Архив
897   898   899   900   901   902   903   904   905   906   907   908  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Алтынбек Жунус уулу, ишкер: «МАНАСТЫН ЖАӉЫ ВАРИАНТЫН ЭЛГЕ СУНУШТАЙБЫЗ»

№665 31-июль-6-август, 2015-ж


Алтынбек Жунус уулу жаштардын арасынан суурулуп чыгып, бир иш баштаса, аягына чыкмайын тыным албаган жигит. Бизнес менен алектенген бул жигит менен маектешкенге чейин чарбадан башка маселеге чатагы жоктой сезилген. Маектин жүрүшүндө көрөӊгөсү бар, улуттун уюткулуу мурастарына астейдил мамиле жасап жүргөнүн аӊдап, кубанып калдым. Замандын агымына шылтоолоп, көр тирилик менен эле алпурушпай, кийинки урпактарга дагы бай мурастарыбыз менен бөлүшө жүрсөк, уучубуз куру болбос. Бүгүн бизнес гана эмес, баа жеткис баалуулуктар тууралуу ой бөлүштүк.

«ТОСКООЛДУКТАР ЖАӉЫ БАГЫТТАРГА ЖОЛ АЧАТ»
– Окууну аяктаган соӊ ишке аралашып калдым. Биз бизнес баштаган маалда 10 000 доллардык насыя алуу чоӊ маселе болчу. Анда банктар 30 пайыздык үстөгү менен беришчү эле. 200 000 миӊ доллар алуу түшкө кирчү эмес. Дүйнө жүзүндө бизнес үчүн насыя 3-5 пайыз менен берилип келет. Азыр биз дагы өстүк, банктар дагы кеӊейди. Башында ишканада 10 адам иштесе, 150 болуп жамаат чоӊойду. Биздин ишкана былтыр 20 миллион сом салык төлөдүк. Кыргызстандын шартында деле америкалык кыялды ишке ашырсак болот. Болгону жалкоолонбой эмгектениш керек. Бизде кыргыздар бизнес баштап, болбой калса эле таштап коюшат. Карасаӊар, Америкада бизнес тарыхын изилдеп көрсөк, Генри Форд жети жолу банкрот болуп, анан ийгиликке жетишкен. «Диснейленд» болсо 18 жолу банкка кайрылып, 19-жолу кайрылганда гана насыя ала алган. Ошондуктан кыйынчылыктарга жеӊилип берип, таштап салууга болбойт. Башка жолдорун издеп, ийгиликке жетүүнү гана ойлош керек. Биздин өлкөнүн дагы бир кемчилиги бул менчиктештирилип кетип же өзү иштетпей же иштетүүчү адамга бербей басып отурган канча деген завод-фабрикалар бар. Алар бош турбай, элге пайда алып келиши керек. Иштесе, эл дагы жумуш менен камсыз болор эле. Мен иштеткен фирма транспорттук ишкана болгондуктан кен казган ишканалар, жол салган компанияларга транспорттук кызмат көрсөтөбүз. Эл иштейин деп турат. Бирок техника жок болгондуктан, айлап кезекте турганы өкүнтөт. Ирригациялык маселе дагы чоӊ көйгөй. Карасаӊыз, Кыргызстан боюнча каналдарды салуучу ишкана жок экен. Лоток чыгарган бир гана завод бар. Бул эмнеден кабар берет? Эл тиричилиги үчүн керектүү багыттар иштетилбей жатат. Шаймандарды болсо өзүбүз чыгарбай, Орусия менен Кытайдан ташып жатабыз. Бизде өндүрүш өнүксө жакшы болор эле. Ошондуктан иш баштаган адамды мамлекет колдоого тийиш. Жеӊилдетилген насыялар элдин турмушун көтөрөт.

«САНЖЫРАЛАРДЫ УККАНДЫ ЖАКШЫ КӨРӨМ»
– Башкаларга окшоп бош убактым деле көп болбойт. Бизнести күнүгө көз салып, көзөмөл кылбасаӊ, бир жеринен кемчилик кетип калат. Биздин түрк өнөктөштөрүбүз «карыз – жигиттин камчысы» деп калышат. Андыктан замандын агымынан калбай, камчыланып иштеп жатабыз. Бирок бош убактым болуп калса, үй-бүлөм менен шаардын четине чыгып, жаратылыш коюнуна чыгып эс алууга эмне жетсин? Үй-бүлө курганыма 12 жыл болду. Балдарыма татыктуу көӊүл бурууга аракеттенем. Китеп окуп берем, бирок орусча. Анткени балдарым орус класста билим алышат. Биз, ата-энелер, шашмабызбы, айтор, алар менен кантип орусча сүйлөй баштаганыбызды этибарга албай калабыз. Биздин ошол кемчилигибизди атам келип толтуруп турат. Ата-энем Балыкчы шаарында жашаса дагы Бишкекке байма-бай каттап, неберелерине «Манасты» окуу менен санжыра айтып берет. Атам неберелерине шашпай түшүндүрүп, кыргыз тилин үйрөтүп турат. Мага дагы атамдын санжыра айтып бергени жагат. Биздин чоӊ атабыз Эсенгул Осмоновдун эски пластинкага түшүргөн мурастарын тажабай угабыз. Чоӊ атам убагында Ат-Башы аймагында гана эмес, кыргызга атагы чыккан чыгармачыл адамдар Боогачы менен Калыгулдун казалдарын ырдап, эски тасмага үнү түшүрүлгөн. Азыр атам аны кагазга түшүрүп, изилдеп келет. Уюткулуу улуу ойлорду, кыргыз санжыраларын угуу мен үчүн чоӊ ырахат. Балдарым азырынча кызыгуусун көрсөтө элек. Азыркы замандын балдарындай техникага жакын. Телефон, планшет менен алек. Бирок мен аларды бул жагынан чектеп турам. Ага караганда бала кезинде чуркап ойногону жакшы да. Биз бала кезде короодо бир эле турник бар болчу, ошого баарыбыз чогулуп асылар элек. Азыр үйдө шарт түзүп, турник орнотсок деле ага барып тартынган бала жок. Кезеги келгенде балдарым дагы улуу мурастарга кулагын төшөп, угар деп ишенем. Анткени чоӊ атасы кулагына куюп жаткан дастандар деле жүрөгүнөн орун табат болуш керек. Биз деле бала кезде этибар албасак дагы кулагыбызга улуу дастандар сиӊип, кан-жаныбызга аралашып калган да. Ошондуктан «Манасты» уккандан тажабайм.

«ЖАКЫНДА ЖУСУП МАМАЙДЫН АЙТУУСУНДАГЫ «МАНАС» КИТЕБИН СУНУШТАЙБЫЗ»
– Заманыбыз тарып, куруп бара жатат дебей, улутубуздун уюткулуу байлыгына кайрылып, андан асыл ойлорду алып чыгып, кийинки муунга калтырсак деген тилек. Биз Манастын уулу Семетей, небереси Сейтек деп билип келгенбиз. Билесиӊер, Жусуп Мамай атабыз «Манастын» сегиз урпагын жазып калтырган экен. Ушул чыгарманы араб арибинен биздин арипке салып, «Манастын» жаӊы варианттарын сунуштаганы турабыз. Жакында 15-июлда бет ачары болуп өттү. Ушул китепти колума алдым. Кызыгып окуп жатам. «Манас» түгөнгүс, түбү жок байлык. Ал дүйнө жүзү тааныган зор эпос. «Манасты» окусак тил дагы, дил дагы, маданият жана эл достугу, койчу адамдардын бири-бири менен мамилеси абдан маанилүү. Ошондуктан «Манасты» ар бир кыргыз кайталап окуса, жан дүйнөсү байып, дүйнө таанымы дагы кеӊейип, элибизге мүнөздүү жакшы сапаттарыбызды сактап калабыз. Достукту даӊазалаган Манас менен Алмамбеттин достугу эле кандай сонун жазылган. Керемет окуялар көп. Кошой менен Бакайдын Манаска кеӊешчи болушу дагы биздин заманда таӊсык болуп тургандай. Учурда акыл айтчу ак сакалдарга, жол баштоочу жол башчыга муктажбыз.

Мирлан Өмүралиев



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
03.08.2015. 12:36 
Тайпасы:
Кыймылы жок
Комментарийлердин саны:
216
Катталган:
12-05-2015
Соӊку аракети:
02-03-2017 11:43
Жынысы:
Белгисиз
0
Жаны вариянты,заманбап,элге жаксын деп журуп манасты дагы реп кылып салышпасале болду.
06.08.2015. 03:32 
Тайпасы:
Кыймылы жок
Комментарийлердин саны:
3
Катталган:
01-04-2015
Соӊку аракети:
18-08-2015 07:09
Жынысы:
Белгисиз
0
Урматтуу суперинфо мени Алтынбек менен байланышууга мумкунчулук тузуп бере аласынарбы,анткени менде жакшы сунуш бар. Элибизге(коомубузга)чон пайдасы бар китеп жазайын дедим эле. Бул китеп биздин санжырабыздын толук кандуу далилдегенге механизим болуп бере алат жана кыргыз элибиздин баалуулуктарын ар бир уйго таратууга мумкунчулугу бар. Мактанбайын мындай мазмундагы китеп дуйно жузундо жок болсо керек. 0555 80 90 38 Темир
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23792;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: