Архив
897   898   899  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ТУРИЗМ ӨЛКӨСҮ ТҮРКИЯГА САЯКАТ

№513 31-август-6-сентябрь, 2012-ж


Түркиянын тарыхын билгендей Кыргызстандын тарыхын билишеби? Ушул суроо дале көөдөндө турат. Анткени Түркияга болгон сапарыбызда ал жактагы мекендештерибиз түрк тилин гана эмес, маданиятын, тарыхын жатка билип бүтүшкөнүн байкайсың. Албетте, муну жаман көрүнүш деп атоого болбойт. Тескерисинче, кыргыз балдарынын дилгирлиги, кашкөйлүгү десек жарашчудай. Эмесе, Түркияны көздөй чогуу учалы...

АВТОТЫГЫН ЭМЕС, АЭРОПОРТТО УЧАК ТЫГЫНЫ
«Манастан» Стамбулдагы «Ататүрк» аэропортуна кондук. Стамбулдагы бул аба майданы Европанын эл аралык эң ири аэропортторунун ондугуна кирет. Ар экинчи мүнөт сайын улам бир учак конорун же абага көтөрүлөрүн Анкарага учууга убактыбыз келгиче эсептеп отурдук. Эң эле кызыгы, аба аркылуу 40 мүнөттө жетчү жерге учакка түшкөн соң учагыбыз жарым саат кезек күткөнү болду.
Анкаранын «Эсенбога» аэропортунан бизди ТРТ Аваз телеканалынан Айсулуу жана башка кесиптештер тосуп алышты. Адатта бирөөгө микрофон, диктофон такачу бизге кесиштештердин камера, микрофон көтөрүп тосуп алганы күтүүсүз болду.
Калкынын саны 5 миллионго жетип барган баш калаада дээрлик автотыгын байкалбайт. Балким, бул транспорт жактан өнүккөндүгүнөн, жолунун кенендигинен болсо керек. Таксилер атайын сары түстө болгон үчүн такси издеп кыйналбайсың. Анкарада бийик имараттар, тарыхый музейлер, маданий жайлар арбын. Айтор, Анкарада болгон 3 күн ичинде ТРТ Аваздагы кесиптештер бизди бийиктиги 125 метрди түзгөн Атакуле мунарасынан баштап бир канча музейлерге, анын ичинде Түркия Республикасын негиздеген биринчи президент Мустафа Кемаль Ататүрктүн мавзолейине чейин көрсөтүп, түрк маданиятын, тарыхын баяндап бергенге жетишти.

АШКАНАСЫН ЗАЙТУН, БАКЛАВАСЫЗ ЭЛЕСТЕТИП БОЛБОЙТ
«Өзүбүздүн бешбармакка жетпейт» деп башка элдин ашканасын айтып калмай жайыбыз бар. Мага, тескерисинче, түрк ашканасы таттуу баклава, өзгөчө тамак – искендер-кебабы менен жакты. Сапарыбыз Рамазан айына тушталгандыктан, дасторконунан кургатылган курма, зайтун (оливка) үзүлбөдү. Түрк туугандар десертке баклаванын түрүн жасап жегенден зеригишпейт экен. Бир ашпозчу мени карап «баклаваны жеп көрдүңүз беле?» дейт. «Ооба, бирок жасалуу рецебин азыр сизден сурайм» десем, күлүп «сыр, бирок сиздин өлкөдө баклава сындуу азык барбы?» дебеспи. «Албетте» деп кыргыз даамдарын санасам, «алар кырк катталып жайылабы?» деп коёт. Мындан улам ашпозчу менен талашпайын деп чечтим. Ал эми суу жагынан алганда, биздин сууга жетпейт. Муздаткычтан жаңы чыкты деген суусунан ичсем деле суусунум канбады. Бирок кичинекей айнек стаканга куюлуп берилчү кыпкызыл чайы шакыйды дароо басчудай.
Кафе-ресторан, тез тамактануучу жайлардын көбүндө эле эркектер «куш келипсиз» деп жылмайып тосуп алышат. Кайда барбайлы тейлөө кызматында эркектердин жүргөнүн көрүп сурасак, «түрк аялдары көбүнчө үйдө бала багуу, үй иштери менен алек. Үй-бүлөнү багуу милдети эркекке жүктөлгөн деген түшүнүк түрктөрдө катуу кармалат. Үйлөнөм деген жигит үй-жай сала элек болсо, анда кыздын ата-энесине алар убактылуу жашачу батирден бери көрсөтүп, анан макулдугун алып үйлөнөт» деп айтышты.

ТРТ АВАЗ АРКЫЛУУ КЫРГЫЗСТАНДЫ ТААНЫШАТ
Түркияга болгон саякатыбызды уюштуруп берген ТРТ Аваз телеканалынын кыргыз бөлүмү болду. Бөлөк эл, бөтөн жерде жүргөн журтташтарыбызга бали дейсиң. Анткени акыркы жылдары дал ушул телеканал аркылуу түрк эли Кыргызстанды таанып келе жатат. Бизди аталган телеканалдын мүдүрү Аднан мырза кабыл алып, телеканал эки элдин достугун, биримдигин чыңдачу көпүрө экенин айтты. Баса, Кыргызстан десең эле «аа, Гүлжигиттин мекени» дешкени жагымдуу угулат экен. Дегеним, кышында Гүлжигит Калыков «Евразия жылдызы» сынагын жеңип, түрк кыздарынын жүрөгүнө чок салып коюптур. Анан да «Евразия жылдызы» сынагынын финалы Кыргызстанда Нооруз майрамына туштап өткөрүлөрүн кошумчалады.
«Кыргызча берүүлөр ачылганына 3 жылдын жүзү болду. Биз «Салт-санат», «Кыргызстандыктар» «Балдар дүйнөсү» сыяктуу кыргыз тилиндеги берүүлөрүбүз аркылуу Кыргызстанды бүтүн түрк дүйнөсүнө таанытабыз»,- дейт кыргыз бөлүмүнүн редактору Жайна Кулманбетова. Ал эми Коомдук телеканал аркылуу көрсөтүлчү «Жаңы күн» берүүсүнүн алпаруучусу Нура Садырова тамашалап «ырчылардын баары менин колумдан өтөт» дейт. Анткени бизден барган ырчыларды эфирге алып чыгуу, маектешүү Нуранын моюнунда.

СТАМБУЛГА СУКТАНАСЫҢ
Ошентип, борбор калаадан дүйнөдө баш кошуу салтанаты эң көп катталган Лас-Вегастан кийинки шаар – Стамбулга келдик. Бизди Стамбулда жайгашкан Кыргызстан достук жана маданият коомунан Нурлан мырза тосуп алды. Кесиптешим Сергек «Стамбулда машина айдаган адам дүйнөдө машина айдай алат» деген туура экен» деп жылмайтты, Нурлан мырза бизди машинасына салып Стамбулдун кыйма-чийме көчөлөрүн түнү кыдырып жүргөндө. Ооба, чынында эле абасы нымдуу Стамбулга суктанасың.
Стамбул шаарынын так ортосунда Босфор кысыгы жайгашкан. Биздин заманга чейинки 667-жылы негизделген калаанын бир жак тарабы Азияга, экинчиси Европага карап, Босфор Кара жана Мармар деңиздерин бириктирип турат. 13 миллиондон ашуун калк жайгашкан шаар тарыхый музейлер, мечиттер, чиркөөлөргө бай болгондуктан, жылдын кайсы мезгили экенине карабастан туристтердин саны азайбайт. Айрыкча быйылкы жылы 6 миллион туристти кабыл алышканын айтып бүтө алышпады. Архитектуралык курулуш жактан алганда, Стамбулда өтө бийик имарат курууга уруксат алуу кыйынга турат.
Банктык системи жакшы өнүккөндүгү байкалат. Кичинекей күркөгө кирсең деле төлөм карточкаң менен төлөп коё аласың. Балким, башка айыл, шаарларында жол эрежеси биздикиндей эледир, бирок Стамбулда жол чырак, видеокөзөмөлдөн сырткары канча бир чакырым жерге атайын коюлган фотокөзөмөл да күчүндө. Көрсөтүлгөн чакырымда катуу ылдамдыкта айдап өтүп кетсең, машинанын номери тартылып калып, айдоочунун үйүнө өзүнөн мурун эсеп-дүмүрчөк айып кагазы барып каларын бизди коштоп жүргөн Нурлан мырза айтып берди.
Баарынан кызыгы, эң чоң Султанахмед мечитине барганда болду. Улам бир тарыхый жерге барып отургандыктан, кадимки турист катары эле кийинип алганбыз. Мечитке кирели десек, сыртта кагаз таркатып турган түрк волонтёру киргизбейт. Намаз убактысы болуп калган турбайбы десек, жок, ал биздин кийимибизди жактырбай жатыптыр. Кыргыз эмеспизби, аягына чейин «калчылдашалы» деп кайра кыркалекей тизилген туристтерден дегеле кезек жетчүдөй эмес, кайтканга туура келди. Андан кийинки сапарыбыз даңазалуу Сулейман мечитинде уланды.

КИЧИНЕКЕЙ КЫРГЫЗСТАНГА ТУШ БОЛДУК
Кыргыз меймандостугун бөтөн жерде да далилдей алат. Кыргызстан достук жана маданият коому чакыргандыктан, кеңсесине бардык. Биз барган убакта «Бир аваз» берүүсүнө тартылганы Гүлнур Сатылганова менен КТРКнын үн режиссёру Нурдин мырза да келип калды. Ошол жерде иштеген түрк жигит айтат «бул кеңсе кичинекей Кыргызстан» деп, чын эле желегибиз желбиреп, кыргызча жасалган, кыргыз жыттанган кеңседе боордошторду көргөндө сүйүнөт экенсиң.
Кыргызстандын ичиндеги аба каттамдары менен учсаң «сизге Дюшеспи» же суубу?» дегенин эстеп, тейлөө бизде да өнүксө болот эле деп кейийсиң. Бирок туулган жердин топурагы, аба, суусу, эли, албетте, баарынан өйдө. Кыргызстанга келгенде кадимкидей абасынан кере-кере жутат, ким болбосун, кайдан келбесин...

Бурул Исмаилова
Бишкек-Стамбул-Анкара-Бишкек
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
03.09.2012. 10:03 
Тайпасы:
Кыймылы жок
Комментарийлердин саны:
33
Катталган:
03-07-2012
Соӊку аракети:
16-09-2013 19:11
Жынысы:
Белгисиз
Калаасы:
ош
0
рахмаааат , чооон сураныч дайыма ушинтип дуйного саякатка чыгып туралчы
03.09.2012. 15:23 
Тайпасы:
Кыймылы жок
Комментарийлердин саны:
204
Катталган:
21-12-2011
Соӊку аракети:
10-02-2014 16:30
Жынысы:
Белгисиз
Калаасы:
KG
0
эс алып келуу канчага турат экен?
06.09.2012. 03:59 
Тайпасы:
Жаран
Комментарийлердин саны:
51
Катталган:
28-05-2010
Соӊку аракети:
23-07-2019 05:50
Жынысы:
Белгисиз
Калаасы:
Москва
0
Озум эс алууга Туркияга барып келгендей болуп калдым.
07.09.2012. 15:54 
Тайпасы:
Кыймылы жок
Комментарийлердин саны:
142
Катталган:
29-05-2010
Соӊку аракети:
24-10-2012 02:52
Жынысы:
Белгисиз
Калаасы:
avstria
0
a bir ele mechetke kireerde (Sultanahmetke dagy) eshiginde jooluktar turbayby oronup alyp ele kire bermeksiner. Al jakta turgandar atayin jooluktardy berishet, kiyimdi jaktyrbay ketirip saldy degendi birinchi ugup jatam, anyn ustundo kirgenge dagy akcha tolonup jatsa, ketirmek emes bolchu! Surap korsonor bolmok eken.
09.09.2012. 02:46 
Тайпасы:
Жаран
Комментарийлердин саны:
410
Катталган:
28-09-2011
Соӊку аракети:
28-01-2020 18:50
Жынысы:
Белгисиз
0
milli, да сага кошулам алар кетиришбей кийим жолуктарды оздору сунуштайт элего.
07.11.2013. 04:41 
Тайпасы:
Кыймылы жок
Комментарийлердин саны:
9
Катталган:
16-10-2013
Соӊку аракети:
09-11-2017 11:58
Жынысы:
Белгисиз
0
Туркияга жолдомону кантип алсак болот айтып кое аласыздарбы?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23533;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: