«Жылдын супер көк бөрүчүсү»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Бабур Тольбаев: «БУУнун ШТАБ-КВАРТИРАСЫ 2055-ЖЫЛЫ КЫРГЫЗСТАНГА КӨЧҮП ЖАТАТ!»

№675 9-октябрь-15-октябрь, 2015-ж


Өлкөбүздөгү кеңири ой жүгүрткөн топ-менеджерлерибиздин бири, визионер Бабур Тольбаев эмнелер тууралуу кыялданарын айтып берди.

– Бабур Латиханович, демейде элдер көз тийип кетет деп коркуп, же башка себептерден улам өздөрүнүн кыялдары менен бөлүшкүсү келе бербейт эмеспи. Сиз эмне үчүн кыялдарыңыз тууралуу айткыңыз келди?
-Биринчиден, мен мүнөзүм боюнча миллиондогон башка адамдар сыяктуу эле кыялкечмин. Жакында мен тажрыйбалуу, билимдүү жашы менден улуу киши менен баарлаштым. Сөз арасында мен андан кыялдары тууралуу сурасам, ал негизинен чоң үй, балдарынын ийгиликке жетиши жана башкалар тууралуу айтты. Ага чоң үй тууралуу кыялы кыял эмес эле, максат экендигин айтсам, макул болду. Анын өз каалоосун оңдоого менин акым жок, бирок анын дараметин көрүп туруп өзүн үй менен эле чектелип калбашын айтууну туура көрдүм. Бир мүнөтчө ойлонуп туруп, ал киши өзүнүн чоң кыялдары жок экендигине уяларын моюнуна алды. Ошондо мен өз кыялдарым менен бөлүшүп, ал ойлорум аны шыктандырды. Ал киши жакынкы дем алыш күндөрү өзүнүн бардык тилектерин жазып келерине убада берди. Мындай окуяларга биринчи ирет эле кезигип жаткан жокмун, ошондуктан мен башкаларга да үлгү болуу керек экендигин, турмуштагы максат менен кыялдардын айырмасын көрсөтүп коюуну туура деп эсептедим. Экөөнүн ортосундагы айырмачылык өтө чоң! Жашоодо кыялдар орундаларын көрүп жүрөм, аны таштап салбаш керек. Алар жол көрсөтүүчү жылдыздардай болуп жүрөгүбүздө, мээбизде болушу жана алар менен өз жолуңду түздөө керек. Кыялданбагандар жана кыялдарды унутуп калгандардын гана кыялдары орундалбайт. Кыялдарга ишенүү, көп эмгектенүү жана канчалык оор болбосун туура иштерди кылганда эң чечкиндүү кыялдар да сөзсүз орундаларына ишенем.
Экинчиден, жакында жаңы кыялдарды кайрадан түзүүнү чечтим, себеби мен жашап, жаңы билим жана тажрыйба алып жатам. Убакыттын өтүшү менен көз карашым кеңейип, башка адамдар, өлкө жана дүйнөлүк түзүлүш тууралуу да көп ойлонуп калат экенсиң. Сентябрь айынын ортосунда өткөн туулган күнүмдүн алдында кыялдарымды дагы жазган элем, ошондон бир нече күн өтпөй эле алардын бири БУУнун башкы ассамблеясынын трибунасынан айтылды. Мындай идеянын коомчулукка биринчи жолу сунуш кылынышы мени аябай таң калтырды. Мен сыйлап жүргөн Казакстандын президенти БУУнун штаб-квартирасын Азияга которуу керектигин ойлонууну айтты. Назарбаев кайсы өлкө тууралуу ойлонгонун билбейм, бирок мен ал айткандан бир нече күн мурун Кыргызстан тууралуу гана кыялданган элем. Бул Кыргызстан мекеним болгону же аны сүйгөнүм үчүн гана эмес, мындан башка да бир нече жүйөөлүү себептер бар. Ошондуктан мен өзүмө 40 жылдан соң БУУнун штаб-квартирасын Бишкекке көчүрүп келүүнү максат койдум. Себеби:

  1. Жер шарынын 7 пайызы гана Түндүк Америкада, 70 пайыздан ашуун калкы Евразияда жашайт. Ошондуктан штаб-квартира дүйнөнүн негизги бөлүгү жашап жаткан континентте жайгашса туура болот.
  2. Биздин аймак Евразия континентинин борборунда жайгашкандыктан Борбордук Азия деп аталат. Ал эми КыргызстанБорбордук Азиянын чок ортосунда жайгашкан.
  3. Евразия континентинде XXI кылымда дүйнө экономикасынын локомотиви болуучу жана ошол эле убакта лидерлик үчүн атаандашуучу 3 алп бар, алар Орусия, Индия жана Кытай. Ал эми биздин кичинекей жана достукту сүйгөн өлкөбүз бул алптардын ортосунда болуучу кооперация үчүн ылайыктуу аянт болсо болот.
  4. Акыркы 40 жылда дүйнөнүн негизги көйгөйлөрү Евразиядагы эң көп эл менен түрдүү ресурстар топтолгон жана анын айынан дүйнөлүк чыр-чатактар болуп жаткан Ооганстан менен Жакынкы Чыгыштын ортосунда жайгашкан. Ошондуктан мындай эл аралык институттар океандын ары жагында эмес, жанында болушу керек.
  5. Биздин өлкө эң сонун, ошондуктан мындай иш үчүн биз БУУга жаңы шаар курсак болот. Ал шаар «Тынчтык» деп аталып, Жер шарынын жыргалчылыгы үчүн иштеп, дүйнөнүн бүт өлкөлөрүн бириктирип турмак.

Албетте, мындай болушу үчүн биз аймактагы үлгүлүү жана башкалар бизге окшошкусу келген өлкө болушубуз керек. Калкыбыз 6 миллион, өзгөрүүнү ылдам жасасак болот. Өлкөнү билгичтик менен башкаруу аркылуу 3 жылда чоң өзгөртүүнү жасаса болот. Дагы 10 жылдан соң, болжол менен 2030-жылы, биз натыйжалуу экономиканы кура алабыз! Өлкөбүздө 80ден ашуун улуттун өкүлдөрү жашайт, биз алар менен дайыма тынчтыкта жашоону үйрөнүшүбүз зарыл. Өлкөбүздүн тарыхында орун алган каргашалуу окуялар эч качан кайрадан кайталанбашы кажет. Кыргызстандын ар бир жараны улутуна, терисинин түсүнө, динине жана башка айырмачылыктарына карабай бардык элдерди сүйө билүүнү үйрөнүшү керек болот. Ар бир жараныбыз жок дегенде 3 тилде эркин сүйлөшүү, бирок өлкөбүздө жалгыз кыргыз тили мамлекеттик болушу керек, дагы 4 тил (орус, англис, араб, кытай тилдери) расмий тилдер болушу керек. Ушунун баарына жеткенде гана ири мамлекеттер менен атаандашуубузда мүмкүнчүлүгүбүз жогору болот. Буга кошумча кичинекей өлкөбүздө реформа жасоого да аз убакыт керектелет.
Мына ошентип БУУнун штаб-квартирасы 2055-жылы Кыргызстанга көчүп келет! Бул БУУнун 110 сессиясы болот.

– Сиздин экинчи кыялыңыз спортко байланыштуубу?
-Ооба. 2050-жылы Футбол боюнча Дүйнө чемпиондугунун финалдык матчы Бишкек шаарында өтөт. Кыргызстан өтө кичинекей мамлекет, бизде 40-80 миң көрүүчү бата турган стадиондору бар 10-12 ири шаарларыбыз жок экендиги түшүнүктүү. Бирок мындай шаарлар коңшуларыбызда бар. Биз Казакстан, Өзбекстан жана Тажикстан менен кошо арыз беришибиз керек. Борбордук Азиядагы бир да өлкө жакынкы 40 жылда мындай масштабдагы турнирлерди жалгыз өткөрүүгө кудурети жок, бирок биз бириксек колубуздан келет. 2050-жылы Дүйнө чемпиондугу Астана, Алматы, Тараз, Ташкент, Анжиян, Фергана, Наманган, Душанбе, Ходжент, Ош жана Бишкек шаарында өтүп жаткандыгын көрүп турам. Арыз берүүнүн демилгечиси биз болгондуктан жана Ташкент менен Астана талашпагандыгына байланыштуу финалдык оюн Бишкек шаарында өтөт .
Буга жарандарыбызды, жаштарыбызды жана футболчуларыбызды шыктандырышыбыз керек! Биздин балдар спортто күчтүү жана аларда жеңүүчүнүн эрки бар болгондуктан татыктуу оюн көрсөтөт, ошол эле убакта Кыргызстандын курама командасы фаворит болот деп мен ишенем. Өзүм да бала чакта футболду жакшы ойночумун, ал эми жакшы тааныштарымдын бири футбол боюнча машыктыруучу болууну жана дүйнө кубогун көтөрүүнү каалаарын айтты. Футболго байланыштуу мындай масштабда ойлоочу, амбициялуу жана кыялдануучу адамдар бизде аз эмес, дагы канча мен тааныбаган адамдар кыялданып жаткандыр. Эгер баарыбыз чогуу кыялдарыбызга ишенүүнү баштап, аны шайкеш келтире алсак, жыйынтыгы укмуштуудай болот.
Евразия союзу боюнча бир туугандарыбыз жана коңшуларыбыз биздин кыялдарыбыз менен пландарыбызды колдоосу үчүн алар менен достошушубуз, кызматташышыбыз керек. Шериктештик, достук ымала түзүп, утурлай биринчи кадамдарды ташташыбыз зарыл. Бул лидерлик деп аталат! Лидер дайыма эле акчасы же ресурстары көптөр эмес, лидер – бул күчтүү, ишенимдүү, туура иштерди жасаган, ошол эле убакта кызматташууга дайым даяр, креативдүү жана масштабдуу ойлонгон адамдар. Алар өздөрү жана өз өлкөсү тууралуу гана ойлонбойт, коңшулары, жалпы эле дүйнө жүзү тууралуу ойлонушат. Орусиянын президенти Владимир Путин мындай лидерлердин үлгүсү боло алат. Биздин бир нече маанилүү коңшуларыбыз бар, алардын ар бири менен үзүрлүү мамиле түзүшүбүз керек. Үрп-адат менен колориттерибиз ар түрдүү болгондугуна карабастан бирге Чеховду талкуулап, намаз окуп же жөн эле чай ичип, беш бармак жешибиз зарыл. Биргеликте биз өзүбүздүн эле эмес, Улуу Евразия тууралуу жалпы кыялдарыбызды сүрөттөй алабыз.
Менин үчүнчү кыялым жалпы картинага туура келет. 2045-жылы Бишкек түрк элдеринин маданий борборуна айланат. Ал үчүн биз жогоруда айтып кеткендеримди эле аткарып калуу менен чектелбей, Борбордук Азиянын чегинен чыгып, түрк элдеринин жалпы стратегиясын сүрөттөшүбүз керек.

Түрк элдери Орусияда, Кытайда, Түркияда жана башка өлкөлөрдө бар, ошондуктан маданий борбор тууралуу идея илимий борборлору бар түрк элдеринин эң ири университетин түзүү аянтын уюштуруудан турат. Улугбектин маалында илим Азияда алдыңкы болгондугу жашыруун эмес, илимди жандандырып, чогуу өнүгүүгө мезгил келди. Мындай борборлор жана ЖОЖдор өлкөбүздүн, аймактардын билим деңгээлине жана илим менен экономикага мыкты таасирин берет!
Заманбап жашообузда бардык чоң пландар жана кыялдар жаңы билим, илим, мамлекеттер аралык кооперацияларсыз иш жүзүнө ашпайт, ошондуктан биз ошого умтулушубуз керек. Ким эле балдарыбыздын, неберелерибиздин Евразиядагы эң мыкты ЖОЖдордо билим алуусун каалабасын?! Менимче, муну баары эле каалайт. Келечекте ЖОЖ түзүү планымдын аткарылышын мезгил көрсөтөт. Бул да менин кыялым, бирок бүгүнкү маектин чегинде аны башкалардан бөлбөй эле коеюн .
Төртүнчү кыялым – бул Жайкы Олимпиада оюндарын өткөрүү.
Азыр эле дүйнөлүк ММКлардын «2014-жылкы Жайкы Олимпиада оюндары Бишкекте башталууда» деген темасын окуп жатканымды көрүп турам. Эсеп боюнча бул 37-Олимпиада оюндары. Азербайжан 2024-жылы өтүүчү Олимпиада оюндарын өзүндө өткөрүүгө арыз бермекчи болуп жатат, а мен Азербайжан 2020-жылдары Олимпиада оюндарын өткөрүп калуусун чын жүрөгүмдөн каалайм. Путиндин Сочини жаңылап куруу жана Кышкы Олимпиада оюндарын өткөрүү кыялы ишке ашты! Биздин арызыбыз жеңишке жетиши үчүн болжол менен 2030-жылга карата өз өлкөбүз менен борборубузду оңдошубуз зарыл. Эмне үчүн Бишкекте? Биринчиден, укмуштуудай шаар, мыкты климат жана бүт дүйнө бизди жакшы жактан гана көрүшү үчүн өлкөбүздө дүйнөлүк деңгээлдеги иш-чара өткөрүшүбүз керек. Биз 2030-жылы Олимпиада оюндарын өткөрүүгө арыз берүү жана дагы 10 жыл даярдануу үчүн шаар, жолдорду, отелдерди, инфраструктураны курууну азыр башташыбыз кажет. Мындай масштабдуу идея бардык коомчулугубузду, өкмөттү, бизнес жана инвесторлорду мобилизацияламак!  Муну сөзсүз аткаруу зарыл!
Бул пландар менен кыялдарды аткаруу үчүн экономикалык өсүш керек!
Бешинчи кыялым, 2035-жылдын жыйынтыгы боюнча, Кыргызстандын ички дүң өндүрүмү (ИДӨ) киши башына 40 миң АКШ долларына жетип, дүйнөлүк рейтингде 50-орунду ээлейт. 2014-жылы Кыргызстандын ИДӨсү киши башына 3361 долларды түзүп, 142-орунду ээлеген. Ошондуктан алдыда көп нерсени жасоого туура келет, эгер бүт элибиз, өлкө жетекчилери жалпы көрүнүштү көп жыл алдыга сүрөттөп алып иштесек, колубуздан келет. Амбициялуу максат коюп гана бардыгыбыз басуучу жолду көрүүгө болот. Өзүңдүн жолуңду да көрө билүү керек, мен өз жолумдун узун жана жөнөкөй эмес болорун билем, кадам таштоону бүгүн баштоо зарыл.
Кээ бир адамдар мынча акчаны кайдан табам же өлкөбүздөгү коррупцияны кантип жоюуга болсун деп буларга ишенбеши мүмкүн. А мен болсо буга карама каршы ойдомун!

«Сен көрбөй турасыңбы, арстандар унчукпайт, бирок алардан коркушат, ал эми иттер үрүшөт, бирок аларды таш менен кубалашат. Түркөй ойдон бурул (ага көңүл бөлбө), ал айтып жаткандардын баары өзүндө. Бир нече ит кечип өтсө да Евфратка зыян болбойт».

Имам Аш-Шафии

8 жыл мурун биз иш жүзүндө жаңы компанияны нөлдөн баштаганбыз. Анда 10 эле киши болчубуз, бүгүнкү күндө биз Кыргызстанда эле эмес, Орусия жана Азербайжанда да лидербиз. Биздин топто 2 миңден ашуун киши эмгектенет. Москва да бир күндө курулган эмес, биз да компаниянын ичинде курулуп жатабыз! Мисалга, «Мол Булак Финанс» компаниясында бүгүнкү күндө Ислам каржылоо принциби боюнча департамент түзүлдү. 2018-жылы «Мол Булактын» Кыргызстандагы бардык ишмердиги ислам принциби боюнча жүргүзүлөт.

«Чынында, өздөрү өздөрүн өзгөртпөсө, Аллах адамдардын абалын өзгөртпөйт». (Ыйык Куран. 13:11)

БИЗ ӨЗГӨРҮП ЖАТАБЫЗ! СИЗЧИ?
 Кечээ мыкты шайлоо өттү, жок дегенде Кыргызстанда өткөн мурунку шайлоолорго салыштырмалуу чынында эле таза да, чынчыл да болду. Бул биздин президентибиз Алмазбек Атамбаевдин кыялы болчу, анын да кыялы орундалды! Мен да өз кыялдарыбызга жетерибизди билип турам. Эгер биз ишибизде өз бөлүгүбүздү аткарсак, өлкөбүздүн ар бир жараны мамлекетибиздин жыргалчылыгы үчүн кыялданса жана эмгектенсе, биздин бардык кыялдарыбыздын аткарылышына ишенем! Биз өзгөрөбүз, биздин өлкө өзгөрөт! Инвесторлор тууралуу жалпы кыялдарыбыз боюнча Евразия союзундагы коңшуларыбыз эле эмес, Кытай, АКШ, Индия, Германия, Япония жана башка өлкөлөр колдойт! Евразиянын борборунда ыңгайлуу жайгашкан кооз жана кичинекей Кыргызстанды биргеликте аймактык (2035-жылы), дүйнөлүк (2055-жылы) аренага алып чыгышыбыз керек. Ошондо гана ийгиликтүү, бай жана бактылуу боло алабыз. Кыргызстандын ар бир жараны менин, эми жалпыбыздын кыялдарыбызды билишин, аларды көрсөтүшүн каалайм, бул аларды иш жүзүндө аткарууда өтө маанилүү. Бул ай буга окшогон чакырыктар менен убадаларга бай болгонун түшүнөм. Ушулардын кайсылары кагазда жазылган боюнча калып каларын, кайсылары аракетке өтөрүн жакынкы келечек көрсөтөт. Менин бүгүнкү кызыкчылыгым добушта эмес, чындап кыялдарга ишенүү, аларды ишке ашыруу аракети сиздердин жүрөгүңүздөрдө орун табышы керек!

Ибрагим Жусуев

 



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(12)
12.10.2015. 09:45 
Тайпасы:
Жаран
Комментарийлердин саны:
4
Катталган:
24-06-2014
Соӊку аракети:
13-11-2019 05:15
Жынысы:
Белгисиз
+3
80%ы менин кыйялдарымго кыялдар орундалсын! мыкты интервю
12.10.2015. 13:32 
Тайпасы:
Кыймылы жок
Комментарийлердин саны:
37
Катталган:
14-05-2015
Соӊку аракети:
13-01-2016 16:28
Жынысы:
Белгисиз
+3
2055 жылы ким бар ким жок. Тобо кызыктай эле интервью.
12.10.2015. 14:52 
Тайпасы:
Жаран
Комментарийлердин саны:
14
Катталган:
07-10-2015
Соӊку аракети:
13-11-2019 01:00
Жынысы:
Белгисиз
+3
Ак уйдо олтургандар да ушинтип кыялданса жакшы болмок.
12.10.2015. 23:42 
Тайпасы:
Кыймылы жок
Комментарийлердин саны:
43
Катталган:
15-11-2013
Соӊку аракети:
13-09-2016 23:51
Жынысы:
Белгисиз
Калаасы:
БИШКЕК
0
хе хе,ага чейин буун барбы жокпу ким билет.
13.10.2015. 05:57 
Тайпасы:
Кыймылы жок
Комментарийлердин саны:
91
Катталган:
12-07-2011
Соӊку аракети:
01-03-2016 23:25
Жынысы:
Белгисиз
Калаасы:
москва
+1
[moderated] санаасы менен байыйт
13.10.2015. 11:25 
Тайпасы:
Супермодератор
Комментарийлердин саны:
6159
Катталган:
05-09-2011
Соӊку аракети:
11-11-2019 09:00
Жынысы:
Белгисиз
Калаасы:
SUPER.KG
0
rusi.86, кимдир бирөөнүн кадыр-баркына шек келтирүүгө тыюу салынган! Эскертүү!
13.10.2015. 13:10 
Тайпасы:
Жаран
Комментарийлердин саны:
110
Катталган:
26-08-2015
Соӊку аракети:
12-11-2019 17:39
Жынысы:
Белгисиз
0
жакшы кыял, ар бирибиз ишенип и салыбызды кошсок, колдон келет.
13.10.2015. 17:24 
Тайпасы:
Кыймылы жок
Комментарийлердин саны:
215
Катталган:
03-09-2010
Соӊку аракети:
01-02-2017 15:02
Жынысы:
Белгисиз
+1
Менин кыялдарыма окшош экен,мисалы Кыргызстан 2075 жылы созсуз онугот деген.
14.10.2015. 08:05 
Тайпасы:
Жаран
Комментарийлердин саны:
10
Катталган:
10-12-2013
Соӊку аракети:
06-08-2019 04:01
Жынысы:
Белгисиз
+1
Аябай жакшы создор алтын кыялдар
Буйруса баары биз ойлогондой болот ойду ,ниетти туздойлу
14.10.2015. 13:14 
Тайпасы:
Жаран
Комментарийлердин саны:
129
Катталган:
01-06-2013
Соӊку аракети:
27-12-2018 01:40
Жынысы:
Белгисиз
+1
Кыялыбыз окш0ш экен. Кыялдар созсуз орундалат! Мен ишенем! Ошол учурда мен кыргыз тилин онуктуруу б0юнча эн бир ч0н салымымды к0ш0м. Буюрса сиз менен иштешип калабыз деген ниеттемин.
15.10.2015. 03:16 
Тайпасы:
Кыймылы жок
Комментарийлердин саны:
67
Катталган:
25-03-2015
Соӊку аракети:
28-12-2015 20:07
Жынысы:
Белгисиз
+1
Кандай сонун тилек!
17.10.2015. 10:56 
Тайпасы:
Тартип бузгандар
Комментарийлердин саны:
4
Катталган:
23-02-2012
Соӊку аракети:
16-10-2018 13:48
Жынысы:
Белгисиз
Калаасы:
Германия, Гамбург
+1
Бул кишинин улуту эмне, кыргыз эмес го?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: