Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Эмилбек Каптагаев, КРнын Президенттик аппарат жетекчиси: «САДЫРКУЛОВДУН ҮЙ-БҮЛӨСҮ КИТЕП ЧЫГАРДА СҮЙЛӨШҮҮДӨН БАШ ТАРТКАН»

№465 30-сентябрь - 6-октябрь, 2011-жыл


Өткөн саныбызда Эльмира Ибраимованын сөзүнө таянып, “Медет Садыркуловду өлтүрүү окуясы баяндалган “Кандуу жол” чыгармасынын автору – Эмилбек Каптагаев” деп жазган элек. Учурда президенттик аппараттын жетекчиси болуп турган Эмилбек мырзага бул сөздүн чын-бышыгын билүү үчүн кайрылдык.

– “Кандуу жолду” мындан эки жыл мурун кызыгып окугандардын катарындамын. Ар кимден “мунун автору – Эмилбек Каптагаев” дешкендерин укканда баары бир өз атыңыздан айтылбаган соң ишенбөөчүлүк жаралчу. Эмне үчүн ушул күнгө чейин чыгарманын автору экениңизди айтпай келгенсиз? Эгерде Эльмира Ибраимова билдирбесе, сиз дале үн катпай калат белеңиз? Же иштин ачылышын күтүп отурдуңузбу?
– Кылмыш иши ачылбаса, ал китеп жөнүндө айгай салуунун деле кажети жок болчу да. Кылмыш иши ачылган күндө да, болгон окуя менен китептеги сүрөттөмө окшош болбогондо “Кандуу жол” китебине мынча деле көңүл бөлүнмөк эмес, туурабы? Ал эми ал китепти мен жазганымды мени жакындан билген кишилердин баары эле билишчү, жашыруун деле сыр эмес болчу.
– Чыгарманы окуган адамга ошол окуяга катышкан адам айтып бергендей туюлат. Анын үстүнө ИИМ тараткан маалыматтарга көп жагынан, балким, дээрлик толугу менен төп келет. Жазуу учурунда сизге маалыматты толуктоодо кимдер жардамга келген? Балким, арасында опер топтун кызматкерлери же биз билбеген баалуу маалыматтын кожоюндары бардыр?
– Жок, эч кандай жашыруун маалымат булактары болгон эмес. Ошол кездеги ачык жазылып, басма сөздө жарыя болуп жаткан маалыматтарга же окуя болгон жерди барып көргөн адамдардын айткандарына таянып, ой толгоо, талкуу иретинде эле жазылган. Парламенттик оппозиция болгон КСДП фракциясынын лидери Роза Исаковна, депутат Иса Өмүркулов Жогорку Кеңеште кан какшап эле жатышты го “эмне эле бир версия менен карап жатасыңар, жол кырсыгы дегенден башка деле версиялар бар да. Эмне үчүн тергөө, иликтөө иштери мындай бир жактуу болуп жатат?” деп. Ошол сөздөргө кулак салган киши болгон жок. Ошондой эле Эльмира Ибраимова, Болот Шер, Өмүрбек Текебаевдер деле айтышты "саясий буюртма менен өлдү" деп. Мен деле ошол Садыркулов өлгөн 13-мартта саясий билдирүү жасагам, ар бир оппозицияда жүргөн саясатчынын керт башына, үй-бүлөсүнө коркунуч туулганын, мындан ары бийлик террор саясатына өткөнүн айткам. Ага деле эч ким көңүл бурган жок. Фактыларды салыштырып көрсө эле ачык көрүнүп турган, атайын уюштурулган буюртма өлүм экени.
– Китеп – сиздин өмүрүңүзгө кол салуу менен тең болуптур. Чуулгандуу чыгарманы баштаардын алдында коопсуздук үчүн коркунуч сезими жаралбадыбы же элге жеткирүүнүн жоопкерчилиги кымбат болдубу?
– Коркунуч сөзсүз болгон, ал жөнүндө өз оюмду айткан кишилердин баары эле эскертип жатышкан. Ошол кезде китеп жазылып жатканын Роза Отунбаева, Алмаз Атамбаев, Болот Шер, Эльмира Ибраимова жана башкалар билишкен эле, алар менен да бир топ жагдайларын талкуу кылганбыз. Бирок китеп жазылыш керек болчу. Анткени Бакиевдер Садыркуловду ошондой мыкаачылык менен өлтүрүп туруп, сөөгүн өрттөп жиберүү менен элге ачык эле белги беришти да – мындан ары кимде ким бизге каршы чыкса, ушундай болот деп. Кокон хандыгы деп жумшак айтылып жатты ал кезде. 13-марттан кийин бандиттик, басмачылык заман башталды. Ошондуктан режимге каршы “Улуу Биримдик” партиясынын атынан бир нече билдирүү таратып, Бакиевдердин бийлигинин анык жүзүн ачып көрсөтүүгө аракет кылдым. Бул китеп да ошол эле максатты көздөп жазылган.
– "Эдил Кожошизи" деген псевдонимди ким сунуштаган? Же өзүңүз койгонсузбу бул ысымды?
– Бул псевдонимди өзүм эле койгом. Анткени кичинемде чоң атам айтып берген жомок эсимде болчу: Эдил баатыр, Эмил баатыр деген эки бир тууган жөнүндө. Эдил баатыр тарыхта Атилла деген ат менен калып, анын ысымы менен чоң дарыя аталган – Эдил дайра деп, азыркы Волга дарыясы. Эмил баатырдын ысымы менен да дарыя аталган, Алтай тоосу жактан башталып, Казакстандын Алакөлүнө куят. Атам ошондой эле айткан өз жомогунда – бири Орол тоо, Жайык жакта, бири Алтай, Эне-Сай жакта туруп элди коргогон, баккан деп. Мына ошол Эдил баатырдын эле атын алайын дедим. Анан кожош деген өзүмдүн эле кичи уруум, чоң уруубуз саяк. Мен бир топ жылдан бери кыргыз фамилиясын “ИЗ” – “След” деген мааниден чыгаруу керек деп айтып жүргөм. Мисалы, Эшматизи, Ташматизи дегендей. Ошондуктан Кожошизи деп фамилия чыгаргам.
– Негизи эле чыгармадагы каармандардын аттарын коюуда кандай критерийлерге басым жасагансыз? Кээ бир фамилиялардын муундарын алмаштырып коюу менен чектелсе, айрымдарына татаалыраак форма тандалган.
– Чыгармадагы каармандардын аттары жөнөкөй эле ыкма менен жасалган. Мисалы, китепте Арданиев деген премьер-министр. Ал кезде өкмөт башы Данияр Үсөнов болчу. Ошондуктан Данияр деген атты сындырып, Ар-дани-ев деп бергем. Ошондой эле Бакиев дегенди сындырып Ки-ба-ев деп бергем, Жакен Кибаев сыяктуу.
– Көпчүлүк Жаныш Бакиевдин портреттик мүнөздөмөсүнө көңүл бурушкан. Сиз ал киши менен канчалык тааныш элеңиз?
– Китепте Жаныш Бакиевдин портрети жок, ал жерде ага окшош Жакен Кибаев бар. Мен Жаныш Бакиев менен болгону бир жолу, Чолпон-Атада өткөн семинарда жолуккам, кол алышып учурашканбыз, 2006-жылдын жай айлары болуш керек эле же 2007. Унутуп калдым.
– Медет Садыркулов менен болгон мамилеңиз кандай болчу? Анын үй-бүлө мүчөлөрү чыгармага кандай реакция жасашкан?
– Медет Садыркулов менен кызмат боюнча гана мамиледе болчумун. Ал Президенттик администрация башчысы болуп турганда каршы пикирде болуп, бир аз кер-мур айтышканыбыз чын. Ал мага кысым көрсөтүп, оппозициядан кайтууну сунуш кылган, "каалаган кызматыңды берели" деп да айткан, "балаңды жумуштан кетиребиз, башка да нерселер болот" деп коркутуп да көргөн. Эми ал өткөн окуя. Мен китеп боюнча анын үй-бүлөсү менен байланышкан жокмун, бирок байланышы бар киши аркылуу басмадан чыгарууга каражат жагынан көмөк көрсөтүүнү үй-бүлөсүнөн, жакын болуп жүргөн досторунан сураткам. Бирок бардыгы баш тартышкан, сүйлөшпөй коюшкан.
– Качандыр бир күнү кызматтан кеткен соң кандайдыр бир чуулгандуу же жөн гана өзүңүз каалаган тармактын тегерегинде чыгарма жазуу пландарыңыз барбы?
– Билбейм, балким, жазат болушум керек. Өз башымдан өткөн, өзүм катышкан же күбө болгон окуялар Кыргызстандын соңку жаңы тарыхынын эң эле урунттуу учурлары да.

ЖКнын депутаты Болот Шер:
"Бул окуянын тегерегинде бир топ адамдардын көптөгөн сөздөрү айтылып жатат. Ошолор эле жетиштүү деп эсептейм. Ал эми өзүмдүн атымдан болсо, кандайдыр бир комментарий бергим келбейт",- деп жооп берди.

Эскерте кетсек, буга чейин жарыяланган маалыматтарга ылайык, "Кандуу жол" чыгармасын Эмилбек Каптагаев кыргызча, Болот Шер орусча которуп жазган.

Эльвира Караева
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(11)
03.10.2011. 15:01 
Тайпасы:
Жаран
Комментарийлердин саны:
117
Катталган:
05-06-2007
Соӊку аракети:
18-10-2019 17:12
Жынысы:
Белгисиз
0
Китепти окуп чыгып, эсиме келе албай көпкө жүрдүм. Элдер мыкаачы болуп кайда барат?! Төмөнкү шилтемеден "Кандуу жол" ангемесин окуй аласыздар.
http://www.super.kg/ipb/index.php?showtopic=38181
03.10.2011. 17:17 
Тайпасы:
Жаран
Комментарийлердин саны:
300
Катталган:
06-11-2010
Соӊку аракети:
19-03-2019 21:11
Жынысы:
Белгисиз
Калаасы:
Россия
0
А я до сих пор под впечатлением...
03.10.2011. 21:15 
Тайпасы:
Жаран
Комментарийлердин саны:
690
Катталган:
10-03-2010
Соӊку аракети:
14-10-2019 15:29
Жынысы:
Белгисиз
0
Эмил ага, ыраазымын, адилеттик учун куйуп, жанынызды тобокелге салганыныз учун. Таянган Кудайыныз сизди сактаган экен, демек аягын улантышыныз керек го дейм. 6-7-апрелдеги окуяларды, Алиясбек Алымкуловду кошсонуз, аны да тируу кубо кылып, башын эки ок козосо да Кудай аман алып калбады беле, андан кийинки окуяларды, биздин сыймыктанар мыкты саясатчыларыбызды (арасында сиз барсыз) жазсаныз келечек муунга жакшы иш калтырган болор элениз. Так калган тарых келечек суроолорунда жакшы негиз тура.
03.10.2011. 21:16 
Тайпасы:
Жаран
Комментарийлердин саны:
690
Катталган:
10-03-2010
Соӊку аракети:
14-10-2019 15:29
Жынысы:
Белгисиз
0
Кудай сизге, жакындарынызга омур берсин!
03.10.2011. 23:51 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
09-01-2019 06:40
Жынысы:
Белгисиз
Калаасы:
Kg-Ош
0
Окуп алып мен да жаман болдум,жырткычтардын башкаруусунда жашап жургон турбайбызбы деген ой келди.
04.10.2011. 07:46 
Тайпасы:
Кыймылы жок
Комментарийлердин саны:
36
Катталган:
12-10-2010
Соӊку аракети:
08-10-2014 15:52
Жынысы:
Белгисиз
Калаасы:
Alania
0
Kechiresiner tuugandar,kylmyshtyn beti 2 jyldan son achyldy deit,kim kunoolu,kim olturdu dep achyldy ele?maga kupuia kat jazyp koiunuzdarchy.
04.10.2011. 14:09 
Тайпасы:
Кыймылы жок
Комментарийлердин саны:
49
Катталган:
15-11-2010
Соӊку аракети:
10-10-2014 10:59
Жынысы:
Белгисиз
0
Жакшы жазылган. Ошол кылымышкерлерге бир гана ОЛУМ жазасы!
07.10.2011. 09:27 
Тайпасы:
Кыймылы жок
Комментарийлердин саны:
13
Катталган:
02-12-2010
Соӊку аракети:
20-04-2012 08:26
Жынысы:
Белгисиз
Калаасы:
Бишкек
0
Бул ишти ачып жатканы жакшы бирок баар ыкачып кетишкенден кийин болгону коундурот да башкы куноокорлор сот жазасына тарта албы же жокпу Кыргызда жакшы макал бар эмеспи "Душман кетти кылычынды ташка чап " деген ошондой болуп калбай баары жазасын алса!
07.10.2011. 10:28 
Тайпасы:
Кыймылы жок
Комментарийлердин саны:
6
Катталган:
06-12-2007
Соӊку аракети:
17-09-2012 16:52
Жынысы:
Белгисиз
0
Бул китепте ото эле жырткыч кылып корсотуптур. Адам баласы андай жырткыч болбосо керек. Мен бир жерине тушунбой турам. Бул чыгарма жазылганына 2 жыл болгон болсо, кылымышкер сентябрь 2011жыл кармалып жатса. Баягы эле политикалык оюн эмеспи дегенге ой кетет. Шайлоо жакындап Мадумаровду четтетуу айласыбы же Каптагаевдин аброюн которуубу. Булар китептин мазмунуна окшоштуруп дагы бироону темир тор артына даярдап жатса керек. Кылмыш так 2 жыл мурда жазылган китептин мазмунуна окшогону тан калыштуу.
07.10.2011. 10:38 
Тайпасы:
Кыймылы жок
Комментарийлердин саны:
6
Катталган:
06-12-2007
Соӊку аракети:
17-09-2012 16:52
Жынысы:
Белгисиз
0
Качып кеткен президентти туугандарын жамандап оздорун актаганын койбоду.Жылдыз Жолдошова чыгырган Ош окуясынын тасмасын коргондон кийин буларга ишенич деле калбады. Дискте даана корсотулгон Кадыржан Батыров козголонду баштайбыз мен Отунбаева, Текебаевдер менен суйлошуп келдим деген жерлери бар. Эн кызыктуусу ошол Кадыржан Батыровдун жыйынында Бектур Асановдун аны колдоп олтурганы. Даярданып жатканын билип туруп Б. Асанов эч кандай билдируу жасабаган.
07.10.2011. 10:40 
Тайпасы:
Кыймылы жок
Комментарийлердин саны:
6
Катталган:
06-12-2007
Соӊку аракети:
17-09-2012 16:52
Жынысы:
Белгисиз
0
Ош окуясынан кийин да губернатор болуп иштеп журду. Ушулардын барын коргондон кийин буларга ишенуу кыйын.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: