Архив
897   898  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Шамарал Майчиев, Кыргыз Республикасынын Сотторду тандоо боюнча кеӊешинин төрагасы: «БИЗДИ БАШКАРУУГА АРАКЕТ КЫЛЫШАТ, БИРОК АГА ЖОЛ БЕРБЕЙБИЗ»

№644 6-март-12-март, 2015-ж


2011-жылы Сотторду тандоо боюнча кеӊеши түзүлгөн. Карапайым эл чоӊ үмүт арткан бул кеӊеш сатылма, кубулма, чечкинсиз сотторду креслосунан алып, чынчыл, адилет, билимдүү сотторду кызматка коюшу керек болгон. Эми ошол сотторду тандоо иши жыйынтыкталбай, созулуп эле бараткандай. Мындайда көп суроо туулат эмеспи. Андыктан биз Сотторду тандоо боюнча кеӊешинин төрагасы Шамарал Майчиевден коомчулукка кызык болгон айрым суроолорго жооп алып кайттык.

МАЙЧИЕВ ШАМАРАЛ ЮСУПОВИЧ

  • 1962-жылы Токмок шаарында туулган.
  • 1982-1987- жылдар аралыгында Кыргыз мамлекеттик университетинин юридика факультетинде билим алган.
  • 1991-1998-жылдары жеке юридикалык фирмасын түзүп жетектеген.
  • 1998-жылдан тарта «Улуттук юридикалык корпорация» бирикмесинин башчысы.
  • 2011-жылдан бери Сотторду тандоо боюнча кеӊешинин төрагасы.
  • Үй-бүлөлүү, 1 уул, 1 кыздын атасы.

– Сотторду тандоо боюнча кеӊешинин төрагалыгын жакында кайрадан аркалоого кириштиӊиз. Биринчи ирет кандай кемчиликтерди баштан өткөрдүӊүздөр?
– Азыр коомчулук Сотторду тандоо боюнча кеӊештин ишин ынтаа коюп байкап тургандыгы чындык. Биринчи курамда деле колдон келишинче так иштедик деп айта алам. Өзүӊөр жакшы билгендей, Конституцияга жана «Кыргыз Республикасынын Сотторду тандоо боюнча кеӊеши жөнүндө» мыйзамына ылайык, Сотторду тандоо боюнча кеӊешинин негизги милдеттери – Кыргыз Республикасынын Жогорку Сотунун, Жогорку Соттун Конституциялык палатасынын бош кызмат орундарына талапкерлерди тандоо жана аларды андан ары шайлоого парламентке сунуштоосу үчүн президентке сунуш кылуу болуп саналат. Ошондой эле жергиликтүү сотторго да талапкерлерди тандоо жана тандалгандарды дайындоосу жана которуусу үчүн президентке сунуш кылуу милдетибиз болуп эсептелет.
Мурунку кеӊештин ишинде объективдүү жана субъективдүү бир катар себептерден улам айрым кыйынчылыктар болду. Кеӊештин иштешине, ыйгарым укуктарын жүзөгө ашырууга ылайыктуу шарттар дароо эле түзүлө койгон жок. Отурумдарды өткөрүү үчүн туруктуу залыбыз жок болуп, талапкерлер жазуу ишин аткара турган бөлмөлөр, катчылык жана архив үчүн кабинет сыяктуу шарттарга кийин гана жетиштик. Өз басма сөз борборубуз, басма сөз катчыбыз дароо болбосо да, биздин иш ЖМКлардын, өкмөттүк эмес уюмдардын, жарандык коомдун өкүлдөрүнүн байкоосу менен коомчулуктун көз алдында ачык-айкын жүрүп жатты. Коомдун ар түрдүү катмарларынын жана айрым бийлик өкүлдөрүнүн кеӊештин ишине ар түрдүү формада кийлигишүү, кысым көрсөтүү аракеттери да болбой койгон жок. ЖМКларда кээде буйрутма материалдар да жарыяланып жатты.
– Деги эле канча бош орунга судья тандап алууӊуздар керек? Жакында Жогорку Соттун Конституциялык палатасынын бош кызмат орундарына талапкерлерди тандоого сынак жарыяладыӊыздар. Мурдагы сынактан азыркысы эмнеси менен айырмаланат?
– Анча-мынча статистикага көӊүл бура кетсек: Жалпы республика боюнча судьялардын орду – 447. Анын ичинен Жогорку Соттун Конституциялык палатасы – 11 орун; Жогорку Соттун судьялары – 35; Кыргыз Республикасынын жергиликтүү сотторунда 401 орун бар. Сынак 201 кызмат ордуна жарыяланган. Сынактык тандоого катышууга 615 киши арыз берген. Ал эми жакында боло турган Кыргызстандын Жогорку Сотунун Конституциялык палатасынын бош кызмат орундарына сынакка катышууга 14 кишиден арыз түштү. Бош орун болгону үчөө. Демек, бир орунга 5 киши ат салышат десек болот. Сынактын талаптары да мурдагыдан кыйла күчөтүлгөн.
Мурда да сынак 3 турда өткөрүлүп, биринчисинде документтер сынагы, экинчисинде дил баян, эссе жазмай жана укук тармактары боюнча оозеки сынак, үчүнчүсүндө кесиптик маанилүү сапаттарына баа берүү болчу. Акыркы турда талапкердин тагдыры кеӊеш мүчөлөрүнүн добуш берүүсү менен чечиле турган. Азыр болсо эӊ башкы өзгөчөлүк –
субъективдүүлүккө жол бербөө үчүн мыйзамга киргизилген өзгөртүү боюнча кеӊеш мүчөлөрүнүн добуш берүүсү алынып салынды. Мурдагыдай эле 3 тур калтырылып, алардын ирети өзгөртүлдү жана талаптары күчөтүлдү. Эми 1-турда талапкер укук тармактары боюнча оозеки сынактан өтөт. Баштагыдай 10 суроо эмес, эми 20 суроо берилет. Ар бир туура жооп 1 баллдан эсептелет. 2-турда талапкер Кыргыз Республикасынын мыйзамдарына негизделген укуктук темадагы дил баянды жалпы кеӊеш мүчөлөрүнүн көз алдында жазат. Бул жазуу ишин кайра оозеки баяндап, талапкер суроолорго да жооп берүүсү керек. Ал эми 3-тур – кесиптик маанилүү сапаттарына баа берүү да талапкердин профессионалдык-инсандык жактан кынтыксыздыгын сындан өткөрүүнү максат кылган татаал, күтүүсүз суроолорго жооп берүү болуп саналат. Ушундай катаал сыноодон татыктуу өткөн талапкерлер аларды андан ары шайлоого Жогорку Кеӊешке сунуштоосу үчүн президентке сунуш кылынат.
– Сиз Сотторду тандоо боюнча кеӊешинин төрагасы катары кеӊештин ишинин туура же туура эмес уюштурулушу республикабызда жүрүп жаткан, натыйжасын элибиз чыдамсыздык менен күтүп жаткан жалпы сот реформасына кандай таасир берет же берди деп ойлойсуз?
– Ооба, реформанын жүрүшү боюнча ар кандай, көбүнчө сын пикирлер айтылууда. Мына ошол сын айтуу мүмкүндүгү да биздин кеӊештин ачык-айкын иштешинин жемиши болду деп эсептейм. Кеӊештин иши тууралуу ачык, так, жеткиликтүү маалыматтар кеӊештин веб-сайтында жана ЖМКлар аркылуу дайыма өз убагында чагылдырылып турат. Тандоо иши ЖМКлардын, өкмөттүк эмес уюмдардын, жарандык коомдун өкүлдөрүнүн байкоосу менен коомчулуктун көз алдында ачык-айкын жүргүзүлөт. Отурумдарда видео жана аудио жазуу жүргүзүлүп, алар кийин интернетке жайгаштырылат. Ушундай тыкыр тандоонун аркасында азыр республиканын судьялар корпусунун 33 пайызы жаӊыланды. Дайындалган судьяларда гендердик баланс 45 пайызга сакталган. Улуттук жана аймактык теӊдештик да эске алынган. Биз эӊ башкысы идеалдагы судьянын профилин, образын тактап иштеп чыктык.
– А судьянын профили дегенди кандай түшүнсөк болот?
– Мыйзамдарда судья деген түшүнүккө жана бул кызматтын кесиптик келбет-профилине так аныктама берилген эмес. Талапкердин татыктуулугун аныктаган критерийлерди тактоо менен биз нагыз судья ким, кандай адис болушу керек экендигин тактап чыктык.
– Судьяларды тандоо процессинде кесипкөйлүктүн таламдарынан мурда саясий өӊүттөн басым жасалып жаткан жокпу?
– Ар кандай конкурс – бул конфликт, кызыкчылыктардын кагылышуусу. Анын үстүнө талапкерлер көп, бош орун болсо аз. Коомчулуктун ар кандай өкүлдөрү кеӊештин ишине кийлигишкиси, таасир эткиси келери турган иш. Бирок биз буга жол бербейбиз.
– Эми өзүӊүзгө келсек. Ата-энеӊиз, киндик кан тамган жериӊиз, ошондой эле бала кезиӊиздеги эсте калган кылык-жоруктарыӊыз жөнүндө айтып берсеӊиз...
– Чоӊ атам – Майчи ажы. 100гө чыгып, 1943-жылы каза болгон. Атам – Жусуп. Мен 5 жашка толгондо 1967-жылы дүйнө салды. Атам эсимде даана эле калды. Мени абдан жакшы көрүп, эркелетип турар эле. Энем Шекер турмуштук тарбия бере турган ар кандай окуяларды көп айтып берчү. Ата-энем жөнөкөй эле адамдар болчу. Тентектик деле эмес, мен 5 жашар кезимде бир күнү үйдө эч ким жокто өзүм билемдик иш кылганым эсимде. Биздин чакан чарбагыбыз бар эле. Жаз келип калган. Карасам жер жумшак, күрөк алып каза баштадым. Бир нече убакытта 10 чарчы метрдей казып койдум. Чарчап, өзүм сүйүнүп, апамды да сүйүнтөм деп отургам. Апам келгенде чуркап чыктым. Анан "апа, мен огород казып койдум" деп мактандым. Апамдын негедир ачуусу келди. "Балам, сен эч качан жерди казба, жерди караба. Сен китеп оку, билим ал, доктур бол!" деп күрөктү алып ары жакка катуу ыргытты. Анан мени кучактап, "балам, оку, билим-илимсиз жолуӊ ачылбайт. Билимдүү адамдардын убактысы келе жатат. Сен доктур, академик бол. Күрөктү колуӊдан көрбөйүн" деп башымдан сылап, таалим сөздөрүн айтты. Азыр өзүм бир үйдүн ээси, балдардын атасы болсом да ошол окуя эсимден такыр кетпейт. Келинчегим Салтанат технолог. Бир уул, бир кызым бар. Уулумдун аты Исраиль, студент. Кызымдын аты Ассират, мектеп окуучусу.
– Маегиӊизге рахмат.

Мирлан Өмүралиев
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
11.03.2015. 15:51 
Тайпасы:
Кыймылы жок
Комментарийлердин саны:
54
Катталган:
08-09-2014
Соӊку аракети:
15-01-2019 16:38
Жынысы:
Белгисиз
Калаасы:
Жалал-Абад
0
Калп айтып не кереги бар?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23503;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: