Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Болот Тентимишов:«ЭРОТИКАЛЫК ЭПИЗОДДОРДУН ЭМИ МАГА КЫЗЫГЫ ЖОК»

№545 12-18-апрель, 2013-ж


Теректей узун бойлуу эски таанышты көргөндө «ай-ий, кечээ эле кымындай бала эле» деген таң калуу ар кимдин эле башынан өтсө керек. Дегеним, «Аталар керээзи» фильминдеги арык жигит азыр курсактуу мырза. Социалдык тармактардын бириндеги «Болот байкени мурун сүйчү элем, азыр курсак байлап калыптыр. Ошондон кийин талантын гана сыйлап калдым» деген билдирүү эске түштү. Анда бул сөзүбүздүн ары жагын актёр Болот Тентимишов өзү уласын.

– Акыркы учурда интервью бербей жүрөсүз. ММКларга таарынычыңыз барбы?
-Таарынычым бар, ошон үчүн бербей жүрөм деп так айтпайм. Журналисттер бир-эки жолу калпыс иш кылып коюшкан. Гезитте иштеген кыздар менден интервью алып, «кайра алып келебиз» деп спектакль жазылган дискти сурап кетип, кайра кайтарышкан эмес. Мен кээде долбоорлор менен иштешип, лекция окуп калам. Ошондо баягы спектаклди көрсөтөйүн десем, диск жок. Анан балдардан кайрадан көчүрүп убара болгом. Андан сырткары дагы бир жолу тележурналисттер капа кылышкан.

– Баштан эмнелер гана өтпөйт. Атагыңызды жардамга чакырган күн болду беле?
-Чынында, бул жашоонун азгырыктары абдан көп, биринен-бири кооз көрүнөт. Алардын баарынан баш тартуу оңой эмес. Турмуштун терс көрүнүштөрүнө кириптер болсом, аны оңдош үчүн алым жетпей калышы мүмкүн. Үй-бүлөмдү да коргошум керек дегендей. Элге таанылып калган соң атымды жардамга чакырбаганга аракет кылам.

– Атаандашыңыз ким?
-Бул ролду ойносом деп кыялданса кыялдангандырмын, бирок кимдир бирөөгө атаандашып роль талашкан эмесмин. «Мага берчи» деп сураганга да дитим барбайт. Кадимкидей кастингге келем, кээде сынакка жетпей эле өзүмө туура келбесе кетип калам.

– Гонорар жагын эске аласызбы?
-Гонорар мен үчүн аткарган ролумдан кийинки, экинчи орунда турат. Орустун бир актёрунун айтканы бар, «акча жок болот, уят калат» деген. Сахнадабы, тасмадабы, жараткан ролум эки мүнөттүк болсо да эл алдында уят болбой татыктуу ойноо – эң негизги принцибим. «Кичинекей роль болбойт, кичинекей актёр болот» деген таамай айтылган сөз.

– Көтөрүлүп, өзүңүздү өңгөдөн өйдө сезген учур болгонбу?
-Андай нерсе жаш кезде болсо болгондур, бирок эсимде жок. Азыр өзүмдү-өзүм тарбиялап, тилимди басып, боюмду кичирейтип келем.

– Актёрлуктан сырткары дагы эмне менен алектенесиз?
-Кээде айрымдардын жакшылыктарын башкарып тамадалык кылам. Тамадалыкты актёрлуктан да оор деп эсептейм. Кобзондун «дасторкон үстүндө бир нерсени ойнош кыйын» деп айтканында 100 пайыз чындык бар. Тамак жеп, шарап ичип отурган адамдардын көңүлүн буруш өтө кыйын. Ошондуктан эч кимди таарынтпаганга, өйдө-төмөн сөз болсо көңүл бөлбөгөнгө аракет кылып, ишимди так аткарууга болгон күчүмдү жумшайм.

– Өзүңүздү колунан келген, бактылуу, жолу ачык адаммын деп эсептейсизби?
-Шүгүр. Бардыгына ыраазымын. Жолдуу эле жигитмин. Менин бактым – үй-бүлөм, жакшы адамдардын кичине болсо да сыйына ээ болгонум. Бардык нерсенин менде кичинеден болгонуна тобо. Ошону чоңойтуп алыш өзүмдүн колумда.

– Үй-бүлөңүз тууралуу айтсаңыз...
-Келинчегим Сайрагүл Эсенбаева Казармандын кызы. Тектүү үй-бүлөдөн. Сайрагүл экөөбүз 1988-жылдары таанышканбыз. Ал Москвада, мен Ленинградда окудук. Окуубузду бүткөн соң Арсен Өмүралиев атындагы шаардык драма театрында чогуу иштеп калдык. Ошол жылдары ортобузда сүйүү пайда болуп, 1997-жылы баш коштук. Өзүңөр билгендей, Жамал Сейдакматова түптөгөн «Тунгуч» театрында да иштедик. Анан Орус драма театрындагылардын чакыруусу менен келип, 2009-жылдан бери ошол жерде иштейбиз. Ортобузда үч бала бар. Улуубуз Карина «Айчүрөк» кыргыз-түрк кыздар лицейинде 8-класста окуйт. Экинчибиз Эрбол 5 жашта. Кичүүбүз Аннур экиге чыкты.

– Жаңы тартылган «Мурас сыры» тасмасында бир туугандарыңыздын баары оор басырыктуу экен. Сиз аз убакыттын ичинде көп акча тапкысы келген жеңил ойлуу адамдын образын жаратыпсыз. Турмушта мүнөзүңүз кандай?
-Ар кандай. Жоош болчу учурда жоош болом, тартынчу кезде тартынам, шуулдаш керек болсо шуулдайм. Кыскасы, кырдаалга жараша көп кырдуу мүнөз күтөм.

– Баңгизатын колдонуп көрдүңүз беле?
-Колдонгом. Аскерде Томск шаарында Стройбат деген ат менен таанымал болгон жерде кызмат өтөгөм. Кыргызча Аскердик курулуш батальону деп айтылат. Ал жерге Кудайдан жөө качкандар барат экен. Мен тиякка барам десем боюм жетпейт, биякка десем да бир кемчилигим чыгат. Ошентип, Стройбатка туш болгом. Ал жер жөнүндө китептен окуп, маалымат алган элем. Мына ошол жерден көп нерсени башымдан өткөрдүм. Баңгизатын колдондум, мушташтым, кулагым сынды, бетим толгон айдай топтомолок болуп да шишиди.

– Бир эле жолу колдондуңузбу?
-Ооба, бир жолу эле даамын таттым да, кой дедим. Эрким күчтүү, жеңип кетти. Сизге бир окуя айтып берейин. Акылманга бир адам келип, «мен сизге шакирт болгум келет» дейт экен. Акылман «эмнең менен мага шакирт болууга татыктуусуң?» десе, «туулгандан татыктуумун» деген. «Анда кылбаган нерсеңдин баарын кылып, ичип, чегип, уурдап, үч айдан кийин кел» деп кетирет. Арадан 13 жыл өткөн соң эшик тыкылдайт. Ачса, баягы шакирт болом деген киши сакалы өскөн, картая түшкөн. Ошондо «эми билгениңден, көргөнүңдөн баш тарт» дептир акылман тигиге. Муну менен эмне айткым келип жатат? Бир жолу даамын татып, андан ары улантып кетиш оңой, бирок андан баш тартыш кыйын. Актёр болгондон кийин баарын ичип, чегип, колдонуш керек, антпесе сахнада жасалма болуп калат. Учурда ичпейм, аллергиям бар. Чылым чеккенди да аскерден үйрөнүп келген элем, таштаганыма он жыл болду.

– Бир күйөрманыңыз сизди «Аталар керээзи» тасмасынан улам сүйүп калганын, анан толуп кеткениңизди көргөндөн кийин сыйлап калганын жазыптыр. Формаңызга көңүл буруп турасызбы?
-Жок. Актёрлор ролго жараша бирде толуп, бирде арыктап турабыз. Мисалы, «Аталар керээзинде» 15 килограмм арыктагам. Андан сырткары кинонун өзүнүн фокусу бар. Адамды семиртип, арыктатып же боюн чоңойтуп коёт.

– Сизди беш маал намаз окуган такыба дешет, ошол чынбы?
-Оозуңда бардыр. Жакын арада, балким, чындап эле окуп калат чыгармын. Азыр беш маал намаз окубайм, бирок ниетимде бар. Ошентсе да Сайрагүл экөөбүз бейшемби күнү дайыма жыт чыгарып, өтүп кеткен ата-бабаларыбызга куран түшүрүп турабыз.

– «Ээнсиреген үй» фильминдеги Султандын ролун жаратыш жан дүйнөңүзгө кыйынчылык алып келген жокпу?
-Ал ролго Нурбек Эген «бир айылды кармап турган адамдын образы жаралышы керек. Сен ушуга ылайыктуусуң» дегенинен катышкам. Азыр андай ролдордон баш тарта баштадым.

– Эмнеге?
-Эми анын мага кызыгы жок. Анын үстүнө эл ичинде «бул дайыма ушундай тасмага тартылат» деген сөз калат. Баш тартканымдын дагы бир себеби, артымдан жаман сөз айтылбаса экен деп алдын ала чара көргөнүм. Чара көрө баштаганым менен кеч да болуп калдыбы дейм. Анткени андай сөздөрдү кулагым чалып калып жатат.

– Кызыгы жок дегенди кандай түшүнсөк болот?
-Эротикалык эпизодду ойнодум, эми кайталоонун кажети жок. Жалгыз эле мындай роль эмес, башка образдарымды деле кайталоодон качам.

– Султандын образын туугандарыңыз, тааныгандар кандай кабыл алышты?
-Досторум эле тамашалап тийишип калышпаса, баары билет, менин турмушта андай эмес экенимди. Кадимки эле тасмадагы каарман катары кабыл алышты.

– Сизге келип сүйүүсүн арнаган күйөрмандарыңызга эмне деп жооп кайтарасыз?
-Иренжитип албаганга аракеттенем. Бирок сүйүүсүн ачык айткандар боло элек. Мен сахнада башка, жашоодо башкамын.

– Кол көтөрүп катуу кеткен учур кездешеби?
-Мурда тил чоркок болуп, колум иштеп кетчү. Ичип-жебей туруп эле мушташып кетер элем. Көбүнчө эзмелер ошол абалга жеткиришчү. Азыр сөз менен катуу талашка түшүп кызаңдап алышым мүмкүн. Бирок менден кетсе кызуусунда дароо кечирим сурап, ошол окуяны унутта калтырам.

– Азыркы кыргыз кинолорун көрөсүзбү? Сиздин бааңыз?
-Көрөм. Көргөндө да калтырбай көрөм. Оюм түзүк. Бизде жылына жүзгө жакын кино тартылат деп жатышат. Ошонун ичинен жок дегенде эки-үчөө классика катары кийинки муунга калса, аны биздин жетишкендик деп эсептейм. Улуу режиссёрлор менен сүйлөшкөнүмдө алар да ушундай ойлорун айтып, илгери деле ушундай болчу дешти.

– Сизди карап туруп, кичине кезинде жоош болсо керек деген ойго такалып жатам...
-Жаңылышасыз. Төрт бир туугандын эң кичүүсүмүн. Улуубуз кыз, кийинки үчөөбүз тең эркек. Үйдүн көкүрөк күчүгү болгондуктан, ата-энемдин эркеси да, тентеги да элем. Ысык-Ата районуна караштуу Чоң-Далы айылында 1971-жылы туулуп, ошол айылдын мектебин бүткөм. Атам Аскарбек аскер адамы, апам Бүбүмайрам айыл чарба кызматкери болгон. Азыр ойлосом, башка теңтуштарым учкуч, дарыгер, мугалим болом дешсе, мен ошондо эле актёрлукка ыктап, көркөм адабиятка кызыкчу экем. Актёрдун жашоодо болбосо да сахнада бардык кесиптин ээси болуу мүмкүнчүлүгү бар да.

– Рахмат маегиңизге, бар болуңуз.

Сүйүн Кулматова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(10)
15.04.2013. 11:52 
Тайпасы:
Жаран
Комментарийлердин саны:
43
Катталган:
27-08-2007
Соӊку аракети:
21-12-2018 15:23
Жынысы:
Белгисиз
0
Болот Тентимишов актердукту катырат да. Озгочо мага, "Ээнсиреген үй" тасмасындагы "Асеель, эркееем, тойго даярдык кандай?" деген сөзү аябай жаккан.
15.04.2013. 12:02 
Тайпасы:
Кыймылы жок
Комментарийлердин саны:
314
Катталган:
30-10-2012
Соӊку аракети:
20-11-2015 22:16
Жынысы:
Белгисиз
0
Баягы койду касапчы сойсун деген макал ушул актерго жарашат менимче. Баардык кинолордогу ролун ийине жеткирип аткарган.М: Б.Тентимшов аткарган ролдорду башка бироо аткарганын элестете албайм. Кыргыздын кокурок кагып сыймыктанчуу актерлору саналуу жана алардын бири Б.Тентимишов.
15.04.2013. 16:03 
Тайпасы:
Жаран
Комментарийлердин саны:
60
Катталган:
17-11-2011
Соӊку аракети:
02-04-2019 14:03
Жынысы:
Белгисиз
Калаасы:
Кыргызстан
0
best-life, даа тууура жаздын, оюна кошулам.
15.04.2013. 14:24 
Тайпасы:
Жаран
Комментарийлердин саны:
29
Катталган:
17-01-2011
Соӊку аракети:
07-09-2019 20:34
Жынысы:
Белгисиз
Калаасы:
Садагам Оштой жеримди..
0
Талантту актер!Уй булонузго бакыт,ишинизге ийгилик!
15.04.2013. 16:52 
Тайпасы:
Аким
Комментарийлердин саны:
534
Катталган:
26-01-2013
Соӊку аракети:
06-03-2019 22:48
Жынысы:
Белгисиз
Калаасы:
Ак монгулуу Ала-тоо
0
Жубайы экоонун Куурчактардын ролун ойногону аябай жагатда, тимеле. тируу куурчакты коргондой болосун.;)
15.04.2013. 22:54 
Тайпасы:
Кыймылы жок
Комментарийлердин саны:
203
Катталган:
22-05-2007
Соӊку аракети:
14-09-2015 15:00
Жынысы:
Белгисиз
Калаасы:
Москва
0
Kg.lady, Мен да бир жолу Тунгуч театрынынын концертине кирип калып, Болот Тентимишевдин талантына "ТАН" бергем. Аябай таланттуу актер.Жалан ийгиликтерди каалаймын!
16.04.2013. 14:31 
Тайпасы:
Жаран
Комментарийлердин саны:
51
Катталган:
18-07-2011
Соӊку аракети:
09-11-2017 11:04
Жынысы:
Белгисиз
0
Ооба,таланттуу,акылдуу актер!Берген интервьюсунда да,канчалык денгээлде интеллектке ээ экени дароо корунуп турат...Уй-булосуно бакыт каалайм.Аталар керээзинин да режисеру Нурбек Эген да,корогоч режисер адашпаган,эки мыкты,кымбат фильимине башкы каарманды тандоодо.Бул эки улуу инсандарга таазим жана сыймыктануу м.н караганга акыбыз бар,а сындаганга эмес!Супер инфого рахмат,таарынып жургон актердун таарынычын жазып,бизге окшогон куйормандары ыраазы!
17.04.2013. 15:41 
Тайпасы:
Жылдыз
Комментарийлердин саны:
80
Катталган:
20-12-2012
Соӊку аракети:
16-07-2017 16:36
Жынысы:
Белгисиз
Калаасы:
Кыргызстан
0
Sonun akter.
18.04.2013. 18:08 
Тайпасы:
Жаран
Комментарийлердин саны:
33
Катталган:
03-04-2013
Соӊку аракети:
15-10-2019 07:09
Жынысы:
Белгисиз
0
Ошол ээнсиреген уйго эч тушунбойм аягына.Ошондо Асел жолдо эле олуп калабы? Балким "Ээнсиреген уй 2"деп чыгаттыр. Аселдин баласы чонойгуча Асел кайра издеп келеттир, окуноттур балким баласын сатканына.......силер кандай ойлойсунар
19.04.2013. 09:40 
Тайпасы:
Жаран
Комментарийлердин саны:
82
Катталган:
02-02-2012
Соӊку аракети:
25-01-2019 17:54
Жынысы:
Белгисиз
Калаасы:
Кыргызстан Бишкек
0
sasik, жок олбойт кафеде бир жерде ырчы болуп калатмеспи...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: