Архив
897   898   899   900   901   902   903   904   905   906   907   908   909   910   911  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Жоомарт Оторбаев, экс-премьер-министр: «АТА-ЭНЕМ БИР ДА ЖОЛУ ЖАЗАЛАБАГАН БАЛАМЫН»

№664 24-июль-30-июль, 2015-ж


Аткаминерлердин арасында жөнөкөйлүк – чанда кезигүүчү сапаттардын бири. Жоомарт Оторбаевди ушундай жөнөкөйлүгү жана кичипейилдиги үчүн чиновниктердин арасында чоочун адам деп атоого болот. Маек алмакчы болгонубузду уккан экс-премьер коштоочу, жардамчысы жок эле кеӊсебизге баш бакты. Баарлашуу алыста калган балалык күндөр тууралуу болду.

«ИЛИМПОЗДОРДУН ҮЙ-БҮЛӨСҮНДӨ ЧОӉОЙДУМ»
– Ата-энем жаштайынан оор турмушту баштарынан өткөрүүгө мажбур болушкан экен. Анын жөнү мындай: экөөнүн теӊ үй-бүлөсү саясий куугунтуктун азабын тартышкан. Атамдын эжеси Акима Оторбаеванын жолдошу Токчоро Жолдошов 1935-жылы «эл душманы» деп айыпталып, атылып өлтүрүлгөн. Ал убагында Кыргызстандын биринчи эл агартуу комиссары болуп турган. Таятам болсо бай-манаптын тукуму катары үй-бүлөсү менен Оренбургга сүргүнгө айдалган. Мунун баарын айтып отурганымдын себеби ата-энем бутуна туруп алганга чейин бир топ эле кыйынчылыкты өткөрүшүптүр. Ошонун таасириненби, эмгекчил жана тырышчаак болушуп, окууда да, кызматта да эӊ алдыда болууга умтулушканын айтып калышчу. Керек болсо жогорку окуу жайга өтөрдө да атам менен апама «сынактан алган бааӊар жалаӊ «5» болбосо өтпөйсүӊөр, анткени силер «эл душманы» чыккан үй-бүлөдөн болосуӊар» деген шарт коюлган экен. Аларга орто ченде калып калуу мүмкүнчүлүгү берилген эмес, ата-энемдин дайыма эӊ жакшы баа алуудан башка жолу жок болчу. Канчалык тоскоолдуктар болбосун, канчалык начар мамиле жасалбасын, анын баарын экөө теӊ өз аракеттери менен жеӊип чыгышкан. Жыйынтыгында атам Кайып Оторбаев география илиминин, апам Мария Нанаева медицина илиминин доктору болду. Мен төрөлгөндө эле атам да, апам да илимдин кандидаты болушкан. Мен илимпоздордун үй-бүлөсүндө чоӊойдум.

«АТАКТУУ АДАМДАР БИЗДИН КАДИМКИ КОНОКТОРУБУЗ ЭЛЕ»
– Кичинемден оорукчан бала болдум. Демим кыстыгып, бронх астмасы кыйначу. Атам менен апам үстүмө үйрүлүп түшүп, мени ошол дарттан айыктыруунун машакаты менен убара болуп жүрүшчү эле. Бир жолкусунда мага кальций жетишпейт дешкенинен бор жедирткен күндөр да өткөн. Өзүм болсо балалыгымдан китеп окууга аябай кызыктым. Үйүбүзгө кечке маал ата-энем менен катышкан адамдар көп келишчү, столдун бир четинде алардын сөзүн угуп отурганды жактырчумун.
Биздикинде кимдер гана конок болушпады?.. Композиторлор Калый Молдобасанов, Насыр Давлесов, Абдылас Малдыбаев, опера ырчысы Сайра Кийизбаева, сүрөтчүлөр Гапар Айтиев, Семён Чуйков, илимпоз Муса Адышев, филология илимдеринин доктору Болот Юнусалиев, акын Абдрасул Токтомушев, жазуучу Аалы Токомбаев... Деги эле ошол кездеги кыргыз интеллигенциясынын чөйрөсү тар болчу. Саналуу адамдар гана болгондуктан, бири-биринин үйүнө алдын-ала эскертпестен эле кечинде конокко барып калышчу. Белгилүү хирург Иса Коноевич Ахунбаев менен жубайы ата-энемден улуу болушса да, достук катышта болушту. Ушундай чыгаан адамдарды көрүп, алардын кептерине кулак салганым да жашоомо из калтырса керек.

«ФИЗИК, МАТЕМАТИК ЖАНА ХИМИКТЕРДИ АКЫЛДУУ ДЕП ЭСЕПТЕЧҮМҮН»
– Балалыгымда эле ата-энемдин таасириненби, мен дагы илимпоз болом дечүмүн.
1-класска Фрунзе шаарынын №2-мектебине баргам. Ал кезде борбордо 60 мектеп болсо, анын экөө гана кыргыз мектеп болчу. Класстын 80-90 пайызы орус балдар, 10
классты 3 эле кыргыз бала бүткөнбүз.
7-класста окуп жаткан кезим. Бир күнү атамдын жанына барып, «мен кайсы жакка барып окуюн?» деп сурадым. Ал мага «кай жакка барып окууну өзүӊ чеч. Бирок сөзсүз дайыма акылдуу адамдардын арасында болушуӊ керек» деп айтты. Ойлонуп-ойлонуп, эӊ атактуу илимпоздор физика, математика жана химиядан чыгарын аӊдап, ушул сабактарды берилүү менен окуп баштадым. Анын үстүнө, ошол учурда АКШ менен Советтер Союзунун ортосунда жарыша куралдануу тиреши бар болчу. Тандоодон өткөн эӊ таланттуу балдарды 14 жаштан баштап атайын физика-математика багытында окуткан мектептерге алышчу. Мен да өзүмдү ушул багытка даярдоого киришип, жаш техниктердин станциясына барып жүрдүм.

«БИЗДИ ЯПОН ЫКМАСЫ МЕНЕН ТАРБИЯЛАШКАН СЫЯКТУУ»
– Кичинемде көбүрөөк эжемдин колунда өстүм. Атам менен апам эртеден кечке чейин жумушта, кийинчерээк докторлугун жактап жүрүштү. Алардын «тигини кыл, муну жасаба» деп айткандары деле эсимде жок. Ата-энем өздөрүнүн жашоо-турмушу, жүрүм-туруму менен эле балдарына үлгү болуп, ошону менен тарбия беришкен экен. Менден үч жаш кичүү иним Чагатай экөөбүз деле тентектик кылчу эмеспиз. Ал азыр Медициналык академияда иштейт. Бизди япон ыкмасына салып тарбиялашкан сыяктуу. Мен да балдарымды ушинтип тарбияладым. Аларга канча лекция окуба, ата-эненин жүрүм-туруму туура эмес болсо, какшап айткан акыл кептери балдарына жукпайт. Мен ата-энем бир да жолу жазалабаган баламын.

«АЛГАН БААЛАРЫМ МЕНЕН АТА-ЭНЕМДИ СҮЙҮНТКҮМ КЕЛЧҮ»
– Сабактан тышкары 3 жылдай жеӊил атлетика менен машыгып, Кыргызстандын улуттук курама командасы менен оюндарга катышып жүрдүм. Атам жашында белгилүү футболчу болгон. Мен дагы футбол ойногонду жакшы көрөм. Кичинемде атамдын мага топ белек кылганы эсимде калыптыр. Аябай кубангам. Мектепте «ботаник» да эмес, ашыккан тентек да эмес, ортодогу окуучулардын катарында элем. «3» алчу эмесмин, гуманитардык сабактардан «4», ал эми так илимдер боюнча жалаӊ «5» деген баага окудум.
Бирок алгачкы жолу 1-класста алган баам «2» болгон. Жазуудан алгам. Ата-энемдин бир жакшы жагы – өмүрү дептер менен күндөлүктү текшеришчү эмес. «Менин балам жакшы окуйт» деп айтышчу жана бизге ишеним артышар эле.
Мектептен алган «4» жана «5» деген бааларымды үйдөгүлөргө көрсөтүүгө ашыкчумун. Ошол адатым азыркыга чейин бар. Иштесем, иштен чыгарган жакшы жыйынтыкты, кандидаттык диссертация жазсам, анын натыйжасын ата-энеме алып келип көрсөтүүгө жана аларды ошолор менен кубантууга аракет кылып жашап келем. Мына, атам быйыл кайтыш болуп кеткенге чейин ушунумдан жазган жокмун. Ата-энеме жашоомдогу жагымдуу жаӊылыктарды айтып баруу жакшы жөрөлгөгө айланып калды.

"Ата-энем өздөрүнүн жашоо-турмушу, жүрүм-туруму менен эле балдарына үлгү болуп, ошону менен тарбия беришкен экен".

"Мен да балдарымды ата-энемдин ыгына салып тарбияладым. Ата-эненин жүрүм-туруму туура эмес болсо, какшап айткан акыл кептери балдарына жукпайт".

"Атам жашында белгилүү футболчу болгон, мен да бул оюнду жактырам".

Эльвира Караева
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
27.07.2015. 12:32 
Тайпасы:
Тартип бузгандар
Комментарийлердин саны:
36
Катталган:
22-01-2015
Соӊку аракети:
05-01-2018 22:37
Жынысы:
Белгисиз
-3
Кыргызстанды ХХХ ХХХ да Эл бир да ХХХХ ХХХХ баласыз. Жооп бере ХХХ ХХХ ХХХ.
Модератор admin_superstan түзөттү 2015-07-27 12:51:14
27.07.2015. 12:51 
Тайпасы:
Супермодератор
Комментарийлердин саны:
4721
Катталган:
05-09-2011
Соӊку аракети:
27-05-2020 18:08
Жынысы:
Белгисиз
Калаасы:
SUPER.KG
+1
hairullo, провокация жаратуучу билдирүүлөргө тыюу салынган! Эскертүү!
27.07.2015. 12:37 
Тайпасы:
Кыймылы жок
Комментарийлердин саны:
2
Катталган:
03-05-2015
Соӊку аракети:
28-07-2015 12:54
Жынысы:
Белгисиз
+3
Жакшы киши)) менда жонокойлугун баалайм
27.07.2015. 13:39 
Тайпасы:
Кыймылы жок
Комментарийлердин саны:
13
Катталган:
12-07-2015
Соӊку аракети:
25-10-2015 08:15
Жынысы:
Белгисиз
+2
Ushu adamdyn jonokoilugu jana akylduulugu soonunda.Jalgyz,ele ozunun baldaryna emes butundoi jashtarga ulgu bolorluk insan.
27.07.2015. 14:44 
Тайпасы:
Кыймылы жок
Комментарийлердин саны:
81
Катталган:
14-05-2014
Соӊку аракети:
28-09-2019 20:28
Жынысы:
Белгисиз
Калаасы:
Ош
+3
Жонокой киши экен негизгиси.Ушундайлар кобуроок болсо
31.07.2015. 03:13 
Тайпасы:
Жаран
Комментарийлердин саны:
106
Катталган:
26-07-2015
Соӊку аракети:
02-05-2020 14:45
Жынысы:
Белгисиз
+3
абдан жакшы адам..ото интеллигенттердин уй-булосунон чыккангабы абдан сылык мунозу жумшак..бул кишинин апасы Нанаева Мария Токтогуловнаны ар бир медик билээрине кумонум жок,абдан катаал КГМАны титиретип турчу,паракорлук менен курошуп,сабак билбеген студентти айдап окуудан чыгарыпасалчу,анын сабагы 3-курста отулгон учун "учту бутуп,Нанаевадан откон сон гана студентсин"деген фраза бар медиктерде,ал эми атасы Кайып Оторбаев абдан билимдуу,улуу инсан болгон,автобиограф-й китеби абдан кызык жазылган.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23946;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: