реклама
Архив
944   945  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Икрамидин Айткулов, адвокат:«ТАНАЕВ, ЧУДИНОВ, САРИЕВ, ТАШИЕВГЕ АДВОКАТТЫК КЫЛДЫМ»

№560 26-июль-1-август, 2013-ж


Акыркы учурда жаңылыктар төрүн түрдүү соттук процесстер ээлеп жатат. Андай ызы-чуулуу окуялардын ичинен жактоочу Икрамидин Айткуловду байкабай коюу мүмкүн эмес. Кыргызстандын учурдагы атактуу адвокаты атыккан каарманыбыздын жашоосундагы өйдө-төмөндөр менен кызыктары назарыңызда.

КЫСКАЧА МААЛЫМАТ

Айткулов Икрамидин Назирович

  • 1956-жылы 10-сентябрда Ноокат районунун Жал айылында туулган
  • Казань Мамлекеттик университетинин юридикалык факультетин аяктаган
  • Юстициянын полковниги, 15 жыл милицияда иштеген
  • Пенсияга чыккан соң адвокаттыкка өткөн
  • 4 уулдун атасы, 2 небереси бар

КИТЕПТЕН БАШЫН АЛБАГАН БАЛАЛЫК
«Акыл Айга жеткирет, билим көккө жеткирет». Ооба, бул айныгыс чындыкты турмушта ийгиликке жетишкен адамдар тастыктап келет. Алардын катарында бүгүнкү коногубуз да бар. Ал бала кезден эле билим алууну, китеп окууну баарынан жогору коюп келген. «Жадакалса чай ичип отурганда да китеп маңдайымда, окуп тамактанчумун. Көзүм уйкуга кеткенде гана китеп калып кетпесе, башка учурда китептер мени менен болчу. Өзүм көбүрөөк берилип окуганым гуманитардык сабактар эле. Мындан сырткары атам юрист болгондуктан, бул багыттагы китептер үйдө көп эле. Юридикага ошентип жаштайымдан сугарылып калдым окшойт»,- деп ал күндөрдү эскерди каарманыбыз. Мектептеги үлгүлүү окуучу тартиби, жүрүм-туруму боюнча тил угуп көргөн эмес. «Атам өмүр бою прокуратура кызматкери болду. Анын жумушуна байланыштуу туруктуу бир жерде жашаган жокпуз. Ош, Өзгөн шаарларында, Ноокат районунда көчүп-конуп жашадык. Бирок мен мектепти Өзгөндө 3-класстан баштап, ошол жерден бүтүрдүм».

ЭНЕРГЕТИК БОЛМОК
Атасы уулун юридикадан алыс кармагысы келген. Өзү бул тармакта иштегендиктен, «бул көп нерв корото турган кесип, юрист болбо» дечү. Мектепти бүткөндө үй-бүлөдө жыйын болуп, Икрамидин мырзага кесип тандашат. Акыры алар Бишкектеги Политехникалык институттун энергетика факультетине токтолушат. Себеби ал жерде тууганы окутуучу болуп иштечү. «Ал сени карап жүрөт дешти. Бирок менин өзүмдүн бул кесипке барам деген так тандоом жок эле»,- деп эскерет каарманыбыз. Ал жерде бир жыл окугандан кийин адистик боюнча сабактар кошула баштаганда бул кесип жакпай тургандыгын билет. Окууга жумалап барбай, депрессияга кабылып үйдө жатат. Акыры энергетик болуудан баш тартып, чечимин ата-энесине билдирет. «Албетте, алар жөн эле кабыл алышкан жок. Бул окуя талаш-тартыш, ызы-чууга айланды. Алар Оштон Бишкекке бат эле келип калышты, «жок дегенде ушул окууну бүтүр, анан юридикага тапшырасың» дешти. Бирок мен ага макул болгон жокмун. Анан ата-энем деканга киришти. Мени чакырып, декан коркутканга чейин барган. Болбодум, өжөрлөнүп окууну таштадым»,- деп бул үчүн өкүнбөй турганын айтат каарманыбыз. Андан кийин өзүн сынап көрүүнү чечип, «балким, мага жакын сезилгени менен, юридика да жакпай калсачы, байкап көрөйүн» деп Ошко барып, шаардык сотко катчы болуп жумушка орношот. Сот процесстерине катышып, бул майданда кайнай баштаганда гана юрист болушу керектигин толук түшүнөт.

КАЗАНЬ. ТАТАР КЫЗЫ.
Антип-минтип 1975-жылдын жазы келип, Икрамидин мырза аскерге чакырылат. Орусияда кызмат өтөйт. Бир жылдан соң мыйзамдарды, юридикалык терминдерди унута баштаганын байкап, даярдануу керектигин ойлонот. Бүткүл союздук юридика институтунун сырттан даярдоо курсуна тапшырып, алардын китептерин алып даярдана баштайт. Кызматты бүтүрүп келип Бишкектен Орусиянын окуу жайларына юридика факультетине документ тапшырып, сынак берет. Ошол 1977-жылы Кыргызстан үчүн юридика факультетине 2 орун берилсе, экинин бири болуп окууга өтүп, Казань Мамлекеттик окуу жайын көздөй жөнөп калат. «Студенттик күндөр кызыктуу өтүп жатты, бирок бул 2-курска чейин уланды. Анткени мен 2-курста үйлөндүм. Келинчегим татар кызы болгондуктан, ата-энем каршы чыгышты. Мага каражат жагынан жардам бербей калышты, ал тургай сүйлөшпөй да коюшту. Жубайым экөөбүз тең окуйбуз. Каражат табыш үчүн жатаканага короо шыпыргыч болуп жумушка орноштум. Жыл айланып балалуу болдук. Кыйынчылык ошондо башталды. Тун уулум төрөлдү, сабакка кезектешип барып окуп калдык. Бир парага ал барып келет, кийинкисине мен. Биз бара албай калсак, группалаштар бизди жаап-жашырып жардам берип жүрүштү»,- деп ал күндөрдү жылмаюу менен эскерип отурду. Ата-энеси балалуу болгондон кийин «артка кайтпайт тура» деп жаштарды кечирет. 3-курсту аяктап, Ошко келип баланы аларга калтырып кетип, окууну мыкты аяктап келишет. «Мен милиция кызматкери болуп ишке алындым. Дээрлик 15 жыл тергөө органында иштеп, андан соң Улуттук коопсуздук кызматына кирдим. 2004-жылы өз каалоом менен жумуштан кеттим. Ошентип, адвокаттыкка келип калдым»,- дейт эмгек жолун айтып. Бирок ага адвокатурада эки нерсе таптакыр жакпаганын төмөнкүчө чечмеледи: «Биринчиси, соттук процессти күтүү, себеби эч качан айтылган убакытта башталбайт же кетип кала албайсың. Экинчи кемчилиги, эч качан эс алууга чыга албайсың».

Мүмкүнчүлүктөн пайдаланып адвокаттын ишмердүүлүгү, өлкөдөгү сот системиндеги оош-кыйыштар жөнүндө пикирин билдик.

– Жашооңузда жактоочулукту таштап кетүүгө чейин ойлонткон, эң оор, адилетсиз сот чечими болгон беле?
– Чындыгында, «ушундай иште иштегенден көрө...» деп баарына кол шилтеп кете турган учурлар болгон. Мисалы, «Мегакомдун» мурдагы жетекчиси Алмаз Абековго карата козголгон кылмыш ишинде. Тергөө учурунда да мыйзамда жок нерселерди ойлоп таап, айыпталуучуну адвокат менен терезенин артында телефон аркылуу сүйлөшө турган кылып коюшуптур. Бирок мен аларды сотко берип, ошол тосмону алып, телефон аркылуу эмес, маңдай-тескей сүйлөшө турган чечимин чыгарттым. Мыйзам бузуу бул иште ашыкча көп. Ошол эле мурдагы cоциалдык өнүктүрүү министри Равшан Сабировдун ишинде да мүчүлүштүктөр толтура.

– Эгер сыр болбосо, ставкаңыз канча?
– Мен абдан чоң иштерде жактоочулук кылдым. Кардарларым кедей эмес адамдар. Мисалы, Николай Танаевдин, Игорь Чудиновдун, Бермет Акаеванын, Темир Сариев оппозицияда жүргөн кезинде, мурдагы каржы министри Таалайбек Койчумановдун, учурдагы вице-премьер-министр Тайырбек Сарпашевдин бир тууганынын, Учкун Ташбаевдин, Камчыбек Ташиевдин ишинде жактоочулук кылдым. Ал эми баасы, ар кайсы иш ар кандай, анан мынчадан кем эмес же жогору деп айта албайм. Айрым учурда акысыз да жактоочулук кылам. Эгер ал иш мен үчүн абдан кызыгууну жаратса. Ал кедей же бай экенинен көз каранды эмес, менин кесиптик профессионалдуулугумду сынап көрүү максатында.

– Кыргызстанда сот адилеттүүлүгүнө канткенде, качан жетебиз?
– Бул тармакты реформалоо керектиги ар бир бийлик алмашканда айтылат. Бирок эч биринин эрки жетпес болду. Сот системин түп-тамырынан өзгөртүү керек. Мындан сырткары Башкы прокуратураны да тазалоо, иретке келтирүү зарыл. Башкы прокурор Аида Жеңишбековна аял катары сулуу, тыкан кыз. Ал эми профессионал катары өз ишин билбейт деп баалайм, прокуратура түзүмүндө анын башкаруусу астында көптөгөн кемчиликтер кетирилди. Өзгөчө «ата журтчу» үч депутаттын кылмыш ишин козгоодо, тергөөдө өтө көп катачылыктарга жол берилди. Башкы прокуратура мага бирөөнүн буюртмасын аткаргандай сезилет. Мындай систем менен биз эч кандай акыйкаттыкка жете албайбыз.

– Оппозициядагы депутаттарды жактоо коркунуч туудурган жокпу?
– Мен бийликтин оппозициясындагыларды жактоодон коркпойм. Ошондуктан мындай иштерди көбүрөөк алам. Канчалык алган ишим оор болсо, мага ошончолук жагат. Мен кардарларымдын бийликке оппозиция-позиция экенин эске албайм.

Гүлмайрам Сабырбекова
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
29.07.2013. 21:49 
Тайпасы:
Тартип бузгандар
Комментарийлердин саны:
97
Катталган:
08-05-2013
Соӊку аракети:
27-05-2014 22:15
Жынысы:
Белгисиз
0
жакшы киши корунот го
31.07.2013. 15:22 
Тайпасы:
Кыймылы жок
Комментарийлердин саны:
52
Катталган:
17-05-2013
Соӊку аракети:
26-04-2014 19:55
Жынысы:
Белгисиз
0
owo sariev owo tawievderdin ak4asy jok bolso poktu advakatyk kylmak
01.08.2013. 20:48 
Тайпасы:
Тартип бузгандар
Комментарийлердин саны:
140
Катталган:
03-06-2013
Соӊку аракети:
23-01-2015 21:37
Жынысы:
Белгисиз
Калаасы:
Москва
0
ruslanwww, жок силердин акчанар бар деп баш тартыш керек беле ай
01.08.2013. 21:44 
Тайпасы:
Кыймылы жок
Комментарийлердин саны:
104
Катталган:
10-04-2013
Соӊку аракети:
27-05-2020 01:11
Жынысы:
Белгисиз
+1
Жакшы маек болуптур.Башкы прокуратурага айткан сыны туура .
06.08.2013. 01:08 
Тайпасы:
Кыймылы жок
Комментарийлердин саны:
31
Катталган:
01-02-2011
Соӊку аракети:
10-01-2018 09:49
Жынысы:
Белгисиз
0
менда сот болсом на борот акчасы копторду раса чукуйт елем чиркин
18.08.2013. 22:48 
Тайпасы:
Жаран
Комментарийлердин саны:
7
Катталган:
02-08-2011
Соӊку аракети:
11-11-2020 20:15
Жынысы:
Белгисиз
0
CHudinov menen Tanaevdi emnege korgoit uialbaiby alar kyrgyzdy satkan adamar
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25035;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: