«Жылдын супер саундтреги»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КЫРГЫЗСТАНДА АЛГАЧКЫ ИРЕТ 3D ФОРМАТЫНДАГЫ МУЛЬТФИЛЬМ ЖАРЫК КӨРДҮ

№629 21-ноябрь-27-ноябрь, 2014-ж


2014-жылдын 18-ноябрында Кыргызстанда алгачкы ирет 3D форматында тартылган «Акылбек менен Билимбектин кызыктуу окуялары» аттуу анимациялык фильмдин расмий бет ачары болуп өттү. Ал телекоммуникациялар, жаңы технологиялар, интернет жана мобилдик байланыш тууралуу маалымат алууга багытталган. Аны менен катар айлана-чөйрөнү, илимди, тарыхты да таанып-билүүгө арналган. Долбоордун демилгечиси болгон улуттук MegaCom мобилдик операторунун тапшырыгы менен мультфильмди ата мекендик аниматорлор тартышкан.

БУЛ ДОЛБООР «MEGAБИЛИМДИН» УЛАНДЫСЫ
Кыргызстандыктарды кубанткан таанып билүү мүнөзүндөгү, 3D форматындагы алгачкы мультсериал MegaCom компаниясынын «Мобилдик сабаттуулук сабактары» долбоорунун алкагында жаралган. Өсүп келе жаткан муундун мобилдик сабаттуулугун жогорулатуу максатын көздөгөн бул мультфильм кыргыз жана орус тилдеринде. Аталган эмгекти жаратууда аниматорлордун, сүрөтчүлөрдүн, сценаристтердин, психологдордун, композиторлордун жана үн коштоочулардын калың тобу иш алып барган. Мындан сырткары долбоордун көркөм жетекчиси Сергей Кролевичтин билдиришинче, мультфильмди тартуунун алдында каармандарды тандоо үчүн атайын компьютердик программа иштелип чыккан. Ал аркылуу 5-12 жаштагы балдар, кыздар башкы каармандардын ысымдарын жана кийимдерин тандашууга катышышкан.
Алгач мультсериалдагы башкы каарманга долбоордун уюштуруучулары тарабынан Уюлбай, Уюлча, орусча Сотик деген ысымдар сунушталган. Ал эми бөбөктөр Акылбек деген нукура
кыргызча ысымды тандашкан. Кийимдердин өңдөрүн айкалыштыра тандай билген табиттеринин күчтүүлүгү да мультфильмдин ачылышына баргандардын баарын сүйүнттү жана суктандырды десек жаңылышпайбыз.
Буга чейин компания алыскы айыл жерлериндеги мектептерди компьютерлештирүү менен окуучулардын заманбап технологиялар боюнча билимин кеңейтүүнү максат кылган
«MegaБилим» долбоорун баштап, аны ийгиликтүү ишке ашырган.

Аталган долбоордун уландысы, тактап айтканда, экинчи этабы «Акылбек менен Билимбектин окуялары» аттуу мультсериал экендигин белгилеген MegaCom компаниясынын PR жана жарнама департаментинин жетекчиси ЖЫЛДЫЗ МАМЫТОВА:

-Бул мульт­фильм мектепке чейинки жана мектеп окуучуларына, тактап айтканда, колуна телефонду жаңыдан кармап жаткан аудиторияга багытталган. Өзүбүздүн иликтөөлөрүбүзгө таянсак, балдар 7 жаштан тарта уюлдук телефон көтөрүшөрү анык болду. Мультсериалдагы башкы каарманыбыз Акылбек досу Билимбек экөө виртуалдуу саякаттап, баарыбызды кызыктырган татаал суроолорго жооп издешет. Мында базалык станциянын, уюлдук байланыштын түзүлүшү боюнча, мобилдик этикет, интернет коопсуздугу, спамдардан, мобилдик шылуундардан кантип коргонуу керек деген учурдагы актуалдуу маселелер чагылдырылган.
Интернеттин, баарыбыз билгендей, жакшы жана жаман жактары бар. Анын жакшы жагын пайдалануу үчүн бир катар уюлдук операторлор ар кандай аракет көрүп келишүүдө. Алсак, Орусиянын Мегафон компаниясы студент, кары-картаңдар менен жолугушууларды өткөрөт. МТС комикстер аркылуу элге маалымат жеткирүүгө аракет жасаса, дагы башкалары радио маектерди уюштуруу менен алек. Ал эми кыргызстандык MegaCom компаниясы 3D форматындагы, мааниси зор мультфильм тартуулады. MegaCom компаниясы өлкөбүздүн туруктуу өнүгүү программасынын алкагындагы долбоорлорду ишке ашыруу боюнча негизги өнөктөштөрдүн бири болуп саналат. Анын ичинен билимге салым кошуу компаниябыз үчүн да, өлкөбүз үчүн да чоң артыкчылык. Биздин максат – өсүп келаткан муунга билим берип, алардын аң-сезимин өөрчүтүү. Анткени балдар коомдун келечеги.

«АЛГАЧКЫ ИРЕТ КЫРГЫЗ КОМПАНИЯСЫ КАРЖЫЛАГАН МУЛЬТФИЛЬМ»
«5palcev» анимациялык студиясынын директору УЛАН ДУБАНАЕВ:
-Буга чейинки кыргыз тилиндеги мультфильмдерди чет элдик уюмдар гана каржылап келген. Ал эми өсүп келе жаткан муундун келечегин ойлоп, каржылык колдоо көрсөткөн MegaCom алгачкы кыргыз компаниясы болуп калды,- дейт. 10 бөлүмдөн турган жана ар бир бөлүгү 4 мүнөткө созулган мультипликациялык фильмде телекоммуникациялык гана эмес, мектеп программасы боюнча жалпы билим берүүдөгү маанилүү маалыматтар да чагылдырылган.

Аталган мультсериал тууралуу КРнын Билим берүү министрлигинин мектепке чейинки жана мектептик билим берүү бөлүмүнүн башкы адиси РАИСА ТОЙБОЛОТОВА өз пикирин төмөнкүчө билдирди:

-Биздин министрликке MegaCom компаниясы кайрылып, мектеп окуучуларына мультфильмди көрсөтүү боюнча сунушун киргизишти. Мектептерди башкаруу бөлүмүнүн адистери болуп биргеликте мультфильмди толугу менен көрүп чыгып, абдан ыраазы болдук. Кооз тартылып, аң-сезимди өстүрүү боюнча жана таалим-тарбиялык мааниси чоң экен. Аймактардагы биздин министрликтин бөлүмдөрүнө мультфильмди колдон келишинче окуучулар арасында кеңири жайылтып көрсөтүүгө жардам берүү боюнча кат жөнөттүк. Окуучуларыбыз үчүн өз учурунда, зарыл болуп турган маалда тартылды. Бул компания менен байланышыбыз ушул мультфильм аркылуу гана түзүлүп жаткан жери жок. Компания бир нече жылдан бери билим берүү жаатында алыскы аймактагы айылдардагы 143 мектепти 1000ден ашуун компьютер менен камсыздады. Бүгүнкү күндө бул абдан чоң жардам. Учурдан пайдаланып бардык билим берүү тармагында иш алып баргандардын атынан ыраазычылык билдирип кетким келет.

«АТА-ЭНЕЛЕР ЖАНА МУГАЛИМДЕР КӨПТӨН КҮТКӨН ИШ БОЛДУ»
Мына ушундай ойду баса белгилеген «Баластан» балдар телеканалынын продюсери КУНДУЗ АМАНОВА:
-Бул мультсериал балдардын телефонду чукулап ойноп отура бербей, билим алуусуна жакшы таасирин берет деген максатта обого чыгаруунун алдында турабыз. Себеби, телефонго алаксып кырсыкка учураган, мектепте кулагына наушникти тагып алып мугалимдин сөзүн укпаган окуучулар бар. Мына ушул маселелер боюнча бизге мугалимдер жана ата-энелер кайрылышып, «бир программа даярдасаңар боло» деп көп айтышат. Мына эми Акылбек менен Билимбектин кызыктуу окуялары аркылуу балдарга көп нерсени жеткире алабыз деген ишеничтебиз.


БИЛИМ АЛУУ МЕНЕН ГАНА ЧЕКТЕЛБЕЙ, СПОРТКО ДА ҮНДӨЙТ
Мультсериалдын ачылыш аземинде анын алты бөлүмүн көрүүгө жетиштик. Мында телефондон оюн ойноп отурган Акылбекке Билимбек жинденип, «оюндан көрө билим алууга аракет кыл» дейт. Билимбек Акылбекти ээрчитип, телефондогу кызматтар жөнүндө, тактап айтканда, ЖПС навигатору багытты көрсөтөрүн, сүрөткө, видеого тартууга болорун жана аны дароо интернетке жүктөө мүмкүнчүлүгү бар экенин көрсөтүп берет. Кыскасы, мультфильмдин 4 мүнөттүк бөлүмүндө уюлдук телефондогу интернеттин жардамы менен дүйнөнү кезип, билимди кеңейтүүгө болору чагылдырылган. Соңунда каармандар эртеден кечке телефонду тиктеп отура бербей, эс алып, денени чыңдоо үчүн спортко да көңүл бурууга үндөшөт.
Мультсериал республикабыздын жалпы калкына ноябрь айынын аягынан тарта жергиликтүү телеканалдар, социалдык тармактар жана компаниянын расмий сайтындагы видеогалерея аркылуу көрсөтүлөт. Ошондой эле мультфильмдин алгачкы бөлүгүн бул жерден көрүүгө болот.

Акылбек менен Билимбек көпчүлүккө кызык болгон суроолорго жооп издеп жатышкан учурлар. Мультфильмде Баткенде гана өсүүчү айгүл гүлү тууралуу да маалымат камтылган.


Кубаныч Сыдыков



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(3)
25.11.2014. 00:18 
Тайпасы:
Жаран
Комментарийлердин саны:
103
Катталган:
30-04-2013
Соӊку аракети:
16-11-2019 03:32
Жынысы:
Белгисиз
0
Bul dagy bolso MegaCom ozun jarnamaloo. Birok choon ish jasalgan eken...
04.06.2015. 15:06 
Тайпасы:
Жаран
Комментарийлердин саны:
32
Катталган:
15-01-2015
Соӊку аракети:
13-08-2019 21:54
Жынысы:
Белгисиз
0
видеосу барбы
04.06.2015. 15:19 
Тайпасы:
Супермодератор
Комментарийлердин саны:
4721
Катталган:
05-09-2011
Соӊку аракети:
14-11-2019 15:35
Жынысы:
Белгисиз
Калаасы:
SUPER.KG
0
gulnara2014, саламатсызбы!
Албетте, бар: http://www.super.kg/media/?search_term=билимбек&search_author=0&media_search=1&x=0&y=0
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: