Архив
897   898   899   900   901   902   903   904   905   906   907   908  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«Өнүгүү» фонду:БАЛДАР – КЕЛЕЧЕККЕ ЭҢ МЫКТЫ ИНВЕСТИЦИЯ

№591 28-февраль-06-март, 2014-ж


«Өнүгүү» коомдук фондунун түзүлгөнүнө жарым жылдан аз убакыт өтсө да, учурда ал өз ишмердүүлүгү, жаш муундарга болгон камкордугу менен белгилүү боло баштаган маалы. Фонддун негизги максаты – маданият жана искусствонун жаш ишмерлерине, жаш окумуштууларга жана педагогдорго колдоо көрсөтүү, жаш муундарга үлгү болуп, позитивдүү өнүгүү жолун көрсөтүү. Ошондой эле фонддун ишмердүүлүгүнүн дагы бир багыты – балдардын сапаттуу билим алуусу, алардын чеберчилигин өркүндөтүү болуп эсептелет. Алдыга коюлган ушул максаттарды ишке ашыруу үчүн «Өнүгүү» коомдук фондусу өз долбоорлорун жүзөгө ашыра баштап, азыр да жаңыларын ишке киргизүүнүн алдында турат.
Жакында эле, 22-февраль күнү «Сейтек» республикалык балдар борборунда «Өнүгүү» коомдук фондунун жардамы менен «Чолпон» элдик бий тобунун концерти болуп өттү. Иш-чара Кыргыз мамлекеттүүлүгүн бекемдөө жылына арналып, «Балажан» республикалык окуу-усулдук-эстетикалык тарбия борбору тарабынан уюштурулган.
Концертке бала бакча курагынан тартып, жогорку класстын мектеп окуучулары катышышты. Залдагы жүздөгөн көрүүчүлөр жаш балдардын чын жүрөктөн аракеттенип көрсөткөн бий чеберчилигине суктанып, ысык дем берип, терең толкундоо менен кол чаап отурушту. Көрүүчүлөрдүн айрымдары сахнадагы кичине балдардын чеберчилигинен улам жүрөктөрү мээримге толуп, көздөрүнөн жаш акканы байкалып турду.
«Өнүгүү» коомдук фондунун негиздөөчүсү, «Өнүгүү-Прогресс» саясий партиясынын лидери, Жогорку Кеңештин депутаты Бакыт Төрөбаевдин баамында, келечек муундарга азыртадан камкордук көрүлүп, жаш балдардын ар тараптуу өнүккөн инсан болушуна шарт түзүп берүү зарыл.
«Учурда Кыргызстандын 5 жарым миллиондон ашуун эли болсо, анын 2 миллиондон ашууну 18 жашка чейинки балдар жана кыздар. Биздин өлкөбүздүн келечеги кең. Биз балдарыбызга кандай камкордук көрсөк, өлкөбүздүн келечеги ошого байланыштуу болот»,- деп эсептейт Бакыт Төрөбаев.
«Мен кесибим боюнча экономист-өндүрүшчү болгондуктан айтар элем, балдар – келечекке болгон эң мыкты инвестиция. Бүгүн бөбөктөрүбүз жаңы ачылган гүлдөй болуп жадырап-жайнап турса, эртең алар аттуу-баштуу инсан болуп, Кыргызстан мамлекеттүүлүгүн бекемдөөгө өз салымын салган, сыймыктанууга татыктуу атуулдардан болорунда шек жок»,- деп корутундулады Бакыт Төрөбаев.
Ошондой эле 22-февраль күнү Чүй облусундагы «дунгандардын ордосу» аталган Александровка айылында кыргыз тилин окутуу курстарынын биринчи бүтүрүүчүлөрүн куттуктоо аземи болуп өттү. Аталган окуу курстары «Өнүгүү» коомдук фонду тарабынан негизделген.
«Айылыбыздын көпчүлүгүн дунган улутундагылар түзөт, тургундардын 90 пайызы кыргыз тилин билишпейт же начар сүйлөшөт. Биздин жана балдарыбыздын бакубат келечеги үчүн мамлекеттик тилди билүү – зарыл иш»,- дейт Александровка айыл өкмөтүнүн башчысы Шамиль Сушанло.
Александровка айылындагы кыргыз тилин окутуу курстары: баштапкы жана улантуучу болуп эки топтон турат. Алар бери жагы дегенде 40 адамды камтыйт. «Өнүгүү» коомдук фондунан билдиришкендей, алдыда дагы ушул сымал курстарды Токмок шаарында жана Милянфан айылында уюштуруу максаттары бар.
«Өнүгүү» фонду өз аракеттерин жаш студенттерге да көрсөткөн камкордугу менен улайт. Ага кошулган салым аз эмес. «Өнүгүү-Прогресс» саясий партиясынын программалык негизги максаттарынын ичинде келечек муундар дени сак, билимдүү жана көп тил билген, ар тараптуу өнүккөн жаштардан болуусун көздөйт.
2013-жылы дээрлик негизделери менен ноябрь айында фонд тарабынан «Кыргызстан тарыхы сүрөттөрдө» аттуу сынак уюштурулуп, бир айдан соң жыйынтыгы чыгарылган. Ага Бишкектеги жогорку жана орто окуу жайларынын жана Чуйков атындагы көркөм-сүрөт окуу жайынын студенттери катышышкан. Сынактын жыйынтыгы менен жеңүүчүлөрдүн эмгектеринин жыйындысы түстүү журнал кылып чыгарылды. Журнал бетинде Кыргызстандын маданий жана улуттук каада-салттарын кастарлап сактоо жана даңктоо максаты каралган. Жеңүүчүлөргө акчалай сыйлыктар ыйгарылган.
Дагы айта кетчү нерсе, «Өнүгүү» фонду түзүлөрү менен эле бир катар маанилүү, интерактивдүү семинарларды жаштар, студенттер үчүн уюштуруп, аларды ийгиликтүү өткөрүүгө үлгүргөн.
Мисалы, фонддун билим берүү долбоорунун алкагында Бишкек шаарында «Кантип лидер болуу керек?», «Оратордук чеберчилик», «Бизнести кантип баштоо керек?» деген темаларда интерактивдүү семинарлар өткөрүлгөн. Аларга 300дөн ашуун жаштар катышкан. Семинарлардан билим алган атуулдар фонддун уюштуруучуларына ыраазычылыгын билдирип келишүүдө.
«Өнүгүү» фонду жаштар арасында, алардын социалдык активдүүлүгүн арттыруу, жаштардын ар тараптуу мыкты жетилүүсүн камсыз кылуу максатында кийинки жылдары да бир катар долбоорлорду ишке ашырууну пландоодо.
«Өлкөбүз акыркы жылдары өз тарыхындагы татаал мезгилди кечирүүдө. Ошондуктан биз, келечек муундар, кандай тарбия көрүп жетилерин, жаштар кандай адамдарга айланарын бүгүнтөн баштап ойлонушубуз керек. Улуулар кичүүлөр үчүн өз камкордугун, жардамын аябашы керек. Анткени классикалык жазуучунун сөзү менен айтканда, эртеңки күн бүгүн башталууда»,- деп эсептейт «Өнүгүү» фондунун негиздөөчүсү, Жогорку Кеңештин депутаты Бакыт Төрөбаев.

Айзатбек Асанкул уулу



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
03.03.2014. 11:03 
Тайпасы:
Кыймылы жок
Комментарийлердин саны:
100
Катталган:
13-01-2014
Соӊку аракети:
20-04-2017 08:59
Жынысы:
Белгисиз
0
Иштериниздерге ийгилик!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23792;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: