«Жылдын супер актрисасы» (Добуш берүү токтотулган)


Альбина Имашова, «Такебай»
52,8% (596)
Мадина Талипбек, «Делбирим»
17,5% (198)
Назбийке Айдарова, «Жамгырдан кийин»
10% (113)
Аделя Кадиева, «Апамды издеп-2»
6,8% (77)
Асема Токтобекова, «Такебай»
6,8% (77)
Шахзода Матчанова, «Мурас»
3,9% (44)
Тынара Абдразаева, «Мурас»
2,1% (24)

Жалпы добуш (1129)


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Рустам Маманов, Жогорку Кеңештин экинчи чакырылышынын депутаты, коомдук ишмер:«УЛУТТУК ОРНАМЕНТ ТҮШҮРҮЛГӨН ФОРМА ОКУУЧУЛАРГА ДУХ БЕРЕТ»

№601 09-май-15-май, 2014-ж


«Улутубузга биз күйбөсөк ким күйөт?» деп элибиз үчүн бир топ алгылыктуу иштерди жасаганга үлгүргөн коомдук ишмер Рустам Маманов учурда мектеп окуучуларына улуттук орнамент түшүрүлгөн бирдиктүү форма тандоо үчүн сынак жарыялаган. «Эмне үчүн маараке, той-топурларда өз бийибизди бийлебей, башка улуттардын бийин бийлейбиз? Өзүбүздүн улуттук бийлерибизге деле келиштире бийлесек болот го» деп кейиген каарманыбыз менен маек курдук.

– Азыркы мезгилде көпчүлүктүн көңүл борборунда болуп жаткан «Улут жүзү» долбоору тууралуу кененирээк маалымат берип кетсеңиз...
–«Улут жүзү» бир жолу гана айтылып кала турган нерсе эмес, келечек муун үчүн иштей турган мамлекеттик маанидеги чоң долбоор. Анда 5 тармактуу маселелер камтылган. Биз бул иш-чаралардын ичине мамлекеттин идеологиясын камтууга аракет кылдык. Азыркы учурда бардык жоопкерчиликти жалгыз эле мамлекеттин моюнуна илип коюу туура эмес. Ата-эненин балдарына берген тарбиясы да көп нерсени чечет. Ата-бабаларыбыздын улуу мурас, эпостору, тарыхы, каада-салты менен тарбияланган балдар улуттун келечеги деп ойлойм.
«Улут жүзү» долбоорундагы биринчи басым мектеп курагындагы балдарга жасалган. Мен көптөн бери массалык маалымат каражаттарынан тынбай айтып келе жатам, «окуучуларга бирдей форма кийгизүү зарыл» деп. Эң негизгиси, ал формада сөзсүз улутубуздун белгиси, мындайча айтканда, эмблемасы катары кыргыз элинин оймо-чиймеси, заманбап тилде айта турган болсок, орнаменти болуусу кажет. Бул маселени чечүү үчүн биз тарыхты аңтарган, санжыра-эпосторубуздан баштап ар бир оймо, орнаменттин маани-маңызын билген адамдарыбыз менен чогуу-чаран отуруп кеңешип-кесип, бир жыйынтыкка келүүбүз абзел. Аталган форма биздин ар бир жараныбыздын капчыгына күч келбей тургандай болуп, ошол эле учурда сапаттуу болуусу зарыл.

– «Улут жүзү» долбоору качан түптөлгөн жана бул долбоорду ишке ашыруу үчүн кайсы мекемелер менен биргеликте иш алып баруудасыздар?
– «Улут жүзү» долбоору 2010-жылы түптөлүп, 2011-жылы Кыргыз Республикасынын мамлекеттик интеллектуалдык менчик кызматынан, мындайча айтканда, кыргыз патенттен патент алган. Өткөн жылдын июль айында президент Алмазбек Атамбаев өлкөдөгү бардык мектептер бирдей формага өтүшүн колдоп бул маселени мыйзам аркылуу бекиткен. Азыркы учурда биз Билим берүү, Саламаттыкты сактоо министрликтери жана мыкты дизайнерлер менен биргелешип иш алып баруудабыз. Ошондой эле мыкты үлгүдөгү бирдиктүү формаларга ээ болуш үчүн дизайнерлер үчүн сынак жарыялаганбыз.

– Бул сынактын жыйынтыгы качан чыгат жана сынакка катышуучу дизайнерлерге коюлуучу талаптар жөнүндө айта кетсеңиз?..
– Сынактын жыйынтыгына 10-майда «Хаят» мейманканасында күбө болобуз. Бул долбоорго катышып өз дареметин сынап көрөбүз деген дизайнерлердин саны азыркы учурда жүздөн ашты. Сынак так жана калыс өтүүсү үчүн калыстар тобу эл өкүлдөрүнөн, Саламаттыкты сактоо министрлигинен, белгилүү дизайнерлерден, президенттин жана өкмөттүн аппаратынан турат. Ушул адамдардын жардамы менен сынакка катышкан дизайнерлердин мыкты үлгүлөрү тандалып алынат. Сынактын жеңүүчүлөрү деп табылган 5 дизайнер мектеп формаларынын ар кандай үлгүсүн коомчулукка сунуш этишет.
Негизинен, биздин чеберлер 1-4-класстын окуучуларына, 5-8-класстын окуучуларына жана 9-11-класстын окуучуларына, ошондой эле мугалимдерге арналган атайын заманбап, кыргыздын орнаменти түшүрүлгөн формаларды тигишет. Мына ошол чеберлердин колунан иштелип чыккан бирдиктүү формалар элдин сынына коюлуп, СМС-добуш берүү менен 10-майдан 1-июнга чейинки аралыкта арасынан мыктысы тандалып алынат. Дизайнерлер жаратуучу формаларга кетүүчү чыгымды толугу менен өзүм каржылоодомун. Жалпы фонду 5 миллион сомду түзөт.
Бирдиктүү формалар негизинен нукура, жумшак, денеге жагымдуу, жаш жеткинчектердин кыймыл-аракетине ыңгайлуу жана көзгө толумдуу болуп тигилүүсүн талап кылуудабыз. Анан сөзсүз мен жогоруда да баса белгилеп кеттим, бул формаларда кыргыз элине тиешелүү орнамент болуусу кажет. Себеби бул биздин келечек муунга өзгөчө дем берет деп ойлойбуз.

– Сизди жакында «Кыргыз бий күнү» деген аталыштагы эл аралык бий фестивалын өткөрөт деп уктук. Мына ушул фестивал боюнча да кененирээк маалымат бере кетсеңиз...
– Ар кандай мааракелерде, той-топур, жакшылыктарда башка улуттардын ырлары коштогон бийлерге түшүп жаткан агай-эже, ини-карындаштарыбызды көрүп, «Эмне үчүн биз, кыргыздар, ушундай улуу руханий мурастардын уюткусу болуп туруп өз ырларыбыздын коштоосунда өз элибизге таандык бийге түшпөйбүз?» деген суроо жан дүйнөмдү өйүй берчү. Иш сапарларыма байланыштуу чет өлкөгө көп чыгам. Кайда барбайын, кайсы өлкөдө болбоюн кыргыз элине таандык өзгөчөлүктөрдү издей берем.
Эсимде, бир жолу Кытайга барып, ошол жерден кыргызча ырдап, нукура кыргызча бийлеп жаткан боордошторубузду көрүп аябай сыймыктандым. «Көрсө, өз ырыбызга деле келиштире бийлесе болот турбайбы» деп ойлодум. Биз элибиз түшүнбөгөн, маданиятыбызга таптакыр жат болгон музыкаларга бийлеп, ырлардын мазмунуна маани бербей келебиз. Бийдин да өзүнүн маданияты болот. Башка улуттардын бийлерин карап туруп «биздин улуттун жүзү болгон бийибиз барбы?» деген суроо жүрөгүндө мекенчилдик сезимдер күйүп турган ар бир эле кыргыз атуулунда пайда болсо керек. Бирок элибиздин өзгөчөлүгүн, нукуралуулугун чагылдырып, ошол эле учурда жалпы элге бирдей жаккан кыймыл-аракеттерден турган бийди табуу жана ал бийдин маани-маңызын, өзгөчөлүгүн элге чечмелеп, түшүндүрүп жеткирүү көп түйшүктү талап кылары баарыбызга эле белгилүү. «Бул нерсе көп түйшүктү талап кылат же болбосо көптөгөн кыйынчылыктар бар» деп карап отура берсек, биз үчүн, кыргыз улуту үчүн кыргыз элине таандык бийди эч ким, эч качан заманга ылайык иштеп чыгып бербейт. Тескерисинче, жаштарыбыз элибизге таандык өзгөчөлүктөрдөн четтеп, башка элдин музыкаларына ыктап, бөтөн элдин бийлерине бийлөөнү салтка айландырып алышары толук мүмкүн. Бүгүн өз улутубуздун маданиятын, тарыхын, каада-салт, үрп-адатын унутта калтырып, эртең кыргыз эли үчүн күйгөн мекенчил жаштарды тарбиялай алабызбы? Кеп мына ушунда жатат. Келечек муун үчүн элибиздин руханий мурастарын асабадай желбиретип, бийик кармап жол көрсөтүп, «улуттун уңгулары ата-бабалар болсо, эртеңки келечеги силерсиңер» деп үйрөтүшүбүз зарыл.
Кылым карытып жашап келе жаткан маданиятыбызга тиешелүү деңгээлде көңүл бурбай жүрүп, бүгүн ата-бабалар бийлеп келген, нукура кыргыздын кыймыл-аракетин камтыган бийибизди тарых барактарынан, эл ичинен, алтын казынада сакталып калган кинолорубуздан издөөгө туура келүүдө.

– Фестивалдын жыйынтыгы качан чыгат жана анын өзгөчөлүктөрүнө токтоло кетсеңиз...
– Бул сынак биздин өнөр адамдарыбыздын ортосунда жүрүп, жалпы фонду
5 миллион сомду түзүп, жыйынтыгы 31-августта чыгып, байге тапшыруу аземи 15-сентябрда болот. Ушул күндү «Кыргыз бий күнү» деп атап, ар жыл сайын бул саамалык белгиленип турмакчы. Керектүү документтер топтолуп, тиешелүү мекемелерге тапшырылды. Ар бир улуттун руханий маданиятынын жүзү болгон, каада-салтынан, үрп-адатынан, бабаларынын баскан жолунан, тарыхынан кабар берген өзүнө таандык бийи бар. Мисалга кавказ элинин лезгинка, өзбек элинин Андижан полкасы сыяктуу бир нече бийлерин атоого болот.
Улуттук бий сынагын уюштуруунун максаты – кыргыз элинин нукура жүзүн чагылдырган бийди замандын талабына ылайык иштеп чыгуу. Бул долбоор руханий байлыктардын көрөңгөлүү уюткусу болгон улуттук маданиятыбызды өнүктүрүүгө өзгөчө салым кошуп, өнөр сересиндеги чыгармачыл адамдарга, жаш таланттарга дем-күч берип, ар тараптан колдоо көрсөтүп, улуттук баалуулуктарыбызды жайылтууга жана жаштарды патриоттуулукка үндөйт деген ойдомун.
Келин алып, кыз берүүдө же маараке, той-топурларда өзүбүздүн улуттук бийибизди бийлөө кимге жакпасын? Сынакта бир гана нерсеге басым жасалбастан, улуттук бий композициясына, улуттук бий музыкасына (аранжировка) жана ырдын сөзүнө (текстке) атайын баалуу байгелер каралган.

– Мындай мамлекеттик деңгээлдеги ири долбоорлорду жалгыз ишке ашыруу көптөгөн кыйынчылыктарды жаратса керек?..
– Мен жалгыз эмесмин, мени руханий маданиятыбызга, жаштардын келечегине кайдигер карабаган көптөгөн мекендештерибиз ар тараптан, моралдык жактан колдоп келишүүдө. Эгерде биз жеке көйгөйлөрүбүз менен алек болуп майдалана берсек, анда келечек муундун, өлкө тагдырын тобокелдикке салган болобуз. Ооба, бул долбоорду ишке ашырууда көптөгөн кыйынчылыктар, ошону менен бирге колдоолорго да туш болуудамын. Менин оюмча, биздин келечек муундун өкүлдөрү кие турган кыргыз элинин орнаменти түшүрүлгөн формалар окуучуларыбызга өзгөчө улуттук дух берип, аларды мекенчилдикке чакырып, патриоттуулукка тарбиялайт деп ойлойм.

Ибрагим Жусуев



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
13.05.2014. 10:22 
Тайпасы:
Кыймылы жок
Комментарийлердин саны:
105
Катталган:
11-04-2013
Соӊку аракети:
27-05-2014 12:47
Жынысы:
Белгисиз
0
Кыргыз учун куйгон Ноокаттык байкемго. Жасаган иштеринизге ийгилик
13.05.2014. 15:27 
Тайпасы:
Жаран
Комментарийлердин саны:
172
Катталган:
16-06-2012
Соӊку аракети:
15-05-2018 11:03
Жынысы:
Белгисиз
Калаасы:
Сахалин
0
Баракелде! Ишинизге ийгилик!
14.05.2014. 09:26 
Тайпасы:
Кыймылы жок
Комментарийлердин саны:
3
Катталган:
30-04-2014
Соӊку аракети:
11-12-2016 14:35
Жынысы:
Белгисиз
0
Азаматсыз!кээ бир байлардай акчасын жеке кызыкчылыгына жумшабай копчулук жакшылыктарга спонсор болуп келес.
14.05.2014. 18:42 
Тайпасы:
Жаран
Комментарийлердин саны:
146
Катталган:
26-08-2011
Соӊку аракети:
10-05-2019 23:12
Жынысы:
Белгисиз
Калаасы:
Ош
0
Рустам мырза ишинизге ийгилик!
19.05.2014. 10:09 
Тайпасы:
Кыймылы жок
Комментарийлердин саны:
378
Катталган:
23-12-2013
Соӊку аракети:
03-12-2016 23:41
Жынысы:
Белгисиз
0
Кокжардын мырзасы, айылда ел ото сыйлайт,
19.05.2014. 12:36 
Тайпасы:
Жаран
Комментарийлердин саны:
151
Катталган:
31-03-2012
Соӊку аракети:
24-06-2018 01:00
Жынысы:
Белгисиз
0
Мурунку мектеп формасындай сапатсыз, кымбат, анан кимдир бироонун кызыкчылыгын коздогон форма болуп калбайбы, себеби класс жетекчилер жана мектеп директорлору эмнеге форма сатылбай жатат деп РайОНОдон коп согуш угуп калышкан, себеби сапатсыздыгынан улам ата-энелер алып беруудон
баш тартышкан.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23318;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: