Архив
897   898   899   900   901   902   903   904   905   906   907   908  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КЫРГЫЗ СУПЕРМЕНДЕРИ

№549 10-май-16-май, 2013-ж


Кыргыз эли – илгертен кайрымдуу, башына кыйынчылык түшкөн адамга ар дайым колун сунуп келген калк. Тилекке каршы, улутубуздун так ушул жакшы сапаты барган сайын жоголуп бараткандай. Себеби азыр көчөдө өлгөнү жаткан мекендешин көрсө да карабай өтүп кеткендер көп. А балким, көчөдө көбөйгөн селсаяктар менен мастар кайдигерликтин көбөйүүсүнө түрткү болуп жүрбөсүн? Бирок өз оокатын ойлоп, өз көмөчүнө күл тартмай заманда өмүрүн тобокелге салып, тааныбаган эле бирөөгө жардам берген азаматтардан да уучубуз кур эмес экени кубандырат.

«БАЛА ЖАШАЙТ ЭКЕН ДЕП СҮЙҮНҮП КАЛДЫМ»
ЖУНУСБЕК ЖОРОЕВ 2013-жылдын 26-январь күнү өз өмүрүн тобокелге салып, сууга чөгүп бара жаткан 2 жаштагы Абдулла Исмаиловду куткарып калган. Бул эрдиги үчүн ал үстүбүздөгү жылдын 21-февраль күнү Өзгөчө кырдаалдар министрлиги тарабынан «Сууга чөккөндөрдү куткаргандыгы үчүн» медалы менен сыйланган. Каарманыбыз эрдигин төмөнкүдөй баяндайт:
– Ошол күнү Чоң Чүй каналын бойлоп жумуштан келе жаткам. Аңгыча бир аял «сууга кичинекей бала кулап кетти» деп кыйкырып калды. Карасам, аралыгы 20 метрдей экен. Шаштым кете түштү. Жүгүрүп барсам, бала көрүнбөйт. Суунун үстүнөн велосипедин көрүп калдым. Ошол тушка секирдим. Кирип барсам, бала суунун алдында экен, жээкке алып чыктым. Дем ала албайт. Суудан чыкканда апасы чуркап келди. Карматсам, ал да өзүн жоготуп койду. Кайра баланы колума ала коюп, тиземе жаткырып жасалма дем алдырып, көкүрөк тушун укаласам оозунан кан аралашкан суу чыгып, бала ыйлап жиберди. Ыйлагандан кийин өзүм дагы жашайт экен деп кадимкидей сүйүнүп калдым. Бир аздан соң апасы эсине келип, мага ыраазычылыгын айтып,
номеримди жазып калган. Ал ӨКМга чалыптыр, минтип сыйлык беришти.

«КЫРГЫЗ САТЫЛАТ» ДЕГЕН СӨЗГӨ НАМЫСТАНДЫМ"
Мамлекеттен эч кандай сыйлык күтпөй, өзүн «жылаңач баатыр» эсептеген Байышбек Кыйшыковдун да жүрөк жылытарлык иштери бар. Себеби ал чет өлкөдө кор болгон мекендештерибизге дайыма кол сунуп келет:
– Кудам Казакстанда жүрүп бир үйдүн дарбазасында «Кыргыз сатылат» деп жазылып турганын көрүптүр. Мындан тышкары дагы бир айылдашымды казактар 2007-жылы кул кылып алып, араң качып кутулган эле. Ал мага «Казакстанда 100дөй паспорту жок киши тоонун арасында тамеки тизип кул болуп жүрөт» деп айтты. Ушуларды угуп намыстандым. Өзүм куруучу болуп иштесем да, эмгек акымды алып Казакстанга кул болуп сатылып кеткен мекендештеримди издей баштадым. Алгач Токмокко жакын жердеги Казакстандын Кара-Кемер, Отар, Масанчи деген айылдарында эмгек биржасында иштемиш болуп, ал жактагы кул болуп, акчасын ала албай жүргөндөрдү байкаштырып көрдүм. Ошентип жүрүп Отардан Таалайбек деген жигитти, Кара-Кемерден Бакыт деген баланы, Масанчиден Светлана деген аялды кулчулуктан бошоттум. Буларды чек арада иштегендерге, казак кожоюндарына акча берип чыгардым. Бакыт деген баланы издеп жүргөндө өзүм бир жума ачка жүрдүм.
Дагы көп кыргызды издеп, табылбай да калгандар болду. Мени казактар өлтүрөбүз деп коркутушкан. Ага карабай дагы көптөгөн документи жок мекенине кайта албай жүргөн, акчасы жок кыйналган мекендештериме жардам берип келдим. Акчам ашып-ташпаса да, бул иштерди соопчулук үчүн кылам. Кыргыздар кыйналса да, ачка болсо да мекенинде жүрсүн деп аларды алып келдим. Азыр
мен бошотуп келген адамдардын туугандары, өздөрү мага телефон чалып, ыраазычылыгын айтып турушат.

Эрдик көрсөткөн атуулдардын көпчүлүгү мамлекет тарабынан сыйлыктарга ээ болушкан. Бул наамдардын эң жогоркусу – "Эрдик" медалы.

«ЭРДИК» МЕДАЛЫ – БААТЫРЛАР ҮЧҮН
«Эрдик» медалы 1996-жылдын 16-апрелинде «Кыргыз Республикасынын мамлекеттик наамдарды түзүү тууралуу» мыйзамынын негизинде киргизилген. Бул медаль менен адамдарды куткаруу үчүн өз өмүрүн тобокелге салган кадамга, эрдикке барган жарандар сыйланат. Коомдук тартипти көзөмөлдөөдө, кылмыштуулук менен күрөшүүдө, өрт, сел сыяктуу табият кырсыктары жана башка өзгөчө кырдаалдарда, мындан тышкары аскердик, атуулдук кызматы учурунда өмүрүн тобокелге салып каармандык кадамга барган жана каза тапкан адамдарга «Эрдик» медалы тапшырылат. Ушул күнгө чейин 400дөн ашуун адам «Эрдик» медалына татыктуу болгон.

ЭРДИГИ ЭЛ ЭСИНДЕ

  • Алгачкы жолу «Эрдик» медалы менен 1997-жылы өрт өчүрүүчүлөр Зарылбек Алжанов менен Дамирлан Мамбеталиев көрсөткөн эрдиктери үчүн сыйланышкан.
  • Ош облусунун Кара-Кулжа районундагы Сары-Булак айылынын тургуну Абдилат Аманбаев өз өмүрүн тобокелге салып сууга чөгүп бараткан баланы куткаргандыгы үчүн «Эрдик» медалын тагынган.
  • Апрель революциясында кызматтык милдетин аткаргандыгы жана октон жалтанбай элди куткаруудагы каармандыгы үчүн «Тез жардам» кызматкери, дарыгер Гүлнара Ташибекова да «Эрдик» медалын алган.
  • 1999-2000-жылдары Баткен окуясында көрсөткөн баатырдыгы үчүн 194 адам «Эрдик» медалына ээ болгон.
  • «Эрдик» медалынын дагы бир кавалери Чүй облусунун Панфилов айылынын тургуну, пенсионер Сулкабира Исакматова. Ал 2009-жылы 22-декабрда Панфилов айылында болгон жол кырсыктан улам күйүп жаткан жеңил унаанын ичинен 5 кишини сыртка сүйрөп чыккан. Анын ичинен үчөө аман калган.
  • Кышында көпүрөдөн сууга кулап кеткен унаанын ичинен 9 адамды алып чыккан МАИ кызматкерлери Руслан Сидоренко жана Таалайбек Койлубаевге да «Эрдик» медалы ыйгарылган.
  • Дагы бир «Эрдик» медалынын ээси болгон баатырыбыз каскадёр Нурбек Болотов кино тартуу иштери менен жүрүп Нарын дарыясына кичи автобус кулап түшкөнүн көрүп калат. Ошол замат белине жип байлап сууга секирген каарманыбыз 1 жарым сааттын ичинде 24 жүргүнчүнү суудан алып чыккан.
    Аман калгандардын эң кенжеси 3 жашта болгон.
  • Каза болгондон кийин «Эрдик» медалы менен сыйлангандар да бар. Алар: 2004-жылы 5-майда өзүнүн автоунаасында атылган милициянын полковниги Чыныбек Алиев жана 2002-жылдын 8-июлунда карьерге кулап кетип каза тапкан «Кумтөр» компаниясынын тоо адисинин жардамчысы Алмаз Жакишов. Экөө тең кызматтык милдетин аткаруудагы баатырдыгы үчүн медалга татышкан.

Албетте, жогорудагы мекендештерибиздин кылган иштерине жүрөгүң жылыйт. Арабызда ушундай атуулдар көп болсо экен. Бар болгула, кыргыз баатырлары!

«Супердин» сурак бурчу
ӨЗ ӨМҮРҮҢҮЗДҮ ТОБОКЕЛГЕ САЛЫП БИРӨӨНҮ КУТКАРАТ БЕЛЕҢИЗ?

Айзада Бегалиева, сатуучу:
– Ооба, куткарып калмакмын. Себеби адамдарга жардам бергим келет. Адамдар бири-бирибизди кыйынчылыктардан куткарышыбыз керек. Азыр көчөдө киши жатса карабай өтүп кете беришет. Ал адамгерчиликке жатпайт.

Салибай Бакиев, куруучу:
– Буга чейин андай окуяларга дуушар болгон эмесмин. Бирөөнү куткарып өз өмүрүмдү тобокелге салат белем же жокпу аны айтыш кыйын. Эгер ошондой окуяга кабылсам, шартка ылайык ойлонуп көрмөкмүн. Себеби ар бир адамдын жаны таттуу болот да.

Чолпон Исраилова, студент:
– Мен өзүмдүн өмүрүмдү тобокелге салат болчумун. Себеби адам коркунучта турса, аны аман сактап калууга аракет жасаш керек. Кырсык деген ар бир адамдын башына түшүшү мүмкүн. Бир адамды кандай куткарсаң, керек учурда сени да бирөө куткарып калат.

Келдибек Аманкулов, куруучу:
– Жаш кезимде ошондой окуя болгон. Коңшумдун баласы досу менен сууга агып кеткенде куткарып калгам. Балдардын ата-энеси аябай ыраазы болушкан. Андай кокустук көз алдыңда болуп жатса куткарганга аракет кылат экенсиң.

Жыпаркүл Атыкулова, пенсионер:
– Эгер адамга жардам керек болсо, аны куткарып калууга даярмын. Өзүмдүн тубаса мүнөзүм ушундай, бирөөгө жакшылык кылып сооп тапкым келет. Жадакалса көчөдө баратканда балдар урушуп жатканын көрүп калсам арачага түшө калам.

Нурадил Жуманалиев, сатуучу:
– Ошондой абалга туш келгенде бир секунданын ичинде чечим кабыл алып, аны иш жүзүнө ашыруу керек. Бирок ал учурда кандай чечим чыгарасың, аны алдын ала айтуу кыйын. Кээде өмүрүңдү тобокелге салып, башканы кантип сактап калганыңды билбей калган учурлар болот.

Нуртаза Темирбеков, «тамашоучу»:
– Чыңгыз Айтматов «адам үчүн эң кыйын күн сайын адам болуу» деп айткан. Албетте, бир кокустук болсо инсандык парзымды өтөп, кыйналып жаткан адамга жардам берүүгө даярмын. Негизи эле адамдарга жардам берген бул сооп иш.

Асхат Субанбеков
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(12)
13.05.2013. 15:19 
Тайпасы:
Жаран
Комментарийлердин саны:
289
Катталган:
28-05-2012
Соӊку аракети:
09-04-2020 23:49
Жынысы:
Белгисиз
Калаасы:
нарын
+2
Нарында тоо тарапта чон канал бар.биздин уй ошо каналдын жеегинде эле.бир куну копуродо отурсам коз алдымда,уч,торт жашар бала каналга кулап кетти.копко турбай эле аркасынан секирдим.канал тез акканына байланыштуу балага жетиш кыйын болду.эми жетейин дегенде толкундан улам бала арылайт.ошентип 20,30 метрдей сузуп аран дегенде кармап алып чыктым.кокурогун баскылап,бутунан кармап ойдо которо калсам баланын оозунан суу атып чыкты.аны жееке жаткырып койуп майда балдардан апасы ким экенин сураштырып
13.05.2013. 15:26 
Тайпасы:
Жаран
Комментарийлердин саны:
289
Катталган:
28-05-2012
Соӊку аракети:
09-04-2020 23:49
Жынысы:
Белгисиз
Калаасы:
нарын
+2
бала жибердим.апасы бат эле келди,келип эле (рахмат деген да жок)баласын мен туртуп ийгенсип гекетип,мокотуп алып кетти баласын.кийин ошол аял м.н анда санда корушуп калып аттым.саламга да келбейт.ушундай адамдар да баар.
13.05.2013. 21:11 
Тайпасы:
Түйүлдүк
Комментарийлердин саны:
676
Катталган:
06-11-2012
Соӊку аракети:
14-07-2014 22:40
Жынысы:
Белгисиз
Калаасы:
..........sonuuuuuun jerde
+2
fanatka19, сага данк жан эрдик медал
14.05.2013. 01:47 
Тайпасы:
Жаран
Комментарийлердин саны:
33
Катталган:
25-11-2012
Соӊку аракети:
10-04-2020 12:52
Жынысы:
Белгисиз
+2
fanatka19, Сендей азаматтар кыргызымда кобое берсин мейли ал адамдан кайтпаса да башкасынан кайтат Азамат!!!
15.05.2013. 02:07 
Тайпасы:
Тартип бузгандар
Комментарийлердин саны:
383
Катталган:
24-08-2011
Соӊку аракети:
28-04-2014 16:59
Жынысы:
Белгисиз
+1
fanatka19, Азаматсын "Эрдик" медал сага тагылсын.Сен кыз болуп аны суудан куткарып чыксан дагы "Данк"!
17.05.2013. 00:42 
Тайпасы:
Тартип бузгандар
Комментарийлердин саны:
824
Катталган:
03-05-2012
Соӊку аракети:
12-06-2018 12:41
Жынысы:
Белгисиз
Калаасы:
жолдошумдун хан сарайы...
0
fanatka19, Алла раазы болсун сенин кылган эрдигине ал адамдар билбесе Аллах баарын коруп турат сага да бир кун ошондой жардам келет.
14.05.2013. 08:14 
Тайпасы:
Тартип бузгандар
Комментарийлердин саны:
76
Катталган:
31-10-2012
Соӊку аракети:
08-07-2017 17:41
Жынысы:
Белгисиз
0
казактардан откон адамдар жок
мен бирге иштешип журом мен бетине деле айтам
силер катындардан беш бетер алар
казашкалар ошол учун казак балдарын жаман корушот

мен кичинекей кезимде менин апамды казак балдар соккон менин козумчо ошондо апам ыйлаган омуру андай созду уккан эмес
кээде кейип каламда кыргыз кыздары казак балдарды мактап мен казашкамын деп оздорун кыргыздардан бийик койгондо
Модератор admin_media түзөттү 14.05.2013 10:01
14.05.2013. 08:17 
Тайпасы:
Тартип бузгандар
Комментарийлердин саны:
76
Катталган:
31-10-2012
Соӊку аракети:
08-07-2017 17:41
Жынысы:
Белгисиз
0
кыргыздар эч качан каалабайт бир улуттун жок болуп кетуусун
жана ага аракетда жасабайт жаман оюда жок
А казактар кыргыздарды жек корот
14.05.2013. 12:23 
Тайпасы:
Кыймылы жок
Комментарийлердин саны:
82
Катталган:
04-06-2009
Соӊку аракети:
21-10-2013 09:37
Жынысы:
Белгисиз
+1
Азыр адамдарда кайдигерлик орноп калган. жыгылып калсан мас турбайбы эшек деп согуп туруп отуп кетет. Бирок арабызда адамдар бар боорукер, ак журок. Ошонубуздан жазбайлы!
14.05.2013. 22:48 
Тайпасы:
Кыймылы жок
Комментарийлердин саны:
149
Катталган:
13-01-2013
Соӊку аракети:
12-11-2014 08:24
Жынысы:
Белгисиз
+1
prezidentinen bawtap kirgizda kirsik miting bolso le 4ek arasin jaap alat jaman ayaldan betrer kazaktar!
17.05.2013. 00:40 
Тайпасы:
Тартип бузгандар
Комментарийлердин саны:
824
Катталган:
03-05-2012
Соӊку аракети:
12-06-2018 12:41
Жынысы:
Белгисиз
Калаасы:
жолдошумдун хан сарайы...
0
Менин туугандарым 7-8жылдан бери казахстандын шаарларында иштешет коз тийбесин баары жакшы, озумда ар жалы ойногону барып турам баары эн сонун болот мен билге кыргыздар жакшы эле жашашат беш кол бирдей эмес туугандар баарыбыз мусулманбыз арасында жамандары да болушу мумкун
17.05.2013. 09:02 
Тайпасы:
Жаран
Комментарийлердин саны:
289
Катталган:
28-05-2012
Соӊку аракети:
09-04-2020 23:49
Жынысы:
Белгисиз
Калаасы:
нарын
0
чоон рахмат сиздерге.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23792;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: