«Жылдын супер клиби»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Мирлан Жакыпов, «Кыргыз Көмүр» мамлекеттик ишканасынын башкы директору: «КАРА АЛТЫН МЕНЕН КАЛКЫБЫЗДЫ ТОЛУК КАМСЫЗДАЙ АЛАБЫЗ»

№692 5-февраль-11-февраль, 2016-ж


Жетекчилик жөндөм-шык – иш десе ичкен ашын жерге коюп, күндүр-түндүр эл камын көрүү, жамаатты алдыга сүрөп, айткан сөзү менен аткарган иши дал келүү... Бүгүнкү күндө ушул асыл сапаттар бизге аба менен суудай зарыл болуп турат.
Талкалаш оӊой, куруу кыйын... Кайдигерликтин айынан карызга белчесинен баткан ишкананы заматта бутуна тургузуп, ынтымак, тартип, мекен жүгү деген ыйык милдеттерди эӊ башкы эрежем деп санаган «Кыргыз Көмүр» мамлекеттик ишканасынын башкы директору Мирлан Жакыпов өзүнүн иш билгилиги, уюштургучтугу менен эл оозуна алынып, мыкты жетекчиге айланып отурат. Мирлан Жакыпов айрымдарга окшоп жумушчу орундарга өӊ тааныш же тууган-туушкандарды алып, илеӊ-салаӊдыкка барган жок. Жетекчиликке келген эки жыл ичинде эл үчүн иштеп, мекен жүгүн артынды. Маӊдай терин агызып, коом үчүн маанилүү делген нерселерге умтулду. Жыйынтыгында «Кыргыз Көмүр» мамлекеттик ишканасы эӊ алдыӊкы мекемелердин катарына чыга келди.
Ар бир үйгө жылуулук тартуулагысы келген Мирлан мырза менен ара-чолодо жолугуп, өлкө өндүргөн кара алтын жана 2014-2015-жылдарда аткарылган иштер, алдыдагы максаттар тууралуу маек курдук.

– Мирлан мырза, өлкөнү артка тарткан эӊ коркунучтуу илдет кайдигерлик эмеспи. Кайдигерликтин сазына баткан ири ишкананы оӊ жолго коюуда кандай тоскоолдуктар болду?
– Оболу сөзүмдү калкты кара алтын менен камсыз кылган мекеменин жаӊыдан жетекчи болуп дайындалган алгачкы күндөрүнөн баштагым келип турат. Буга чейин ар кыл тармакта иштеп, кесибим укук таануучу болгондуктан, ишти биринчи кезекте мекемедеги мыйзам бузууларга бөгөт коюудан баштадым. Албетте, бир топ бут тосуулар болду. Адамдар арасында ак менен караны айырмалай билгендери да көп экен. Ак мээнет менен адал жашагысы келген адамдар көп. Дал ушундай адамдар мекемеге реформа жасоодо мени колдоп чыгышты.
Кайда гана болбо, ишти мыйзам чегинде жүргүзсөӊ, акыры жеӊишке жетесиӊ. Өз көмөчүнө күл тартып акчаны оӊду-солду сологон, казынага ири зыяндарды келтирип, жеке тааныш, тууган-уруктарын кызматка алган окуяларды токтотуу керек деген чечимге келдим. Иш качан алдыга жылат? Өз кесибин жан дили менен берилип аткарып, жоопкерчиликтүү адамдар көбөйгөндө гана. Мындай адамдар мекеменин кадыр-баркын көтөрөт. Андыктан ишканага аттестация жүргүздүк. Аттестациядан өтпөй калгандардын ордуна татыктууларын тандадык. Баш-аягы 56 адам аттестациядан өтпөй, алардын ордуна жаӊы кесипкөй кызматкерлер алынды. Коррупция менен күрөшүү үчүн электрондук салмактык индикатор, санариптик видео жабдууларын орноттук. Иш процессине көзөмөл жүргүзүлүп, онлайн режиминде байкоого алына баштады. Жумушчулардын айлык акысы мурда 7-8 миӊ сом болсо, азыр орточо эсеп менен 21 миӊ сомго чейин жогорулады.
Ишканада буга чейин одоно мыйзам бузуулар катталгандыктан ички аудит жүргүзүлүп, Башкы прокуратура менен Экономикалык кылмыштуулукка каршы күрөшүү боюнча мамлекеттик кызматка материалдар өткөрүлүп берилди. Маселен, бир кезде күнүнө өндүрүлгөн көмүрдү ташууда
100 унаа болсо, анын теӊ жарымынан көбү сол чөнтөккө кетип турган. Анан албетте, ишкана артка кетип, кредитордук карызы 130 миллион сомго чейин чыккан. Бүгүнкү күндө бул карыздын 120 миллиону жоюлуп, 10,8 миллион сом калды.
– Ал эми техника шаймандары кайсы эсептен толукталды?
– 2015-жылы Кыргыз Республикасынын Өкмөтү тарабынан берилген 50 миллион сом пайызсыз зайымга 2 экскаватор, 3 жүк салуучу унаа, 1 бульдозер алдык. Жакында көмүрдү жеткирүүгө унааларды алалы деп Кыргыз-Орусия Өнүктүрүү фондуна кайрылдык. Кудай буюрса, бул маселе да чечилип калгысы бардыр.
– Жалпыга жакшы маалым болгондой, «Кыргыз Көмүр» мамлекеттик ишканасынын жана «Кара-Кече» филиалынын айланасында бир топ чуулгандуу окуялар орун алып келген. «Кара-Кечеде» алтургай криминалдык күчтөр аралашкандыгы айтылып келет...ө
– Криминалдык күчтөрдүн көмүр кенине аралашуусу ишке бир топ кедергисин тийгизген. Кендин тегерегинде уурулук күч алган. «Кара-Кечеде» курал колдонушуп, атышып жана бычакташып жатып натыйжада 4 тургун каза болгон. Жумгалда эки күтүлбөгөн кырсык да катталды. Үрөй учурган көрүнүштү токтотуу үчүн жардам сурап ИИМге да кайрылдык. Жергиликтүү тартип сакчыларынын айрымдары кылмыштуу топторду жеӊ ичинен колдоого алып келгендиги да белгилүү болду. Акыры Ички иштер министрлиги менен элге түшүндүрүү иштерин жүргүзүп, ишти таза барактан баштайлы дедик. Бактыга жараша, азыр андай терс элементтерден арылып, иш өз нугуна түшүп отурат.
– «Кыргыз Көмүр» ишканасы менен бирдикте республика боюнча канча ишкана иш алып барат?
– «Кыргыз Көмүр» мамлекеттик ишканасы 34 жеке ишкананын ишин координациялайт, түндүк аймакта 14, түштүк аймакта 20 ишкананы. Калгандары менчик ишкана болгондуктан, биз менен биригеби же жокпу, ал өз тандоолорунда.
– Өлкөбүздө өндүрүлгөн кара алтындын көлөмүнө токтоло кетсеӊиз?
– 2013-жылы 63 миӊ тонна өндүрүлсө, 2014-2015-жылдары биринчи жолу «Кыргыз Көмүр» ишканасы ири көлөмдө 1 миллион 882 миӊ тонна көмүр өндүрүп, былтыркыга салыштырмалуу 103 пайызга көп казылды. Товардык продукция наркы 2 391 553 сомду түздү. Бул өткөн жылга караганда 6 пайызга жогору дегенге барабар. Ушундан улам ишкананын кызматкерлерине 45 миллион сом айлык акы төлөнүп, 18,7 миллион сом Социалдык фондго которулду. Баса белгилей кетчү жагдай, ишканабыз өлкө өндүргөн көмүрдү Кытай, Өзбекстан жана Тажикстанга 65 миӊ тонна экспорттоп, 105 миллион сом пайда таптык.
– Демек, өлкө өзү өндүрүп чыккан продукциясы менен коӊшу өлкөлөргө көз каранды болбогонго кудурети жетет экен да?
– Туура айтасыз. Бирок ушуга чейин Бишкек жылуулук электр борбору жана калктын айрым бөлүгү коӊшу Казакстандан алынып келген көмүрдү колдонушат. Ал жактан бизге канча тонна кирип жаткандыгын бажы кызматы көзөмөлдөгөндүктөн, мен бул тууралуу айта албайт экенмин. Ал эми кара алтындын запасы жергебиздин Талас аймагынан башка бардык жеринен чыгат. Демек, өзүбүздү өзүбүз көмүр менен камсыздаганга толук кудуретибиз жетет. «Кара-Кече», «Кабак» ири көмүр кендеринен тышкары бизде «Шарбон», «Берекет», «Нарынкөмүр», «Акжол-Көмүр», «Варгас», «Тегене», «Нарк-Тоо» сыяктуу жана башка бир топ көмүр кендерибиз калкыбызды толук камсыздай алат деп ишенимдүү айта алам. Өткөн жылда Нарында – 694 811, Ысык-Көлдө – 3393, Баткенде – 249 467, Ошто – 775 321, Жалал-Абадда – 159 657 тонна көмүр чыгарылган.
– Анда Бишкек жылуулук электр борбору эмнеге өзүбүз өндүргөн көмүрдү колдонбойт?
– Бишкек жылуулук электр станциясынын буу казандары мазут, газ жана көмүр менен жылыйт. Ушул күнгө чейин Казакстандан жылына 1 миллион тонна көмүр сатылып алынат. Бул маселе парламентте да, өкмөттө да каралууда. Бишкек жылуулук электр станциясына оӊдоп-түзөө иштерин жүргүзүү менен катар өзүбүздүн кенди колдонууга ылайыкташтырып жасалса, анда жергиликтүү көмүр менен жылып, нечендеген акча сыртка кетпей, салыкка да төлөнмөк. 2015-2016-жылдар үчүн «Кабак» бассейнинен
450 миӊ, «Таш-Көмүр» кенинен 50 миӊ тонна сатылып алынууда.
– Жылына өлкөбүзгө канча тонна көмүр керектелет?
– 6 миллион калкы бар Кыргызстан үчүн жылына 2 миллион 200 миӊ тонна керектелет.
– Маек куруп бергениӊиз үчүн рахмат. Ишиӊизге ийгилик!

«Жумушчулардын айлык акысы мурда 7-8 миӊ сом болсо, азыр орточо эсеп менен 21 миӊ сомго чейин жогорулады».

«Бир кезде күнүнө өндүрүлгөн көмүрдү ташууда 100 унаа болсо, анын теӊ жарымынан көбү сол чөнтөккө кетип турган».

Улукман Молдобеков



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
08.02.2016. 16:10 
Тайпасы:
Жаран
Комментарийлердин саны:
76
Катталган:
14-12-2012
Соӊку аракети:
09-11-2019 11:38
Жынысы:
Белгисиз
+1
Жаз келээрине 15кун калганда калкыбызды толук камсыздайбыз деп турбайбы
12.02.2016. 19:42 
Тайпасы:
Жаран
Комментарийлердин саны:
51
Катталган:
10-06-2015
Соӊку аракети:
15-06-2018 17:25
Жынысы:
Белгисиз
0
Nasyrkg, аябай кулдурдунуз го.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23227;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: