Архив
897   898  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

КОНЬКИ ТЕБҮҮНҮ ҮЙРӨНҮП АЛЫҢЫЗ

№476 16-22-декабрь, 2011-жыл


Кышында убакытты көңүлдүү өткөрүүчү жайлардын бири – муз майданы. Мында адамдар көңүлдөрүн гана көтөрбөстөн, ден соолуктарына да пайда алып келишет. Бүгүн Бишкектеги муз майдандарынын даректери тууралуу жана андагы баалар канча экендигинен маалымат беребиз. Ошондой эле муз майданына барып көрө электерге коньки тебүүдөгү негизги ыкмаларды үйрөнүп алууну сунуштайбыз.

КОНЬКИ ТЕБҮҮ БОЮНЧА КӨРСӨТМӨЛӨР

АЛГАЧ...

  • Муз майданында жыгылуудан жана жаракат алуудан сактаныш үчүн конькинин бутка чагын тандаңыз. Эгер чагы жок болсо, бир аз чоңураагын алып, калың байпак менен кийиңиз.
  • Коньки тээп жатканда ыңгайсыздык жаратпаш үчүн боосун бекем байлаңыз, анткени боолор бошоп, чалынтышы мүмкүн. Андыктан убак-убагы менен боого көңүл буруп, бекем байлап туруңуз.
  • Муз майданга тик абалда жаны­ңыздагы адамды же муз майданынын жээгиндеги тосмолорду кармап чыкканыңыз оң.
  • Муз майданына чыккандан кийин тик абалда эки колуңузду эки тарапка созуп, тең салмактуулукту кармаңыз.

АЛДЫГА ЖЫЛУУ

  • Эми алдыга жылуу үчүн конькинин мизин туура багыттоо керек. Конькинин ички жана сырткы мизи болот. Алдыга жылуу үчүн тизени кичине бүгүп, оң бутту алдыраак коёбуз да, сол буттагы конькинин ички мизи менен алдыга түртөбүз. Ушул учурда сол буттагы конькинин ички мизи музга тийиш үчүн бутту 45 градус кыйшайтыңыз.
  • Алдыга жылгандан кийин оң бут менен сол буттун кызматын алмаштырыңыз. Алмаштыруу учурунда оң бутту оң тарапка, сол бутту сол тарапка шилтеп алмаштырыңыз. Буттарды алмаштырууда жыгылып кетпеш үчүн алдыга сунулуп, музга таштала турган бутка салмагыңызды салып, тең салмактуулукту сактаңыз.

БУРУЛУУ

  • Бурулууда конькинин сырткы мизи оңго, ал эми ички мизи солго бурулууга жардам берет. Оңго бурулууда оң буттагы конькинин сырткы, ал эми сол буттагы конькинин ички мизи музга тийиш керек. Ошондой эле бурулуп жаткан тарапка салмагыңызды салыңыз.
  • Ылдамдык менен жүрүп келатып, токтобостон тегеренип бурулуу. Мисалы, сол тарапка бурула турган болсоңуз, алгач эки колуңузду эки тарапка сунуңуз. Андан соң сол тизени бүгүп, конькинин сырткы мизин музга тийгизиңиз да, оң бут менен кадамдаңыз. Бурула турган тарапка салмакты таштаңыз.

ТОКТОО

  • Эң жөнөкөй ыкма – согончок менен токтоо.
  • Бутту 90 градуска буруп токтоо. Токтоонун мындай ыкмасын колдонууда бир бутту кичине алдыга созуу керек. Сол каптал менен бурулуп токтосоңуз, оң бутту алдыга созуп, ошол эле буттагы конькинин ички мизин музга такап, дене салмакты сол капталга багыттоо кажет.
  • Эки бут менен токтоо. Эки буттагы конькинин ички миздерин музга тийгизип, буттардын баш жагын ички тарапты көздөй кайруу аркылуу.
  • Бир учурда эки бутту бирдей бир тарапка буруп токтоо. Токтоо учурунда улам оңго жана солго бурулуп туруу керек. Мындай ыкма “хоккейдик токтоо” деп аталат.
  • Токтоону алгач 3-4 кадам жылган сайын аткарып үйрөнгөнүңүз оң. Ал эми катуу ылдамдык менен келип токтоодо салмакты артты көздөй таштоо зарыл.

ЖЫГЫЛЫП БАРАТКАН УЧУРДА...
Жаңы үйрөнчүк муз майданда жыгылбай коюусу мүмкүн эмес. Андыктан жыгылууда эмнелерден сак болуу керектигин эсиңизге түйүп алыңыз.

  • Эгер алды жакка кулап баратсаңыз, тизелей калууга жана эки колуңуз менен таянып калууга үлгүрүңүз. Ошондой эле бетиңиз жаракатка кабылбаш үчүн башыңызды болушунча өйдө көтөргөнгө аракет кылыңыз.
  • Артка жыгылып баратсаңыз, башыңызды алдыны көздөй ийип, оң же сол капталыңызга оогонго аракеттениңиз.

ЖЫГЫЛГАНДАН КИЙИН КАНТИП ӨЙДӨ БОЛУУ КЕРЕК?
Бир бут менен тизелеп, экинчи бутуңузду жарым чөгөлөгөн абалда конькинин уч жагындагы тиштерди музга такаңыз. Андан кийин эки колуңуз менен жарым чөгөлөгөн бутуңуздун тизесине таянып, шашпай өйдө болуңуз.

    • Бут кийимге конькини орнотуу орус падышасы Пётр Iдин идеясы болгон. Ал Голландияга болгон сапарында коньки тээп көрүп, аны Орусияга алып келген. Бутка кийүүгө ыңгайлуу болуш үчүн бут кийимге орноттуруп, Тула шаарында чыгарта баштаган.
    • 1842-жылы лондондук Генри Кирк алгачкы ачык типтеги муз майданын салган.
    • Дүйнөдөгү эң биринчи жасалма муз майданы 1876-жылы 7-январда Лондондо ачылган.
    • 1882-жылы муз үстүндөгү фигуристтердин эл аралык эң биринчи мелдеши Вена шаарында өткөрүлгөн.
    • Үстү жабык типтеги эң биринчи муз майданы 1912-жылы Канадада ачылган.

Кубаныч Сыдыков
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
20.12.2011. 13:15 
Тайпасы:
Кыймылы жок
Комментарийлердин саны:
27
Катталган:
19-12-2011
Соӊку аракети:
03-01-2015 13:57
Жынысы:
Белгисиз
Калаасы:
Бишкек
0
Окуп эле уйронуп алдымгооо,рахмат сизгеее!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23503;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: