги тиет деп шекшип ошондон тарта жүктөлгөн бирдиктердин дүмүрчөктөрүн чогулта баштадык. Ага чейинкилерин терминалдан эмес, дүкөндөрдөн эле салган элем.
Андан соң ал киши «силерди журналисттер келип тартып кетишет, алардын жол киресине керек» деп 1 номерге 3 миң, дагы башка номерге 940 сом салуубузду айтты. Биз анысынан баш тартсак, ал «Чүй көчөсүндөгү №242-имаратта жайгашкан юридикалык бөлүмгө келип, Исаев Нурбек Самагановичке 7500 сом айып пул төлөп кеткиле» деп СМС жазды. Чалып себебин сурасак «силер келебиз деп журналисттерди убара кылдыңар, ошол үчүн айып пул төлөйсүңөр» деди. Анан мен балдарга «7500 сом төлөгүчө 3940 сом бирдик салганыбыз оң го» деп айттым. Алар макул болушуп, аны да салдык. Анан ал киши бизди Политех жакка чакырды. Барып чалсак «иштерибиз менен Жумушчулар шаарчасында жүрөм, ошол жакка келгиле» деди. Балдардын жарымы калып, жарымыбыз ал айткан дарекке барып таппай койдук. Чалсак албайт. Бир маалда ал телефонун алып, бизди 8-кичи райондогу «Газпром нефть Азия» компаниясынын кеңсесине чакырды. Барып чалсак «чыгып өзүм чалам, эшиктин алдында күтө тургула» деген бойдон телефону өчтү. Ошондо гана алданганыбызды билдик. Ал бизди жалпысы 12 740 сомго алдап кетти. Эми кантерибизди билбей отурабыз. Бардыгыбыздын тең окуубузга төлөчү акчабызды берген элек. Эми ата-энебиз билсе эмне болот, билбейм...


Биз өз кезегинде каарманыбызды милиция кызматкерлерине барып арыз жазуусу керек экендигин түшүндүрүп жөнөттүк. Эртеси байланышсак ал: "Бул тууралуу агама айтсам "бизди да, өзүңдү да уят кыласың, андан көрө муну эч ким билбей калганы жакшы" деп каршы болду. Ошондуктан арыз жазбай турган болдум",- деди.

«АБОНЕНТТЕРИБИЗГЕ АЛДАНЫП КАЛБООНУ ЭСКЕРТИП КАТ ЖӨНӨТҮП ТУРАБЫЗ»
Мындай иштердин алдын алуу үчүн эмне кылуу керектигин билүү максатында өлкөбүздөгү уюлдук операторлордун бири «Мегаком» компаниясынын жарнама жана маалымат бөлүмүнүн жетекчиси Жумгалбек Өмүрканов менен байланыштык:
-Компаниябызга шылуундардын кайырмагына илинген абоненттер көп кайрылышат. Аларга биз укук коргоо органдарына кайрылууну сунуштайбыз, анткени териштирүү же толугу менен маселесин чечип берүү компаниянын эмес, алардын иши. Өз кезегинде биз жалпы абоненттерге эскертүү иретинде СМСтерди жөнөтүп, ММКлар аркылуу маалымат берип турабыз. Номердин каттоодон өткөн же өтпөгөнүн сурашат, бирок башка абонент жөнүндө маалымат берүүгө болбойт. Бизден мыйзамдуу түрдө укук коргоо органдары коопсуздукту алдын алуу жана териштирүү үчүн маалымат ала алышат. Бул багытта ИИМ менен тыгыз иш алып барабыз.
Урматтуу абоненттер, сиздерге белгисиз адамдар кайрылып, кайсы бир оюндун, лотереянын же акциянын жеңүүчүсү болдуңуз деп маалымдаган учурда ошол замат *500 номери аркылуу кардарларды колдоо кызматынын адистеринен маалыматты тактаңыз. «Мегаком» компаниясы мындай мазмундагы билдирүүлөрдүн компаниянын ишмердүүлүгүнө тиешеси жок экендигин эскертет.


«ШЫЛУУНДАРГА АЛДАНГАНДАР АРЫЗ ЖАЗЫШПАЙТ»
Телефон алдамчылары тууралуу ИИМдин Кылмыш иликтөө башкы башкармалыгынын мүлк кылмыштарына каршы күрөшүү бөлүмүнүн жетекчиси Умар Жунусов буларды билдирди:
-Телефондон алдагандардын көпчүлүгү абакта отургандар жана алар катталбаган номерлер менен алдашат. 2013-жылы Бишкек шаарынын Октябрь районунда абактагы алдамчылардын чогулткан бирдиктерин бир түрмө кызматкери алып келип, накталай акчага алмаштырып жаткан жеринен кармалып, иши сотко өткөн. Андан бери мындай кылмыш тууралуу бизге арыз түшкөн жок. Телефон шылуундары көпчүлүк учурда табылбай калып жаткандыгынын себеби – алдангандар арыз жазышпайт же 5-6 күн өтүп кеткен соң кайрылышат. Шылуундар алдаган телефон номерин өчүрүп салгандан кийин аларды табуу кыйын болуп калат. Мындан тышкары биз уюлдук компаниялардан өзүбүз барып номерлерди ала албайбыз. Мыйзам чегинде соттун санкциясы менен гана номерлерди алабыз. Алгач кылмыш иши козголуп, андан ары тергөөчү прокуратурага, андан соң сотко барып анын чечимин алгандан кийин гана уюлдук компанияларга барыш керек. Анан номерлерин алган күндө деле уюлдук компаниялардын базалык станциялары так дарегин көрсөтпөйт. Мисалы, базалык станциядан алдамчылар бир абактан чалганын билген күндө да биз барып абак кызматкерлерине «ушул жактан бирөө алдаптыр» десек, алар «абактын ичинде камералар көп, бир телефонду 15 соттолуучу колдонушу мүмкүн, анын кимиси элди алдаганын билбейбиз» дешет, ошентип далилдөө кыйын болуп калат.
Азыр кимдир бирөө кандайдыр бир документтерин жоготсо ММКлар аркылуу издөө жарыялап, өзүнүн аты-жөнүн, телефон номерлерин жазып коёт. Бул алдамчылар үчүн шпаргалка сыяктуу. Экинчиден, шылуундар кандайдыр бир компания утуштарды ойнотуп жатат деп чалышса ошол компаниянын өзүнө чалып, алдын ала маалыматтарды тактап алуу кажет. Эгер компаниялар акция өткөрчү болсо алдын ала ММКлар аркылуу атайын билдирүү таратат жана кардарларына жумуш телефону менен чалышат. Ал эми абакта отурган шылуундар уюлдук телефон менен чалышат, муну да эске алуу зарыл.

«ТҮРМӨДӨ ТЕЛЕФОН КОЛДОНУУНУ ТЫЮУ САЛГАН МЫЙЗАМ ЖОК»
Түрмөдө уюлдук телефонду колдонууну токтотуу үчүн кандай чаралар колдонуларын жана эгер айыпталуучу элди алдаганы билинсе аны кандай жаза күтөрүн билүү максатында Жаза аткаруу мамлекеттик кызматынын маалымат катчысы Элеонора Сабатаровага кайрылдык:

-Телефон алдамчылардын бардыгы эле абактагылар деген туура эмес. Эркиндикте жүрүп деле телефон аркылуу шылуундук кылгандар бар. Негизи абакта уюлдук телефон колдонууга тыюу салган мыйзам бизде жок. Себеби биздин мыйзамдар уюлдук телефон чыга элек маалда жазылгандыктан толуктоо киргизүүгө муктаж. Мыйзамга өзгөртүүлөрдү киргизүүнү сунуштап жатабыз. Түрмөдө отургандар уюлдук телефон колдонсо жана телефонду сырттан киргизгендерге да кандайдыр бир жазалар колдонулса мындай көрүнүш азаймак чыгар. Бардык түрмөгө уюлдук байланыш тартпай калчу аппараттарды коюуга мамлекеттин каражаты жетпейт. Ошентсе да түрмө кызматкерлери абакта отургандардын камераларына тинтүү жасап, эгер уюлдук телефондору болсо чогултуп алышат. Абактагылар телефон колдонгону үчүн жаза алышпайт, ал эми телефон аркылуу алдамчылыкка барганы аныкталып, далилденсе кошумча кылмыш иши козголуп, жаза мөөнөтү узартылышы мүмкүн.


ЭСИҢИЗДЕРДЕ БОЛСУН!
Шылуундар көбүнчө элди төмөнкү жолдор менен алдашат:

  1. «Сиздин номериңиз «Сүйүктүү» же «Бактылуу» номердин бири болду. Куттуктайбыз! Сиз ноутбук же сыналгы уттуңуз. Белегиңизди алуу үчүн алгач төмөнкү сандарды терип катталышыңыз керек!» деген сыяктуу СМС-билдирүү жөнөтүшөт же чалып айтышат.
  2. Эгерде чоң суммадагы «байгелерди» сиздерге айтса (автоунаа, батир) «салыкка төлөйсүз, ал үчүн банкка эсеп ачып, акчаны ошол жакка салышыңыз керек. Ишенимдүү болсун десеңиз, бирдик аркылуу деле төлөп койсоңуз болот» деп эптеп өздөрүнө акча которууга шашылышат.
  3. "Сизге Орусиядагы, Казакстандагы тууганыңыз аманат берип жиберди, келе жатсак бизди бажыканадан кармап, өткөрбөй жатышат. Бизге бирдик которуп туруңуз" дешет.

Телефондогу «акциялардын» көбөйүүсүнө ким күнөөлүү? Телефон чалып элди алдагандарбы, абактагылардын телефон колдонуусун токтото албаган тиешелүү кызматтарбы же уюлдук компанияларбы? Балким, байгелүү болууну каалап, өз колубуз менен бирдик жүктөп берип, алданган соң милиция кызматкерлерине арыз менен кайрылуудан уялып, кайдигер мамиле кылган өзүбүз да күнөөлүү болуп жүрбөйлү?.. Андыктан окурмандарга айтарыбыз, мындай "акциялардан" сак болуңуз!

Асхат Субанбеков
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  7 
Комментарийлер(16)
02.05.2016. 09:41 
Тайпасы:
Кыймылы жок
Комментарийлердин саны:
339
Катталган:
20-03-2013
Соӊку аракети:
11-08-2016 16:25
Жынысы:
Белгисиз
0
Мындай нерселер коп эле болуп жатат. Дагы эле алдангандар толтура. Озунорго сак болбосонор, ушундай нерседен силерди эч ким коргой албайт.
02.05.2016. 09:45 
Тайпасы:
Жаран
Комментарийлердин саны:
1
Катталган:
08-12-2015
Соӊку аракети:
03-12-2017 18:42
Жынысы:
Белгисиз
Калаасы:
Кыргызстан
+2
Мен алданбайм
02.05.2016. 10:08 
Тайпасы:
Жаран
Комментарийлердин саны:
57
Катталган:
16-03-2016
Соӊку аракети:
10-02-2019 21:08
Жынысы:
Белгисиз
0
Сактансан сактайым дейт Жаратканыбыз!
02.05.2016. 10:37 
Тайпасы:
Супермодератор
Комментарийлердин саны:
4721
Катталган:
05-09-2011
Соӊку аракети:
11-11-2019 09:00
Жынысы:
Белгисиз
Калаасы:
SUPER.KG
-2
KENEWBEK88, кимдир-бирөөнүн кадыр-баркына шек келтирүүгө тыюу салынган. 3 күнгө БАН!
02.05.2016. 10:46 
Тайпасы:
Жаран
Комментарийлердин саны:
185
Катталган:
13-07-2013
Соӊку аракети:
13-11-2019 00:07
Жынысы:
Белгисиз
Калаасы:
Бакыт калаасы!
+3
Бир жолу байкеме чалып: " 30 миң сом утуп алдыңыз" дептир
Байкем жөн адам эмес да, аны кайра ар нерсе кылыптыр, 1 саттай азыр салам, акча сурап атам деп, анан бир маалда "Ии, ошол 30 миңден бардык услугаңарга ала бергиле, мага 4.5 миң берсеңер деле болот" десе, жанагы жаны чыгып кетти дейт, анан бир эки сөккөн экен ошол бойдон тынчыптыр.. )))))

Кандай алданышат, тооба!
02.05.2016. 12:00 
Тайпасы:
Кыймылы жок
Комментарийлердин саны:
20
Катталган:
26-02-2016
Соӊку аракети:
28-02-2017 17:06
Жынысы:
Белгисиз
+6
Сал десе сала беришеби? Бир салсын макул 500 сомго чейин анан 3000 деген не деген шумдук,биринчиден оздору куноолуу компаниянын операторуна чала калса болбойбу?
02.05.2016. 12:06 
Тайпасы:
Жаран
Комментарийлердин саны:
85
Катталган:
14-05-2012
Соӊку аракети:
21-03-2018 14:36
Жынысы:
Белгисиз
Калаасы:
Бишкек
0
Ушул номерден мага да чалып ушул балага айткан нерслереди айткан.болгону 10чу бактылуу номер дешкен:)чала берип номеримди алмаштырып жаным калды го.
02.05.2016. 12:36 
Тайпасы:
Кыймылы жок
Комментарийлердин саны:
5
Катталган:
01-05-2016
Соӊку аракети:
11-07-2016 17:04
Жынысы:
Белгисиз
Калаасы:
кыргызстан ош шаары
0
Кудай сактаа
02.05.2016. 13:43 
Тайпасы:
Жаран
Комментарийлердин саны:
48
Катталган:
06-01-2015
Соӊку аракети:
16-09-2017 19:17
Жынысы:
Белгисиз
Калаасы:
Жалал-Абад
+1
Сал десе эле сала бердинерби. Тооба! Тааныбаган эле адамга единица салып.)))
Модератор admin_media түзөттү 2016-05-02 14:47:03
02.05.2016. 14:36 
Тайпасы:
Жаран
Комментарийлердин саны:
2
Катталган:
24-12-2015
Соӊку аракети:
03-11-2019 15:04
Жынысы:
Белгисиз
Калаасы:
Москва.
0
Айылга уюлдук телефон жаны келген маалда (2007-ж.болуш керек) Юрий Анатольевич деген мага да "плазменный" телевизор утуп алдыныз" деп чалган.Алгач ишенгем, бир аз кун мурда эле "мобильные мощенники " деп орус тилинде билдируу келген эле. Ошону эстеп кетип дароо эле байланыш кызматкерлери мн байланышып, "утуш" тууралуу айтсам, "ишенбениз, алар алдамчылар " дешти. Ошентип, тиги кишиге "мен узакта, тоолуу райондо жашайм, телевизорду барып алып ке
kalima88 түзөттү 2016-05-02 14:55:42
02.05.2016. 14:54 
Тайпасы:
Жаран
Комментарийлердин саны:
2
Катталган:
24-12-2015
Соӊку аракети:
03-11-2019 15:04
Жынысы:
Белгисиз
Калаасы:
Москва.
0
ошол акча кетип калат экен, кереги жок, балдар уйуно берип кое бериниздер " деп, бар орусчамды чогултуп айтсам, " телефонго бирдик жуктоп коюнуз " дейт... Калганы белгилуу да))) Телефонду очуруп аран кутулгам.
02.05.2016. 16:39 
Тайпасы:
Кыймылы жок
Комментарийлердин саны:
3
Катталган:
20-04-2016
Соӊку аракети:
02-05-2016 16:45
Жынысы:
Белгисиз
0
kalima88,жакшы кылган экенсиз
02.05.2016. 16:37 
Тайпасы:
Кыймылы жок
Комментарийлердин саны:
3
Катталган:
20-04-2016
Соӊку аракети:
02-05-2016 16:45
Жынысы:
Белгисиз
0
уятты жооктор кантип алдап бироонун акчасын жейт экен
02.05.2016. 16:51 
Тайпасы:
Жаран
Комментарийлердин саны:
3
Катталган:
29-04-2015
Соӊку аракети:
02-02-2019 15:34
Жынысы:
Белгисиз
0
Мага бир жолу Москвадан акен посылка салып жиберди дер чалган . Чек арадан откорбой жатат 1000сом салгыла деп айткан. Авама чалсам жок деди. Корсо шылуундар экен
02.05.2016. 19:48 
Тайпасы:
Жаран
Комментарийлердин саны:
44
Катталган:
25-01-2016
Соӊку аракети:
11-11-2019 13:58
Жынысы:
Белгисиз
0
Менин мегаком номериме оздору чалып регистрация кылышты эле,эми мен дагы ойлонуп калдым чын эле компания озу чалдыбы
03.05.2016. 10:00 
Тайпасы:
Жаран
Комментарийлердин саны:
12
Катталган:
26-12-2015
Соӊку аракети:
19-06-2019 09:49
Жынысы:
Белгисиз
0
Бул шылуундар биздин номерди кайдан алышты деп тан келбей эле койгула,озубуздун эле тааныштар берет ушуга чал деп адресин аты жонун толук берип. Мага да чалышкан 4-5 жыл мурун ашатып эле согуп баштасам очуруп салган.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: