«Жылдын супер дебюту»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«ЖАШТАР БАНКЫ» ЭЛГЕ ЗОР ПАЙДА КЕЛТИРҮҮДӨ

№574 01-ноябрь-07-ноябрь, 2013-ж


Бул жолку сапарыбыз учурда калктын көңүл чордонунда болуп жаткан Ысык-Көл аймагында иш алып барган Борбор Азиядагы Евразия Фонду (БАЕФ) тарабынан түзүлгөн «Жаштар банкына» багытталды. Аталган фонд жана «Жаштар банкы» «Кумтөр» каржылаган көптөгөн долбоорлордун алгачкы жеңүүчүлөрүн аныктады. Сөз ишке ашып жаткан долбоорлор жана «Жаштар банкы» жөнүндө болмокчу.

«ЖАШТАР БАНКЫ» БУЛ – ИДЕЯЛАР БАНКЫ
ВИТАЛИЙ КАТАРГИН, БАЕФтин коомчулук менен байланышуу боюнча адиси:
– Биздин фонд 2005-жылы Кыргызстан, Тажикстан, Казакстан өлкөлөрүнүн аймагында ачылган. Коомдук фонд болгондуктан, негизги багытыбыз жергиликтүү уюмдарга көмөк көрсөтүү болуп эсептелет. Ал үчүн атайын бир нече программалар иштелип чыккан. Алардын бири – жаштардын демилгелерин колдоо. Дал ушул багыттын негизинде 2012-жылы «Кумтөр» компаниясынын каржылоосу менен Ысык-Көл аймагында «Жаштар банкы» деген аталышта долбоор негизделди. «Жаштар банкы» бул – акча чогултуучу жай эмес, идея чогултуучу жай, жаштар комитети деп койсок да болот.
Учурда Ысык-Көл аймагы боюнча мындай комитеттен алтоо ачылып, комитеттин мүчөлөрү дайындалган. Шартка ылайык комитетке мүчө болуп катталуу үчүн талапкерлердин жашы 14төн жогору болуп 28ден ашпашы керек, ошондой эле ошол аймактын тургуну болуусу тийиш. Анткени алар өздөрү жашаган айыл же шаар элинин муктаждыгын жакындан билишет. Мүчөлөр дайындалган соң муктаждыктарын так көрсөткөн жана жалпы суммасы 1000 доллардан ашпаган долбоорлорду кабыл алып, алардын ичинен эң керектүү дегендерди аныктап беришти. Долбоорлор саясий жана коммерциялык өңүттө болбошу керек. Элге социалдык жактан көмөк боло турган долбоорлор гана кабыл алынды.
Бүгүн Балыкчы шаарында мына ошол долбоорлордун биринчи этабынын алгачкы жеңүүчүлөрү «Кумтөр» компаниясынын каржылоосунун негизинде БАЕФ тарабынан ишке ашырылып отурат. Эртең, бүрсүгүнү Ысык-Көл облусун бүт кыдырып, жеңүүчү деп табылган долбоорлорду толук каржылап чыгууну көздөп турабыз.

БАЛЫКЧЫ ШААРЫ
Уюштуруучулар менен таанышкан соң алар менен чогуу долбоордун жеңүүчүлөрүнө бет алдык. Алгач Балыкчы шаардык спорт мектебине зарыл болгон жабдыктарды алып барышты. Аталган мектептин бий боюнча машыктыруучусу, «Кватро» бий тобунун жетекчиси МАРИЯ КУЛИШ ыраазычылыгын биз менен бөлүшө кетти:


– Кандай гана шаардык иш-чара болбосун биз сөзсүз катышабыз. Көнүгүүлөрдү жасоодо спорт залда төшөлүүчү мат (жумшак килем) жок болгондуктан, балдар денелерин кокустатып алган учурлар кездешчү. Бүгүн бул муктаждыгыбыз жоюлуп отурат. Бул үчүн «Жаштар банкына», БАЕФке жана долбоорду каржылап жаткан алтын кен казуучу компанияга ыраазычылык билдиргим келет.

Мындан тышкары Балыкчы боюнча дагы беш долбоордун ишке ашырылгандыгына күбө боло алдык. Алар:

  • «Жарнама үчүн щиттер» долбоорунун алкагында төрт щит колдонууга берилди;
  • «Таштанды үчүн урналар» долбоору боюнча жыйырма урна орнотулду;
  • «Kg smile» КВН командасына форма жана баннерлер даярдалып, тапшырылды;
  • «Жумуш издеген жаштардын клубу» керектүү эмеректер менен камсыздалды;
  • «Жаш таланттарды колдоо» боюнча долбоорго жаңы костюмдар берилди.

БӨКӨНБАЕВ АЙЫЛЫ
Андан соң Бөкөнбаев айылына жол тарттык. Айыл өкмөттүн имаратынын ичинде эл чогулуп, бизди күтүп жатышыптыр. Алар «2013-окуу жылга даярдык» долбоорунун алкагында жаңы мектеп формаларын алчулар болуп чыкты. «Мен мал доктур болуп иштейм. Кесибиме байланыштуу ар бир үйгө кирип-чыгып малдарын дарылоого туура келет. Айрым аз камсыз болгон үй-бүлөлөрдүн балдарын көрүп ичим ачышып калчу. Анткени көбүнүн окуу куралдары, мектепке кийгенге формасы жок. Долбоордун алкагында 2500 долларга бааланган формалар алынып келди» деди долбоордун автору Арстанбек Кабыл уулу.

Жаңы формага ээ болгон балдардын кубанычында чек жок.

Андан тышкары:

  • «Тоң районунун тургундары үчүн маалымат борбору» – бекер интернет, компьютер жабдыктары коюлду;
  • «Сергек жашоо үчүн жеткинчектер арасында спортту өнүктүрүү» – Ж.Бөкөнбаев атындагы орто мектептин окуучуларына спорттук форма тапшырылды;
  • «Мол түшүм алуу үчүн арыктарды оңдоп-түзөө» – Бөкөнбаев айылынын үч көчөсүндө арыктарды калыбына келтирүү иштери жүргүзүлдү;
  • «Пандус» – Күн-Чыгыш айыл өкмөтүнүн кире беришине ден соолугунун мүмкүнчүлүгү чектелген адамдар үчүн пандус орнотулду;
  • «Кагаз – таштанды эмес» – макулатура чогултуу үчүн урналар орнотулду;
  • «Жумушсуздук – жаштарга шылтоо эмес» – жаштарды кол өнөрчүлүккө, кайыш менен иштөөгө үйрөтүү иштери бекер өткөзүлдү.

ТАМГА АЙЫЛ ӨКМӨТҮ
Тамга айылына барганда алгач «Атам, апам жана мен – спорттук үй-бүлө» долбоорунун негизинде мектептин спорт залына спорттук шаймандар жеткизилди. Айылдын орто мектебинин директору ТАМАРА САМИЕВА өз сөзүндө «Буга чейин балдарга дене тарбия сабагы мугалимдин жөндөмү менен гана өткөрүлүп келген. Заманбап сабак өтүү үчүн керектүү шарт талап кылынып, ушул долбоор жазылды» деп айтып өттү.

Долбоордун авторлору Алия менен Айдана спорт шаймандарына көз чаптырышууда.

Жеңүүчү болгон калган 11 долбоор:

  • «Балдардын ойноо аянтчасы» – балдар үчүн оюн аттракциондору орнотулду;
  • «Сергек денеде, сергек ой жүгүртүү» – «Кызгалдак» бий тобуна 10 даана мат тапшырылды;
  • «Маалымат тактасы» – көчөлөргө маалымат текчелери орнотулду;
  • «Көпүрөлөрдү оңдоо» – Тамга айылындагы көпүрөлөрдү оңдоп-түзөө иштери жүргүзүлдү;
  • «Көл жээкке таштанды салуучу жана кийинип-чечинүүчү жайларды орнотуу» – таштанды салуучу челектер жана кийинип-чечинүүчү жайлар орнотулду;
  • «Биздин жээк – таза жээк» – жээктер камыштан, чөптөрдөн тазаланып, дааратканалар орнотулду;
  • «Таза көл – таза коом» – Тосор айылынын көл жээктерине таштанды салуучу челектер жана кийинип-чечинүүчү жайлар орнотулду;
  • «Көпүрөлөрдү оңдоо» – Тосор айылынын көпүрөлөрү оңдолуп, калыбына келтирилди;
  • «Кичи футбол аянтчасы» – футбол аянтчасына майда таш түшүрүлдү;
  • «Катуу сүйлөгүч орнотуу» – катуу сүйлөгүч (громкоговоритель) орнотулду;
  • «Футбол-Тамга» – Жасалма газон төшөө иштери жүргүзүлдү.

КЫЗЫЛ-СУУЛУКТАРДЫН ОЛЖОСУ
Жети-Өгүз райондук борборлоштурулган китепканалар тармагына киргенде ал жердеги китеп сүйүүчүлөрдүн көптүгү жагымдуу таң калтырды. Өз сөзүндө китепкана жетекчиси МАКСАТКҮЛ ОКЕНОВА буларды айтып өттү:

Китепканага жалпысынан 130 жаңы китеп тапшырылды.

– Бүгүнкү күндө биздин китепканада 37 миң даана китеп бар, анын көпчүлүгү эскирип калды. Бизге жаңы китептер керек болгондуктан, окурмандарыбыз китепкананын кызматкери Гүлназ Апылова менен биргелешип бул долбоорду жазышкан. Долбоор «Илимсиз ийгилик жок, билимсиз бийиктик жок» деп аталат. Бүгүн жаңы китептер келерин угуп сүйүнүп турабыз.

Мындан тышкары ишке ашырылган долбоорлор:

  • «Тазалоочу жабдык» – балдар үйүнө кир жуугуч машина, суу жылыткыч орнотулду;
  • «Бильярд спортун өнүктүрүү» – бильярд столу сатылып алынды;
  • «Кардарларды тейлөө» – борбордук архивге кардарларды тейлөө үчүн бөлмө ачылды;
  • «Спорт шаймандары» – В.И.Ленин атындагы орто мектепке спорттук шаймандар берилди;
  • «Улуттук кийимдер» – маданий иш-чараларга катышуу үчүн жаштарга улуттук кийимдер тигилди.

КАРАКОЛ ШААРЫ
Караколдун да жаштары долбоор жазышып, бир топ олжолуу болуп отурушат. Алардын аттарын гана атап өтүү жетиштүү болор.

  • «Көпүрө куруу боюнча долбоор» – көпүрө куруу, оңдоп-түзөө иштери жүргүзүлгөн;
  • «Сулуулук дүйнөнү сактап калат» – 10 адам чач кыркуу, визаж жасоо боюнча бекер билим алышты;
  • «Биримдик жана достук үчүн спорт» – сергек жашоону жайылтуу үчүн 6 команда арасында футбол боюнча спартакиада өттү;
  • «Биз таза шаар үчүн! Биз экобаштыктар үчүн!» – желим бөтөлкөлөрдү жана кагаздарды чүпүрөк, экобаштыктарга алмаштыруу жана желимдин зыяны туурасында түшүндүрүү иштери жүргүзүлдү. Желимдер сатылып, акчасы «Ирада» балдар үйүнө жардам катары тапшырылды;
  • «Таза көчө – таза шаар» – көчө боюна орнотулган отургучтар калыбына келтирилди.

ТҮП РАЙОНУ

Түп районундагы «Жаштар банкы» ишке ашырган долбоорлор төмөнкүлөр:

  • «Айылдын ичин жарык менен камсыздандыруу» – Түп айылынын борбору, борбордук сейил бак жарык менен камсыздандырылды;
  • «Спорт аянтчасын жарык менен камсыздандыруу» – В.Кайкин атындагы орто мектептин спорттук аянтчасы жарык менен камсыз болду;
  • «Айылдын ичин тазалоо» – борбордук аянтчага таштанды салуучу челектер орнотулду;
  • «Спорт жабдуулары менен камсыздоо» – Түп айылынын эки мектебине спорттук жабдуулар берилди;
  • «Оюнчук менен камсыз кылуу» – Түп айылынын эки бала бакчасы жаңы оюнчуктарга ээ болушту;
  • «Түп спорт чеберлерине бир өңчөй форма» – спорттук формалар берилди;
  • «Балдар ойноочу аянтча» – балдар ойноочу аянтча курулду;
  • «Күрөш, бокс залдарынын терезелерин пластиктен жасоо» – спорт залга пластик терезелер орнотулду;
  • «Велоспортту өнүктүрүү» – Түп айылында велосипедчилердин клубу түзүлдү.
  • «Жаштар банкы» чынында эл-жер, жаштар үчүн эбегейсиз пайда алып келип жатканына күбө болдук. Мындай иштер башка аймактарда да өткөрүлсө, демөөрчүлөр табылса экен деп келдик.

Салтанат Мукасова
Влад Ушаков



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: